EZEQUIEL 40:16 - Dios Rimashcata Quillcashcami

¹⁶ Shinallatac uchilla ucucunapica ucumanca ancho, canzhamanca quichqui ventanacunami muyundita tiyarca. Churanata huacaichina ucu muyundipipish ventanacunami tiyarca. Chai ventenacunaca ucu ladomanmi muyundita carca. Shinallatac tucui pilarcunapimi palmerata dibujashca carca.

EZEQUIEL 40:16 ပူးပေါင်းရင်းမြစ်များ

1 REYES 6:29

Diospac huasi muyundi pircaca canzhamanpish, ucumanpish sumac ricunacunata ruhuashcami carca. Chaicunaca querubincuna, palmera yuracuna shinallatac butucuc sisacunami carca.

1 REYES 6:32

Ishcai pungucunatami olivos caspimanta ruhuashca carca. Chai pungucunapica querubincunata, palmera yuracunata, sisacunata ruhuashpami curihuan taparca.

1 REYES 6:35

Chai pungucunapipish querubincunata, palmera quirucunata, sisacunata, ruhuashpami allichirca. Chai quipaca chai allichishcacunataca alli curihuanmi taparca.

1 REYES 6:4

Diospac huasi ventanacunataca ucumanca ancho canzhamanca quichquitami ruhuarca.

1 REYES 7:4

Ventanacunaca ishcai ladopitacmi chimbapurashca quimsa fila carca.

2 CRÓNICAS 3:5

Diospac huasi ucutaca ciprés tablacunahuanmi catarca. Chai tablacunataca alli curihuanmi jahuata llutarca. Chai jahuataca palmera quirucunata, cadenacunatami ruhuarca.

SALMOS 92:12

Cashcata ruhuaccunaca palmera yura shinami sisacunga. Líbano urcupi tiyac cedro shinami huiñanga.

EZEQUIEL 40:12

Chai uchilla ucucuna ñaupapi cac pircacunata medicpica, shuc ladomanpish, caishuc ladomanpish chaupi metromi carca. Tucui chai ucucunami shuc ladomanpish, caishuc ladomanpish quimsa metro carca.

EZEQUIEL 40:15

Shinallatac canzhamanta yaicuna pungu pambamanta, churanata huacaichina pungu pambacaman medicpica, ishcai chunga pichca metromi carca.

EZEQUIEL 40:25

Chai zahuanpish, churanata huacaichina ucucunapish muyunditami ventanacunahuan carca. Chaipish caishuc pungu corredorpi tiyac ventanacuna shinallatacmi carca. Chaica, largomanca ishcai chunga pichca metro, anchomanca chunga ishcai metromi carca.

EZEQUIEL 40:26

Chai punguman chayangapacca canchis gradacunami tiyarca. Chai pungu ñaupapica churana huacaichina ucucunami tiyarca. Pungu pilarcunapica ishcai ladomantami palmera dibujashca carca.

EZEQUIEL 40:29

Chai uchilla ucucunapish, pilarcunapish, churana huacaichina ucucunapish caishuccuna shinallatacmi carca. Pungupish, churanata huacaichina ucucunapish muyunditami ventanacunahuan carca. Chaicunata medicpica, altomanca ishcai chunga pichca metro, anchomanca chunga ishcai metro chaupimi carca.

EZEQUIEL 40:30

Chai muyundipi cac churanata huacaichina punguca largomanca chunga ishcai metro chaupi, anchomanca ishcai metro chaupimi carca.

EZEQUIEL 40:31

Chai churanata huacaichina ucucunaca canzha pungu pambamanmi carca. Shinallatac pungu pilarcunapipish palmera dibujashcami carca. Chaipica pusac patayuc gradapish tiyarcami.

EZEQUIEL 40:33

Uchilla ucucunapish, pilarcunapish, churanata huacaichina ucucunapish chashnallatacmi carca. Pungupish, churanata huacaichina ucucunapish muyunditami ventanacunahuan carca. Chaicunaca largomanca ishcai chunga pichca metro, anchomanca chunga ishcai metro chaupimi carca.

EZEQUIEL 40:34

Churanata huacaichina ucucunaca canzha pambacamanmi carca. Pilarcunaca ishcai ladomantami palmerata dibujashca carca. Chaipica pusac patayuc gradapish tiyarcami.

EZEQUIEL 40:36

Chaipica uchilla ucucunapish, pilarcunapish, muyundita ventanayuc churanata huacaichina ucucunapishmi tiyarca. Chai pungu pambaca largomanca ishcai chunga pichca metro, anchomanca chunga ishcai metro chaupimi carca.

EZEQUIEL 40:37

Chai churanata huacaichina ucucunaca canzha pambacamanmi carca. Pilarcunaca ishcai ladomantami palmerata dibujashca carca. Chaipica pusac patayuc gradapish tiyarcami.

EZEQUIEL 40:7

Largomanpish, anchomanpish quimsa metrota medic ucucunapish tiyarcami. Chai ucucunaca ishcai metro chaupi carupi ruhuashcami carca. Churanata huacaichina ucu ladopi cac ucuman yaicuna pungu umbralcunapish ishcai ladotami quimsa metro carca.

EZEQUIEL 41:18

querubincunata, palmerata dibujashcami carca. Cada querubinpac ladopimi shuc palmerata dibujashca carca. Cada querubinmi ishcai ladoman ñahuita charirca.

EZEQUIEL 41:25

Diospac huasi pungucunapica pircapi shinallatacmi querubincunata, palmerata dibujashca carca. Diospac huasi pungupi tiyac corredorpipish shuc caspi pungumi tiyarca.

EZEQUIEL 41:26

Chai corredorpi cac churanata huacaichina ucucunata ruhuashca pircacunapica quichqui ventanacunami tiyarca. Chaipica palmerata dibujashcami carca. Diospac huasi muyundipi tiyac huasicunapish umbralcamanmi chashnallatac carca.

EZEQUIEL 41:3

Chai quipaca Diospaclla chicanyachishca ucuman yaicushpami, pungu pilarcunata medirca. Chai pilarcunaca ishcai ladotami shuc metro carca. Yaicunapish, pungupish quimsa metro anchomi carca. Pungu quingraicunaca cada ladomi quimsa metro chaupi carca.

EZEQUIEL 42:3

Chunga metrota medic ucu lado pamba ñaupapi, sumacta empedrashca canzha lado pamba ñaupapica quimsa altoyuc huasimi tiyarca. Chai quimsa altocunaca quimsatacmi chimbapurashca carca.

SAN JUAN 5:2

Jerusalenpimi ovejacuna yaicuna pungu ladopimi, shuc cucha tiyarca. Chai cuchaca hebreo rimaipica Betesda shutimi can. Chaimanca pichca pungutami yaicuna carca.

1 CORINTIOS 13:12

Cunanca espejopi amsa amsallata ricucushca shinami, ashallata yachanchic. Shina cashpapish shamuc punzhaca ima shina cashcatatac, ñahui ñahuimari ricushun. Cunanca chaitaca mana yachanichu. Shina cashpapish, ima shinami Dios ñucata ricsin, shinallatacmi shamuc punzhaca ricsisha.

APOCALIPSIS 7:9

Chai quipaca mana yupaipac tucuilaya gentecuna tucui llactacunamanta, tucui aillucunamanta, tucuilaya rimaita rimac gentecunatami ricurcani. Paicunaca mandashpa tiyarinapac ñaupapi, Pactalla Ovejapac ñaupapi yuranlla churanata churarishca, maquipica ramoscunahuan shayacuctami ricurcani.