EZEQUIEL 39:7 - Dios Rimashcata Quillcashcami

⁷ Shinami ñuca shutica jucha illac cashcata ñuca acllashca israelcunapac chaupipi ricsichisha. Ñuca shutita yangapi churachunca, jaicapi mana saquishachu. Shina ruhuacpimi, shuctac llactapi causaccunaca ñucataca israelcunapac jucha illac, Mandac Dios cashcata yachangacuna.

EZEQUIEL 39:7 ပူးပေါင်းရင်းမြစ်များ

SALMOS 103:1

Ñuca almalla, Mandac Diostaca alli niyari. Paipac jucha illac shutitaca tucui shunguhuan alli niyari.

ÉXODO 20:7

Mandac Dios ñucapac shutipi ama yanga ari ninguichu. Maijanpish ñuca shutipi yanga ari nicca llaquichishcami canga.

ISAÍAS 12:6

Sionpi causaccunalla, yallita cushicushpa cantaichicyari. Cancunapac chaupipi causacuc israelcunapac jucha illac Diosca jatunmari» nichicyari.

ISAÍAS 37:23

¿Pitatac camishpa rimarcangui? ¿Pitatac jatun tucushpa, llaquichishpa, ñahuita alzashpa rimarcangui? ¡Israelcunapac jucha illac Diostami chashna rimarcangui!

ISAÍAS 43:14

Cancunata quishpichic, israelcunapac jucha illac Diosca: «Cancunata quishpichingapacmi Babilonia llactapi causaccunata llaquichichun cachani. Paicunataca miticuc runacunata shinami callpachisha. Barcocunapi jatun tucushpa puric caldeocunataca chai barcocunallapitacmi cutichishpa cachasha.

ISAÍAS 43:3

Ñucami Mandac Dios cani. Quishpichic, israelcunapac jucha illac Diosmi cani. Cancunata quishpichingapacca Egiptopi causaccunatami curcani. Etiopía, Seba llactacunapi causaccunatami cancunapac randi curcani.

ISAÍAS 45:11

Israelcunata ruhuac jucha illac Mandac Diosca: «¿Quipa punzha ima tucunatachu tapunguichic? ¿Ñuca maquihuan ruhuashca huahuacunamantachu tapunguichic?

ISAÍAS 49:26

Saruc shina canta llaquichiccunataca paicunapuratami micunacuchisha. Quiquin yahuarllahuantacmi vinohuan machac shina machanga. Chashna ruhuacpimi, cai pachapi causaccunaca ñucaca Mandac, llaquimanta quishpichic, Jacobota sinchiyachic Mandac Dios cashcata yachanga» nini

ISAÍAS 55:5

Riqui, canca mana ricsishca runacunatami cayangui. Shinallatac canta mana ricsic runacunami cambacman callpamunga. Israelcunapac jucha illac, Mandac Diosta alli nishcamantami chashna shamunga.

ISAÍAS 60:14

Llaquichiccunapac churicunaca cambac ñaupaman shamushpami cumuringa. Tucui canta millanayachiccunami cambac chaqui ñaupapi cunguringa. Paicunami “Israelcunapac jucha illac Mandac Dios causana Sión llacta” ninga.

ISAÍAS 60:9

Mama cucha patapi causaccunaca ñucatami shuyanga. Utca pachamanta Tarsis llactapi tiyac jatun barcocunapish cambac huahuacunatami paicunapac cullquindi, curindi caru llactamanta pushamunga. Israelcunapac jucha illac Mandac Diospac shutita jatunyachingapacmi pushamunga. Pai Diosmi sumaimanata ruhuarca.

EZEQUIEL 20:14

Shina cashpapish, ñuca shuti shuctac llactacunapi causaccunapac ama mana alli nishca cachunmi, mana llaquichircani. Paicunataca chai gentecuna ricucucpimi llucchimurcani.

EZEQUIEL 20:39

Mandac Dios ñucaca israelcunataca: Tucui cancuna ñucata mana cazushpa, cancunapac ruhuashcalla dioscunata servishpa catichiclla. Ashtahuanpish cancunapac yanga dioscunata servishpa, chaicunaman ofrendata cushpa, ama ñuca jucha illac shutita yangapi churaichicchu.

EZEQUIEL 20:9

Shina cashpapish, shuctac llactacunapi causaccunapac ñuca shuti ama mana alli nishca cachunmi, mana llaquichircani. Chai llactacunapac chaupipimi paicunaca causarca. Ñucaca Mandac Dios cashcata ricsichishpami, israelcunataca Egipto llactamanta llucchimurcani.

EZEQUIEL 36:23

Shuctac llactapi yangapi churashca ñuca shutitami jatunyachisha. Cancunapac chaupipi ñuca jucha illac shutita jatunyachicpimi, ñucataca Mandac Dios cashcata yachangacuna. Chaitaca Mandac Dios ñucami nini.

EZEQUIEL 36:36

Cancunapac muyundipi causaccunaca tucui urmachishcacunata ñuca cutin shayachishcatapish, shitashca pambapipish ñuca tarpushcatapish yachangami. Mandac Dios ñucami chashna nini. Chaitaca ruhuashatacmi.

EZEQUIEL 38:16

Puyu shina rishpa, ñuca acllashcacunata tucuita tapashpa llaquichingui. Jatun mandac Goglla, quipa punzhacunapimi shuctac llactacunapi causaccunapac ñaupapi ñuca jucha illac cashcata ricuchichun, ñuca acllashcacunata llaquichichun cantaca ñucallatac cachasha.

EZEQUIEL 38:23

Shina ruhuashpami, ñucaca jatun cashcata, jucha illac cashcata shuctac llactacunaman ricuchisha. Shina ruhuacpimi, ñucataca Mandac Dios cashcata yachangacuna” ninmi ningui.

EZEQUIEL 39:22

Chai punzhamantami israelcunaca ñucataca Mandac Dios cashcata yachangacuna.

EZEQUIEL 39:25

Chaimantami Mandac Dios ñucaca: Cunanca Jacobopac huahua huahuacunataca pushamushpami israelcunata cuyac cashcata ricuchisha. Chashnami ñuca shutica jucha illac cashcata ricuchisha.

EZEQUIEL 39:8

Mandac Dios ñucami nini: Ñuca llaquichina punzhami chayamun. Chaitaca pactachishatacmi.

LEVÍTICO 18:21

Ama cambac cari huahuataca Moloc shuti ruhuashcalla diosman cushpa rupachinguichu. Chashna ruhuashpaca, cambac Diostami yangapi churangui. Ñucami Mandac Diosca cani.