EZEQUIEL 40:6 - Dios Rimashcata Quillcashcami

⁶ Chai quipaca inti llucshina ladoman cac punguman rishpami, gradata huichicushpa, pungu umbralta medirca. Chai umbralca ishcai ladotami quimsa metro ancho carca.

EZEQUIEL 40:6 ပူးပေါင်းရင်းမြစ်များ

1 REYES 6:8

Chaupi altoi-bajopi tiyac ucuman yaicuna punguca Diospac huasi alli ladomanmi carca. Chaupi altoi-bajoman huichai ringapacpish, chai altoi-bajomanta ashtahuan jahua altoi-bajoman huichai ringapacpish achcata muyushpa churu shina gradami carca.

1 CRÓNICAS 9:18

Diospac huasiman jatun mandac yaicuna pungupi levitapuramanta cuidaccunaca cunan punzhacamanmi cuidacun. Chai punguca inti llucshina ladomanmi.

1 CRÓNICAS 9:24

Chai cuidaccunaca jahua ladomanpish, ura ladomanpish, cai ladomanpish, chai ladomanpish chuscu ladomanmi cuidarca.

NEHEMÍAS 3:29

Paicunapac ladopica Imerpac churi Sadocmi paipac huasi ñaupapi cac pircata allichirca. Paipac ladopica inti llucshina ladota cuidac Secaniaspac churi Semaiasmi allichirca.

SALMOS 84:10

Huaranga punzhacunata canzhapi canapac randica, shuc punzhallatapish cambac huasi pungupi canami ashtahuan alli. Juchayuccunapac huasipi causanapac randica, ñuca Diospac huasi pungupi canami ashtahuan alli.

JEREMÍAS 19:2

Chai quipaca inti llucshina ladopi tiyac pungu yaicuna ladoman rishpa, Ben-hinompac churipac pugru pambaman ri. Chaipica ñuca imata huillashcata ningui.

EZEQUIEL 10:18

Chai quipami huasi umbral jahuapi tiyacuc Mandac Diospac sumaimana achic nicucca querubincunapac jahuapi tiyarirca.

EZEQUIEL 11:1

Diospac Espiritumi Diospac huasi inti llucshina ladoman cac punguman aparca. Chai pungu yaicunapica ishcai chunga pichca runacuna shayacuctami ricurcani. Chai runacunapurapica Azurpac churi Jaazaniasta, Benaiaspac churi Pelatiastami ricurcani. Paicunaca pueblopi causaccunata mandacmi carca.

EZEQUIEL 40:20

Shinallatac canzha pambaman llucshina jahua ladoman cac zahuantapish largomanpish, anchomanpishmi medirca.

EZEQUIEL 40:22

Chai pungu ladopi cac ventanacunapish, pungucunapish, dibujashca palmeracunapish inti llucshina ladoman cac pungucuna shinallatacmi carca. Chaiman yaicungapacca canchis gradacunatami huichicuna carca. Churanata huacaichina ucuca chai ñaupallapitacmi carca.

EZEQUIEL 40:24

Chai quipaca ura ladomanmi pusharca. Chai ura ladopica shuc zahuanmi tiyarca. Chai corredorpi cac pilarcunatapish, churanata huacaichina ucucunatapish, inti llucshina ladoman cac ucucunata shinallatacmi medirca.

EZEQUIEL 40:26

Chai punguman chayangapacca canchis gradacunami tiyarca. Chai pungu ñaupapica churana huacaichina ucucunami tiyarca. Pungu pilarcunapica ishcai ladomantami palmera dibujashca carca.

EZEQUIEL 40:5

Chai huasi canzha muyundipica shuc pircatami ricurcani. Chai runa charicuc medina caspica quimsa metromi carca. Chai caspihuanmi pircata medirca. Chai pircaca altomanpish, anchomanpish quimsa metromi carca.

EZEQUIEL 40:7

Largomanpish, anchomanpish quimsa metrota medic ucucunapish tiyarcami. Chai ucucunaca ishcai metro chaupi carupi ruhuashcami carca. Churanata huacaichina ucu ladopi cac ucuman yaicuna pungu umbralcunapish ishcai ladotami quimsa metro carca.

EZEQUIEL 41:16

Diospac huasi muyundipi cac uchilla ucucunapish quimsa altocamanmi pambamanta jahua ventanacaman tablahuan tapashca carca. Pungu umbralcunatapish, ventanacunatapish tablacunahuan tapashcami carca.

EZEQUIEL 42:15

Diospac huasi ucuta medishca quipaca, inti llucshina ladopi cac punguta llucshishpami, tucuita muyundita medirca.

EZEQUIEL 43:1

Chai quipaca inti llucshina ladoman cac pungumanmi ñucata pusharca.

EZEQUIEL 43:17

Chai altar chaquipi cac pataca largomanpish, anchomanpish canchis metromi carca. Chuscu ladomanmi chashnallatac carca. Chai muyundipica ishcai chunga pichca centímetro ancho llucshishcami carca. Chai muyundi canalca chaupi metro anchomi carca. Gradacunaca inti llucshina ladopimi carca.

EZEQUIEL 43:8

Israelcunaca paicunapac umbralcunatapish, pilarcunatapish ñuca huasi pungu umbral ladopi churashpami, ñuca jucha illac shutita yangapi churarca. Chaitaca, chai ladollapi shuc pircallata shayachishpami ruhuarca. Chaimantami ñucaca yallita piñarishpa tucuchircani.

EZEQUIEL 44:1

Quipaca chai runaca inti llucshina ladoman cac Diospac huasi canzha pungumanmi pusharca. Chai punguca huichcashcami carca.

EZEQUIEL 46:12

Ashtahuanpish mandacca pai munashcamanta mashnata charishca shina animalta cushpa rupachigricucpi, Mandac Dios ñucahuan alli tucungapac ofrendata cugricucpica, inti llucshina lado pungutaca pascangami. Chaita yaicushpaca, samana punzhapi ruhuac shinallatac, animalta tucui rupachina shinallatacmi alli tucungapac ofrendata cunga. Pai chaita ruhuashpa, llucshishca quipaca pungutami huichcanga.

EZEQUIEL 47:1

Chaimantaca chai runaca Diospac huasi pungumanmi cutichimurca. Chaipica chai huasi pungu umbral ucumanta yacu llucshishpa, inti llucshina ladota ricuctami ricurcani. Diospac huasica inti llucshina ladomanmi carca. Chai yacuca Diospac huasi alli lado ucuta llucshishpami, altar ura ladota ricurca.

EZEQUIEL 8:16

Chaimantaca Mandac Diospac huasi ucu canzha pambamanmi pusharca. Chaipica Mandac Diospac huasiman yaicuna punguhuan altarhuan tupanacuipi ishcai chunga pichca runacunatami ricurcani. Paicunaca Mandac Diospac huasita huashaman churashpa, inti llucshic ladota ricushpami cumurishpa, intita alli nicurca.