EZEQUIEL 40:44 - Dios Rimashcata Quillcashcami

⁴⁴ Caishuc ladomanta yaicushpa, jahua ladoman cac pambapi cac ishcai ucucunaca cantaccunapacmi carca. Shuc ucuca jahua ladopi cac zahuan ladomanmi carca. Chai ucuca ura ladomanmi ashtahuan alli ricurirca. Shuc ucuca ura ladopi cac zahuan ladomanmi carca. Chai ucuca jahua ladomanmi ashtahuan alli ricurirca.

EZEQUIEL 40:44 ပူးပေါင်းရင်းမြစ်များ

EZEQUIEL 40:10

Inti llucshina ladoman cac pungu ladopi tiyac ucucunapish ishcai ladomanmi chashnallatatac medirca. Chaica quimsa ucucunatami charirca. Shinallatac ishcai ladomanta cac pilarcunapish shuclla medinahuan medishcami carca.

EZEQUIEL 40:17

Chai quipaca huasi pungu canzha pambaman apacpimi, uchilla ucucunata ricurcani. Chaicunaca muyundita rumihuan llambucllata ruhuashcami carca. Chai pungu pamba muyundipica quimsa chunga ucucunami tiyarca.

EZEQUIEL 40:23

Ucu pambapi cac punguca jahua ladopi cac pungu ñaupapimi carca. Shuc pungumanta caishuc pungucaman medicpica, pichca chunga metromi carca.

EZEQUIEL 40:27

Ucu pambapi cac punguca ura lado zahuan ñaupapimi carca. Chai pungumanta ura ladoman tiyac zahuancaman medicpica, pichca chunga metromi carca.

EZEQUIEL 40:29

Chai uchilla ucucunapish, pilarcunapish, churana huacaichina ucucunapish caishuccuna shinallatacmi carca. Pungupish, churanata huacaichina ucucunapish muyunditami ventanacunahuan carca. Chaicunata medicpica, altomanca ishcai chunga pichca metro, anchomanca chunga ishcai metro chaupimi carca.

EZEQUIEL 40:38

Chai yaicunapi cac churanata huacaichina ucucuna ñaupapica shuc jatun ucumi tiyarca. Chai ucupimi Diosman cushpa rupachina animalpac aichata jahuana carca.

EZEQUIEL 40:43

Chai ucu pirca muyundipimi huarcuna ganchocuna tiyarca. Chai ganchocunaca largomanca ishcai chunga pichca centimetromi carca. Mizacuna jahuapica animalcunapac aichami tiyacurca.

EZEQUIEL 40:7

Largomanpish, anchomanpish quimsa metrota medic ucucunapish tiyarcami. Chai ucucunaca ishcai metro chaupi carupi ruhuashcami carca. Churanata huacaichina ucu ladopi cac ucuman yaicuna pungu umbralcunapish ishcai ladotami quimsa metro carca.

EFESIOS 5:19

Salmocunatapish, Diospac Espíritu yuyachishca sumac cantocunatapish caishuc chaishuc parlanacuichic. Apunchic Jesucristota tucui shunguhuan “allimari cangui” nishpa cantaichic.

COLOSENSES 3:16

Cristomanta huillashca shimicunata shungupi yuyarashca cachunmi munani. Alli yuyaihuan caishuc chaishuc-huan yachachinacushpa, catina yuyaita cunacuichic. Salmocunatapish, Diospac Espíritu yuyaita cushca cantana cantocunatapish cantashpa, tucui shunguhuan Diosta pagui nishpa “allimari cangui” nishpa cantaichic.