EZEQUIEL 38:13 - Dios Rimashcata Quillcashcami

¹³ Sabá, Dedán llactacunapi causaccunapish, Tarsis llactamanta randishpa catushpa causaccunapish, tucui mandaccunapish cantaca: ‘¿Ima charishcacunata quichungapacchu shamurcangui? ¿Cullquitapish, curitapish, animalcunatapish, tucuita apangapacchu, cai tucui gentecunahuan shamurcangui?’ ningami” ningui.

EZEQUIEL 38:13 ပူးပေါင်းရင်းမြစ်များ

SALMOS 57:4

Ñucaca leoncunapac chaupipi shina, ninata shimiman shitac shina gentecunapac chaupipimi cani. Paicunapac quirucunaca lanzacuna shina, flechacuna shinami. Paicunapac calluca filosapa espada shinami.

ISAÍAS 10:6

Ñucata mana manchac, ñucata piñachic llactata, ñuca piñashca gentecunata llaquichichunca paitami cachasha. Chashna cachacpimi, tucui charishcacunata quichushpa, ñanpi siric turuta shina sarunga.

ISAÍAS 33:23

Barcota purichic telata huatashca huascacunapish pitirircami. Chai telata jahuaman sinchita huatanataca mana pudinchu. Shina cacpimi, ima quichumushcatapish japishun. Suchu runacunacamanmi quichushpa chaupinacunga.

JEREMÍAS 15:13

Cancunapac juchacunamantami cancunapac llactapi ima tiyashcacunatapish, sumac charinacunatapish shuhuaccunaman yanga cushpa cusha.

JEREMÍAS 50:17

Israelcunaca chingarishca ovejacuna shinami. Leoncunami catishpa shic-huarca. Puntaca Asiria llactata jatun mandacmi micurca. Tullucunataca Babilonia llactata jatun mandac Nabucodonosormi paquirca.

JEREMÍAS 51:38

Leoncuna shinami tucui mashna caparinga. Huahua leoncuna shinami huacanga.

EZEQUIEL 25:13

Chaimantami Mandac Dios ñucaca Edom llacta ladota maquita alzashpa gentecunatapish, animalcunatapish tucui tucuchisha. Temán llactamantaca Dedán llactacamanmi jatun macanacuita cachashpa tucuchisha.

EZEQUIEL 27:12

Can tucuilayata charicpimi, Tarsispi causaccunaca cullquihuan, fierrohuan, estañohuan, plomohuan plazacunapi randingapac shamurca.

EZEQUIEL 27:15

Rodas llactamanta gentecunapish, mama cucha ladopi causaccunapish canhuanmi catushpa, randishpa causac carca. Paicunaca marfil quirucunata, ébano caspicunatami canman apamuc carca.

EZEQUIEL 27:20

Dedán llacta gentecunapish caballo parejocunahuanmi randic carca.

EZEQUIEL 27:25

Tarsismanta jatun barcocunami randishcacunataca apac carca. Canca mama cucha chaupipi achca cargacuna jundachishca barco shinami carcangui.

EZEQUIEL 32:2

«Huañunalla runa, Egipto llactata jatun mandac Faraón llaqui tucunamanta llaquipi cantanata cantashpa: “Canca shuctac llactacunapacca león shinami cangui. Mama cuchapi causac dragón shinami cangui. Canca jatun yacucunatapish cuyuchircanguimi. Chaquihuanmi callpacuc yacucunata mapayachishpa, yacu patataca turuyachircangui.

JOEL 3:8

Cancunapac churicunata, ushicunataca Judá llactapi causaccunamanmi catusha. Cutin paicunaca caru llactapi cac Sabá llacta runacunamanmi catunga. Chaitaca Mandac Dios ñucami nini.

ZACARÍAS 11:3

Sumac pambacuna tucurishcamanta, michiccuna caparishpa huacashcami uyarin. Huahua leoncunapish, Jordán yacu ladopi tiyac sachacuna tucurishcamanta huahua leoncuna sinchita huacashcami uyarin.