EZEQUIEL 40:26 - Dios Rimashcata Quillcashcami

²⁶ Chai punguman chayangapacca canchis gradacunami tiyarca. Chai pungu ñaupapica churana huacaichina ucucunami tiyarca. Pungu pilarcunapica ishcai ladomantami palmera dibujashca carca.

EZEQUIEL 40:26 ပူးပေါင်းရင်းမြစ်များ

EZEQUIEL 40:16

Shinallatac uchilla ucucunapica ucumanca ancho, canzhamanca quichqui ventanacunami muyundita tiyarca. Churanata huacaichina ucu muyundipipish ventanacunami tiyarca. Chai ventenacunaca ucu ladomanmi muyundita carca. Shinallatac tucui pilarcunapimi palmerata dibujashca carca.

EZEQUIEL 40:22

Chai pungu ladopi cac ventanacunapish, pungucunapish, dibujashca palmeracunapish inti llucshina ladoman cac pungucuna shinallatacmi carca. Chaiman yaicungapacca canchis gradacunatami huichicuna carca. Churanata huacaichina ucuca chai ñaupallapitacmi carca.

EZEQUIEL 40:29

Chai uchilla ucucunapish, pilarcunapish, churana huacaichina ucucunapish caishuccuna shinallatacmi carca. Pungupish, churanata huacaichina ucucunapish muyunditami ventanacunahuan carca. Chaicunata medicpica, altomanca ishcai chunga pichca metro, anchomanca chunga ishcai metro chaupimi carca.

EZEQUIEL 40:31

Chai churanata huacaichina ucucunaca canzha pungu pambamanmi carca. Shinallatac pungu pilarcunapipish palmera dibujashcami carca. Chaipica pusac patayuc gradapish tiyarcami.

EZEQUIEL 40:6

Chai quipaca inti llucshina ladoman cac punguman rishpami, gradata huichicushpa, pungu umbralta medirca. Chai umbralca ishcai ladotami quimsa metro ancho carca.

2 PEDRO 3:18

Shina tucunapac randica, ñucanchic Quishpichic Apunchic Jesucristota ashtahuan ricsishpa, pai mai cuyac cashcata yachashpa, catichic. ¡Paica cunanpish, huiñai huiñaipacpish sumaimana alli nishca cachun! Chashna cachun.