EZEQUIEL 41:16 - Dios Rimashcata Quillcashcami

¹⁶ Diospac huasi muyundipi cac uchilla ucucunapish quimsa altocamanmi pambamanta jahua ventanacaman tablahuan tapashca carca. Pungu umbralcunatapish, ventanacunatapish tablacunahuan tapashcami carca.

EZEQUIEL 41:16 ပူးပေါင်းရင်းမြစ်များ

1 REYES 6:15

Diospac huasi ucu pircacunataca caspihuan ruhuashca shina saquirichunmi ucu pambamanta pacha jahua viga caspicaman chayacta cedro tablahuan tucui taparca. Diospac huasi ucu pambataca ciprés tablacunahuanmi taparca.

1 REYES 6:4

Diospac huasi ventanacunataca ucumanca ancho canzhamanca quichquitami ruhuarca.

2 CRÓNICAS 3:5

Diospac huasi ucutaca ciprés tablacunahuanmi catarca. Chai tablacunataca alli curihuanmi jahuata llutarca. Chai jahuataca palmera quirucunata, cadenacunatami ruhuarca.

ISAÍAS 6:4

Chashna caparicpica, Diospac huasi pungu umbralcunapish chucchurcami. Huasi ucupica cushnimi jundarca.

EZEQUIEL 10:18

Chai quipami huasi umbral jahuapi tiyacuc Mandac Diospac sumaimana achic nicucca querubincunapac jahuapi tiyarirca.

EZEQUIEL 40:16

Shinallatac uchilla ucucunapica ucumanca ancho, canzhamanca quichqui ventanacunami muyundita tiyarca. Churanata huacaichina ucu muyundipipish ventanacunami tiyarca. Chai ventenacunaca ucu ladomanmi muyundita carca. Shinallatac tucui pilarcunapimi palmerata dibujashca carca.

EZEQUIEL 40:25

Chai zahuanpish, churanata huacaichina ucucunapish muyunditami ventanacunahuan carca. Chaipish caishuc pungu corredorpi tiyac ventanacuna shinallatacmi carca. Chaica, largomanca ishcai chunga pichca metro, anchomanca chunga ishcai metromi carca.

EZEQUIEL 40:6

Chai quipaca inti llucshina ladoman cac punguman rishpami, gradata huichicushpa, pungu umbralta medirca. Chai umbralca ishcai ladotami quimsa metro ancho carca.

EZEQUIEL 41:15

Chai quipaca Diospac huasi huasha ladopi cac huasi largotami medirca. Diospac huasi ladopi tiyac huasimanta caishuc lado huasicamanca pichca chunga metromi carca. Diospac huasi ucupish, churana huacaichina ucucunapish,

EZEQUIEL 41:17

Diospac huasi pungumantaca Diospaclla chicanyachishca ucucamanmi medirca. Chai pircacunapipish, muyundipi cac ucucunapipish, canzhamanpipish ucumanpish,

EZEQUIEL 42:3

Chunga metrota medic ucu lado pamba ñaupapi, sumacta empedrashca canzha lado pamba ñaupapica quimsa altoyuc huasimi tiyarca. Chai quimsa altocunaca quimsatacmi chimbapurashca carca.

HAGEO 1:4

«¿Ñuca huasi llaquinayaita siricucpipish, cancuna sumac huasicunapi causana punzhachu shamushca?

1 CORINTIOS 13:12

Cunanca espejopi amsa amsallata ricucushca shinami, ashallata yachanchic. Shina cashpapish shamuc punzhaca ima shina cashcatatac, ñahui ñahuimari ricushun. Cunanca chaitaca mana yachanichu. Shina cashpapish, ima shinami Dios ñucata ricsin, shinallatacmi shamuc punzhaca ricsisha.