EZEQUIEL 40:17 - Dios Rimashcata Quillcashcami

¹⁷ Chai quipaca huasi pungu canzha pambaman apacpimi, uchilla ucucunata ricurcani. Chaicunaca muyundita rumihuan llambucllata ruhuashcami carca. Chai pungu pamba muyundipica quimsa chunga ucucunami tiyarca.

EZEQUIEL 40:17 ပူးပေါင်းရင်းမြစ်များ

1 REYES 6:5

Shinallatac chai huasi jatun pircapi quimichishpami uchilla ucucunatapish ruhuarca. Diospaclla chicanyachishca ucu pata muyundipipish chashnallatac ucucunatami ruhuarca.

2 REYES 23:11

Judá llactata jatun mandaccuna intiman cushpa, Mandac Diospac huasi yaicuna pungu ladopi churashca caballocunatapish urmachircami. Chaicunaca michina pambacunata cuidac eunuco Natan-melec runa tiyacuc huasi ladopimi carca. Intiman cushca carretacunatapish rupachircami.

1 CRÓNICAS 23:28

Paicunaca Aaronpac huahua huahuacunata Mandac Diosta servinata ayudangapacmi carca. Paicunaca Diospac huasipi paipaclla chicanyachishcacunapi, ima mapa ama tuparichun cuidaccuna, ima ashtahuan shuc ruhuanacunatapish ruhuaccunami carca.

1 CRÓNICAS 9:26

Pungupi cuidaccunata mandac chuscu levitacunaca Diospac huasi ucutapish, chaipi tiyac valishcacunatapishmi cuidacurca.

2 CRÓNICAS 31:11

Shina cacpimi, Ezequiasca Mandac Diospac huasipi shuctac ucucunata ruhuachun mandarca. Shina mandacpimi, ucucunaca ruhuarcacuna.

ÉXODO 27:9

Chashnallatac ñucahuan tupana huasi canzha pambatapish ruhuangui. Chai ura ladoca chuscu chunga pichca metromi canga. Lino puchcahuan ahuashca pañohuan jarcashcami canga.

EZEQUIEL 10:5

Shinallatac querubincunapac alascuna patac nishcapish Mandac Dios rimashca shinami, paipac huasi ucupi tiyac canzha pambacaman uyarirca.

EZEQUIEL 40:18

Shinallatac chai huasicunaman yaicuna punguca rumihuan llambucllata ruhuashcami carca. Corredor chimbapurapica rumihuan ruhuashcaca ucucamanmi carca.

EZEQUIEL 40:38

Chai yaicunapi cac churanata huacaichina ucucuna ñaupapica shuc jatun ucumi tiyarca. Chai ucupimi Diosman cushpa rupachina animalpac aichata jahuana carca.

EZEQUIEL 40:44

Caishuc ladomanta yaicushpa, jahua ladoman cac pambapi cac ishcai ucucunaca cantaccunapacmi carca. Shuc ucuca jahua ladopi cac zahuan ladomanmi carca. Chai ucuca ura ladomanmi ashtahuan alli ricurirca. Shuc ucuca ura ladopi cac zahuan ladomanmi carca. Chai ucuca jahua ladomanmi ashtahuan alli ricurirca.

EZEQUIEL 40:45

Chai runaca ñucataca: «Ura ladoman cac huasica Diospac huasita cuidac curacunapacmi.

EZEQUIEL 40:46

Jahua ladoman alli ricuric huasica Diospac altarpi servic curacunapacmi. Paicunaca Sadocpac churicunami. Levipac huahuacunapura cashcamantami Mandac Diosta servingacuna» nirca.

EZEQUIEL 41:10

chunga metro carupimi carca. Chashnami muyundita carca.

EZEQUIEL 41:6

Diospac huasi ladopi cac ucucunaca quimsa altoyucmi carca. Cada altopimi quimsa chunga uchilla ucucuna tiyarca. Diospac huasi muyundipica ashalla pirca llucshishcami carca. Chai pirca ucucuna samachishpa racu caspicunata churashcami carca.

EZEQUIEL 42:1

Chai quipami jahua lado canzha pambaman pushashpa, chai pamba ñaupapi tiyac uchilla huasiman pusharca. Chai huasica Diospac huasi jahua ladomanmi carca.

EZEQUIEL 42:10

Canzha pamba ñaupapi, Diospac huasi ñaupapica uchilla huasicunami tiyarca. Caicunaca ura ladomanmi carca.

EZEQUIEL 42:3

Chunga metrota medic ucu lado pamba ñaupapi, sumacta empedrashca canzha lado pamba ñaupapica quimsa altoyuc huasimi tiyarca. Chai quimsa altocunaca quimsatacmi chimbapurashca carca.

EZEQUIEL 42:4

Chai huasicuna ñaupapica shuc corredormi tiyarca. Chai corredorca anchomanca pichca metro, largomanca pichca chunga metromi carca. Chai huasicunapac pungucunaca jahua ladomanmi carca.

EZEQUIEL 44:1

Quipaca chai runaca inti llucshina ladoman cac Diospac huasi canzha pungumanmi pusharca. Chai punguca huichcashcami carca.

EZEQUIEL 45:5

Cutin chunga ishcai huaranga pichca patsac metro largo, pichca huaranga metro ancho allpaca ñuca huasipi servic levita curacunapacmi canga. Chai allpata japishpami huasicunata ruhuashpa causanga.

EZEQUIEL 46:21

Chai quipaca canzha pambaman llucchishpami, chai pamba chuscu esquinacunata purichirca. Chaipica cada esquinacunapimi uchilla pamba tiyarca.

APOCALIPSIS 11:2

Ashtahuanpish Mandac Diosta mañana huasi canzha pambataca ama medinguichu. Chaica Diosta mana ricsiccunaman cushcami. Paicunami chuscu chunga ishcai quillata Diospaclla cac pueblotaca llaquichinga.