EZEQUIEL 40:5 - Dios Rimashcata Quillcashcami

⁵ Chai huasi canzha muyundipica shuc pircatami ricurcani. Chai runa charicuc medina caspica quimsa metromi carca. Chai caspihuanmi pircata medirca. Chai pircaca altomanpish, anchomanpish quimsa metromi carca.

EZEQUIEL 40:5 ပူးပေါင်းရင်းမြစ်များ

SALMOS 125:2

Jerusalén puebloca, muyunditami urcucunata charin. Chashnallatacmi Mandac Diospish pai acllashcacunapac muyundita cuidacun.

ISAÍAS 26:1

Chai punzhapi Judá llactapi cantashpaca: «Muyundita pircashca llactatami charinchic. Diosmi ñucanchicta quishpichingapac ishcai pircata shina muyundita ruhuarca.

ISAÍAS 60:18

Cambac llactapica llaquica jaicapi mana uyaringachu. Llaquichishpa tucuchicpish mana tiyangachu. Chaipac randica llacta muyundi pircataca: “Quishpichicmi” nishpami cayangui. Cutin llacta pungu aldabataca: “Diosta alli ninami” nishpami cayangui.

EZEQUIEL 41:8

Diospac huasi muyundipica sumacta ruhuashca shuc basemi tiyarca. Chai base jahuapimi chai ucucunaca carca. Chai baseca quimsa metro altomi carca.

EZEQUIEL 42:15

Diospac huasi ucuta medishca quipaca, inti llucshina ladopi cac punguta llucshishpami, tucuita muyundita medirca.

EZEQUIEL 42:20

Chashnami chuscu ladotatac medirca. Chai pircaca largomanpish, anchomanpish ishcai patsac pichca chunga metromi carca. Chai pircami Diospaclla huasihuan, gentecuna purina pambahuan chicanyachic carca.

EZEQUIEL 43:13

Altar muyundi canalca chaupi metro ucu, chaupi metro anchomi carca. Altar callari muyundi molduraca ishcai chunga pichca centímetro anchomi carca. Altar chaqui muyundica,

ZACARÍAS 2:5

Ñucaca Jerusalén muyundi nina rupacuc pirca shinami casha. Ñucapac sumaimana achic nicuctami Jerusalén chaupipi ricuchisha. Chaitaca Mandac Dios ñucami nini” ninmi ningui» nirca.

DEUTERONOMIO 3:11

Manchana jatun gentecunamantaca Basanta mandac Ogllami saquirirca. Paipac camaca fierromi carca. ¿Chai camaca manachu Amón llactapi tiyac Rabá llactapi tiyacun? Chai camaca chuscu metro largo, shuc metro pusac chunga centímetro anchomi carca.

APOCALIPSIS 21:12

Chai pueblo muyundictaca jahuacaman jarcashca, chunga ishcai pungutami charirca. Tucui chai pungucunapimi shuc ángel carca. Shinallatac pungucunapica Israelpac chunga ishcai aillucunamanta shuc aillupac shutita quillcashcami carca.