EZEQUIEL 39:4 - Dios Rimashcata Quillcashcami

⁴ Cambac soldadocunandi, canhuan cac gentecunandimi Israel llacta urcucunapi huañungui. Chaipica volac animalcuna, sacha animalcunami micunga.

EZEQUIEL 39:4 ပူးပေါင်းရင်းမြစ်များ

ISAÍAS 14:24

Tucuita Mandac Dios ari nishpaca: «Ñuca yuyarishcataca ruhuashatacmi. Imata ruhuanata yuyarishcataca pactachishatacmi.

ISAÍAS 14:25

Asiria llacta runacunataca ñuca llactapimi huañuchisha. Ñuca urcucunapimi sarushpa tucuchisha. Shinami ñuca gentecunamanta yugota anchuchisha. Aparishca llashac quipitapish anchuchishami.

JEREMÍAS 15:3

Mandac Dios ñucaca: “Paicunata llaquichingapacca chuscu jatun llaquicunatami churasha. Espadataca huañuchichun, allcucunataca caiman chaiman aisarichun, volac animalcunataca micuchun, sacha animalcunataca polvochunmi churasha.

JEREMÍAS 25:33

Chai punzhapica Mandac Dios huañuchishcacunaca tucui cai pachapimi shuc ladomanta caishuc ladocaman shitashca siricunga. Chai huañushcacunamantaca pipish mana huacangachu, mana tandachingachu, mana enterrangachu. Chai huañushcacunaca cai allpapica huanumi tucunga.

EZEQUIEL 29:5

Shina llucchishpami cantapish, cambac yacupi tiyac challuacunatapish shitashca pambapi shitasha. Chai pambamantaca pipish mana japingachu, pipish mana enterrangachu. Sacha animalcuna, jahuata volac animalcuna micuchunmi saquisha.

EZEQUIEL 33:27

Shinallatac: “Mandac Diosca: Ñuca shutipimi nini: Llaquinayaita tucuchishca pueblopi causaccunaca jatun macanacuipimi huañunga. Pambapi causaccunataca millai animalcunami micunga. Jatun pircahuan jarcashca llactacunapi, jatun jutcucunapi causaccunaca manchana ungüihuanmi huañunga.

EZEQUIEL 35:8

Urcucunapipish, lomacunapipish, pambacunapipish, yacu huaicucunapipish, jatun macanacuipi huañushcacunami jundanga.

EZEQUIEL 38:21

Tucui ñuca urcucunamantami jatun mandac Gog huañuchichun, jatun macanacuiman cayasha. Chaipica huauquinditami espadahuan huañuchinga. Chaitaca Mandac Dios ñucami nini.

EZEQUIEL 39:5

Canca pambapimi urmangui. Chaitaca Mandac Dios ñucami nini.

NAHÚM 3:3

caballopi ric soldado shamucuctapish ricungami. Espadapish, lanzapish jagan nicuctami ricunga. Achca runacunami huañunga. Huañushcacunaca maita mana yupaipacmi canga. Chai huañushcacunapac jahuallapitacmi mitcaringa.