EZEQUIEL 38:4 - Dios Rimashcata Quillcashcami

⁴ Cantaca jazhapi fierro ganchota churashpami, cambac soldadocunandi, caballocunandi, caballopi ric soldadocunandi llucchisha. Tucui cancunami jatun escudocunahuan, uchilla escudocunahuan, espadacunahuan canguichic.

EZEQUIEL 38:4 ပူးပေါင်းရင်းမြစ်များ

2 REYES 19:28

Canca, ñucahuan piñarishpami, ñuca ringriman uyaricta, jatun tucushpa rimarircangui. Cunanca argollata singapi churashpa, frenota shimipi churashpami cantaca maita shamushcallatatac cutichishpa cachasha’ nirca.

1 CRÓNICAS 12:8

Gadpac aillumantapish taucacunami Davidhuan tandanacurca. Davidca shitashca pambapimi miticunapi tiyacurca. Chai runacunaca macanacunata allita yachac, sinchi, shinallatac lanzata, escudota apanatapish alli yachaccunami carca. Paicunapac ñahuica leonpac ñahui shinami carca. Urcucunata taruga callpac shina utca riccunami carca.

2 CRÓNICAS 25:5

Amasiasca Judá aillucunata tandachishpami Judapac, Benjaminpac familiacunata mandachun, huaranga soldadocunata mandaccunata, patsac soldadocunata mandaccunata churarca. Chai quipaca, ishcai chunga huatayucmanta huichaiman mashnalla caricuna tiyashcata yachangapac, shuticunata japishpami macanacuiman ripacllacunata acllashpa, quimsa patsac runacunata tarirca. Paicunaca lanzacunahuan escudocunahuanmi carca.

ISAÍAS 37:29

Canca ñucata yallita piñarishpami, jatun tucushpa ñuca ringriman uyaricta rimarcangui. Cambac singapica argollata, shimipica frenota churachishpami, can maita shamushca ñanllatatac cutichishpa cachasha” ninmi.

ISAÍAS 43:17

caballocunata, carretacunata, sinchi soldadocunata llucchishpa cachac, jaicapi mana jataripacta urmachic, lamparata huañuchic shina, chingachic Mandac Diosca:

JEREMÍAS 46:9

Caballopi, Carretapi tiyarishpa callpaichic. Alli sinchi soldadocunaca escudota apaichic. Etiopía llacta, Put llacta soldadocunapish llucshichic. Arcohuan macanacuc Lud llactamanta soldadocunapish llucchichic.

EZEQUIEL 23:12

Asiriocunatami yallita munarca. Chashnami chai mandaccunatapish, soldadocunata mandaccunatapish munarca. Paicunaca alli churanata churarishca, macanacunata yachac, caballopi ric alaja mosocunami carca.

EZEQUIEL 29:4

Chaimantami ñucaca ganchota cambac jazhapi churashpa, challuacunata cambac escamapi llutachishpa jatun yacumanta tauca challuacunandi llucchisha.

EZEQUIEL 38:15

Cambac llactamantapish, jahua lado caru llactacunamantapish sinchi gentecunahuan tandanacushpami caballocunapi chayangui.

EZEQUIEL 38:3

huillashpa: “Mandac Diosca: Mesec, Tubal llactacunata jatun mandac Goglla, canhuanca piñarishcami cani.

EZEQUIEL 39:2

Cantaca aisashpami, jahua lado llactamanta Israel llacta urcucunata llaquichichun apamusha.

EZEQUIEL 39:20

Ñuca miza jahuapica caballocunatapish, caballopi ric sinchi runacunatapish, macanacuc soldadocunatapish huañuchishpami churasha. Chaicunataca mana nictami micunguichic. Chaitaca Mandac Dios ñucami nini.

DANIEL 11:40

Ashtahuanpish tucuri punzhacunaca ura llacta jatun mandacmi paihuan macanacungapac shamunga. Chashna shamucpimi, jahua llacta jatun mandacca carretacunahuan, caballopi ric soldadocunahuan, barcocunahuan yacu jundamuc shina macanacungapac shamunga. Chashna yacu jundamuc shina shamushpami, llactacunaman yaicushpa tucuchinga.

AMÓS 4:2

Mandac Dios, paipac jucha illac shutipi ari nishpaca: «Cancunata llaquichina punzhacunami chayamun. Chai punzhacunapica cancunataca ganchohuanmi aisashpa ringa. Cancunapac huahua huahuacunataca challuata japina anzuelohuanmi japinga.