EZEQUIEL 40:4 - Dios Rimashcata Quillcashcami

⁴ Chai runaca: «Huañunalla runa, allita ricui, shinallatac allita uyai. Ñuca imata ricuchishcataca allita yuyaringui. Cantaca ñuca ricuchishcata ricuchingapacmi caiman pushamurcani. Cai ricuchishcataca tucui israelcunaman huillangui» nirca.

EZEQUIEL 40:4 ပူးပေါင်းရင်းမြစ်များ

ISAÍAS 21:10

Shina nicpimi ñucaca: «Trillashpa huairachishca shina, ñuca llactapi causaccunalla, israelcunata Mandac Dios rimashcata uyashpami cancunamanca huillani» nircani.

JEREMÍAS 26:2

«Ñucapac huasi pungupi shayarishpa, ñuca huillashcata Judá llactacunamanta ñucapac huasipi alli ningapac shamuccunaman huillai. Shuc rimashcallatapish mana saquishpa tucuita huillangui.

EZEQUIEL 2:1

Chashna rimashpaca: «Huañunalla runa, jatarishpa shayari. Canhuanmi parlasha nini» nirca.

EZEQUIEL 2:3

Chaipi rimarishpaca: «Huañunalla runa, ñucami cantaca israelcunapacman cachani. Paicunaca ñucata mana cazushpami cariyarcacuna. Paicunapish, paicunapac taitacunapish cunan punzhacamanmi mana cazushpa causancuna.

EZEQUIEL 3:17

«Huañunalla runa, cantaca israelcunata chapachunmi churani. Cunanca ñuca rimashcata alli uyashpa, ñucapac randi sinchita rimangui.

EZEQUIEL 43:10

Huañunalla runa, israelcunaman paicuna millaita ruhuashcamanta pingachun, cai huasitapish, cai huasi mashnata medic cashcatapish ricuchingui.

EZEQUIEL 44:5

Chaipimi Mandac Diosca: «Huañunalla runa, ñuca huasipi ima ruhuanamanta ñuca canman huillashcatapish, mandashcacunatapish, allita uyashpa, allita entendingui. Ñucapac huasiman maijanlla yaicuna cashcata, maijanlla mana yaicuna cashcata alli yachacungui.

EZEQUIEL 47:6

Chaipimi ñucataca: «Huañunalla runa, ¿caicunataca allichu ricurcangui?» nirca. Chaimantaca cutichimushpami, jatun yacu pataman pusharca.

SAN MATEO 10:27

Cancunaman pacallapi nishcataca, achicpi huillanguichic. Ringrillapi huillashcataca, huasi jahua pataman huichicushpa huillanguichic.

SAN MATEO 13:9

Maijanpish ringrita charicca, caita allita uyachun» nirca.

HECHOS 20:27

Chaica, Dios huillachun nishcataca, mana pacashpami tucui huillarcani.

1 CORINTIOS 11:23

Cancunaman yachachishcataca, Apunchic Jesusmantami chasquircani. Apunchic Jesusca paita japichina tutallatacmi tandata japishpa,

DEUTERONOMIO 32:46

«Cunan ñuca rimashcataca tucui shunguhuan yuyarashpa pactachinguichic. Mandashcacunata quillcashca libropi tucui ima nicushcata huahuacunapish uyashpa cazuchunmi, chashna ruhuana canguichic.