EZEQUIEL 4:14 - Dios Rimashcata Quillcashcami

¹⁴ Shina nicpimi ñucaca: «¡Mandac Dioslla! Ñucaca huahuamanta pacha cunancaman jaicapi mana mapayashcanichu. Huañushca aichatapish, sacha animal huañuchishca aichatapish, ima shuctac mapa aichatapish mana micushcanichu. Mana shimipi churashcanillapishchu» nircani.

EZEQUIEL 4:14 ပူးပေါင်းရင်းမြစ်များ

ÉXODO 22:30

Punta huacharishca cari huagratapish, ovejatapish ñucaman cungui. Chai punta huacharishca animalca canchis punzhatami mamahuan canga. Pusac punzhaca ñucaman cungui.

ÉXODO 22:31

Cancunaca ñucapaclla acllashcami canguichic. Chaimanta sacha animal polvoshpa huañuchishca aichataca ama micunguichicchu, ashtahuanpish allcucunaman shitanguichic.

ISAÍAS 65:4

Enterrashca jutcucuna chaupipimi pacalla pacarin. Cuchi aichatami micuncuna. Mana micuna mapa aicha caldomi paicunapac mangapica tiyacun.

ISAÍAS 66:17

Mandac Diosca: «Mapa illac cangapac allichirishpa, huerta chaupiman catinacui rishpa, cuchi aichata, ucucha aichata, ima shuctac millana animalcunapac aichata micuccunataca tandachishpami tucuchisha.

JEREMÍAS 1:6

Shina nicpimi ñucaca: «Mandac Dioslla, ñucaca cunan huiñaillami cani. Rimanatapish mana alli yachanichu» nircani.

EZEQUIEL 20:49

Shina nicpimi ñucaca: «¡Mandac Dioslla! Paicunaca ñucataca: “Cai runaca chimbapurashca parlocunallatami parlashpa purin” nincunami» nircani.

EZEQUIEL 4:15

Shina nicpimi paica: «Tandata gentecunapac mapahuan cusanapac randica, huagra huanuhuanmi cusachun saquini» nirca.

EZEQUIEL 44:31

Curacunaca paicunallatac huañushca volac animalcunatapish, pamba animalcunatapish, mana cashpaca shuctac animalcunatapish mana micunachu can.

EZEQUIEL 9:8

Chai runacuna tucuita huañuchicucpica, ñucallami saquirircani. Chaimantami ñucaca pambacaman cumurishpa: «Ñucata Mandac Dioslla, can yallita piñarishpa, Jerusalenta llaquichicushpaca, chaipi causac saquirishca israelcunatapish, ¿tucuitachu chingachigringui?» nishpa mañarcani.

DANIEL 1:8

Danielca jatun mandacpac micunatapish, pai ubiana vinotapish micushpa, ubiashpa mapayanatami paipac shungupi mancharca. Chaimantami mandana huasipi serviccunata mandactaca: “Caita micushpaca mapayashunmi, cai micunata micuchun ama mandaichu” nirca.

LEVÍTICO 17:15

Israelpuramantapish, mana cashpaca shuctac llacta runa cancunapurapi causacpuramantapish huañushca animal aichata, mana cashpaca sacha animal huañuchishca aichata micushpaca, armarishpa churanata tacshanami can. Shina ruhuashpapish tutayangacamanmi mapa canga. Chai quipami mapa illac tucunga.

LEVÍTICO 19:7

Chai aichata quimsa punzhapi micucca mapami tucunga. Chaica mana chasquishachu.

LEVÍTICO 22:8

Huañushca animaltapish, sacha animal polvoshca animaltapish mana micunachu. Chaita micushpaca, mapami tucunga. Ñucaca Mandac Diosmi cani.

HECHOS 10:14

Shina nicpimi Pedroca: —Mana, Apunchic Jesús. Mapa animalcunataca mana micushachu, jaicapi mana micushcanichu— nirca.

DEUTERONOMIO 14:21

Imapish huañushca animaltaca ama micunguichicchu. Ashtahuanpish cambac llactapi pozashpa causaccunaman micuchun cunguichic, mana cashpaca shuctac llactamanta shamuccunaman catunguichic. Cancunaca, Mandac Dios chicanyachishca jucha illac gentecunami canguichic. Ama llullu chivota mamapac lechepi yanunguichicchu.

DEUTERONOMIO 14:3

Mana micuna nishcataca ama micunguichicchu.