EZEQUIEL 37:1 - Dios Rimashcata Quillcashcami

¹ Mandac Dios ñucata sinchiyachicpimi, paipac Espirituca tullucuna siricuc pambaman pusharca.

EZEQUIEL 37:1 ပူးပေါင်းရင်းမြစ်များ

1 REYES 18:12

Ñuca canmanta anchurishca quipaca, Mandac Diospac Espiritumi cantaca ñuca mana yachai pudishcaman apanga. Can caipi cashcata Acabman ñuca huillacpi, canta mana tarishpaca, ñucatami huañuchinga. Canta servic ñucaca huambramanta pachami Mandac Diosta manchashpa causani.

2 REYES 2:16

Chashna cumurishpaca: —Riqui, caipimi canta servic pichca chunga alli sinchi runacunaca shayacun. Paicunata canta mandac Eliasta mashcachun cachai. Eliastaca, Mandac Diospac Espirituca mai urcucunapi, mana cashpaca mai pambacunapimi shitashca canga— nircacuna. Shina nicpimi Eliseoca: —Ama pita cachaichicchu— nirca.

ISAÍAS 26:19

Cambac huañushcacunaca causaringami. Huañushca cuerpoca jataringami. ¡Allpapi samaricuccunalla, riccharishpa cantaichicyari! Garua tamyahuan muyu huiñac shinami, allpamanta llucshimunga. Cai pachaca huañushcacunata cutichingami.

JEREMÍAS 7:2

«Ñucapac huasi pungupi shayarishpa: “Tucui Judá llactapi causaccuna, Mandac Diosta alli ningapac yaicuccuna pai rimashcata uyaichic.

JEREMÍAS 7:32

Chaimanta Mandac Dios ñucallatacmi, chai punzhacunapica, chai pambaca mana Tofet nishcachu canga. Shinallatac Bet-hinom pugru pambatapish mana Bet-hinom nishcachu canga. Ashtahuanpish huañuchina pamba nishcami canga. Huañushcacunataca maipi enterrana mana tiyacpimi, Tofet pamballapitac enterranga.

JEREMÍAS 8:2

Chaicunataca jahua pachapi tiyac inti, quilla, lucerocuna ucupimi tendishpa churanga. Paicuna causacushpaca chaicunatami cuyashpa, alli nishpa causarca. Shinallatac chaicunamanmi tapuc carca. Tullucunataca pi mana tandashpa enterrangachu. Ashtahuanpish allpapimi huanu tucunga.

EZEQUIEL 1:3

Chaipimi Mandac Diosca caldeocunapac llactapi cac Quebar yacu patapi ñucaman huillarca. Ñucaca Buzipac churi Ezequielmi cani. Chaipimi Mandac Diosca ñucata rimarca.

EZEQUIEL 11:24

Chai quipa, Mandac Diospac Espiritumi ñucataca muscuipi shina cutinllatac prezu apashca gentecuna causacuc caldeocunapac llactaman pusharca. Chai quipaca ña mana muscuipi shinataca ricurcanichu.

EZEQUIEL 3:14

Quipaca Diospac Espiritumi ñucata sinchiyachishpa pusharca. Ñucaca shungupi yallita llaquirishpami rircani. Ashtahuanpish Mandac Diospac maquica sinchita charirashpami ñucataca pusharca.

EZEQUIEL 3:22

Mandac Dios paipac ñucata rimashpaca: «Jatarishpa, pugru pambaman llucshi. Chaipimi canhuan parlasha» nirca.

EZEQUIEL 33:22

Miticushpa shamuc runa tutamanta ñucapacman manarac chayamucpimi, Mandac Diosca shuc chishipi ñucata rimachirca. Shina rimachicpimi, ña mana upalla carcani.

EZEQUIEL 37:2

Chaiman pushashpaca, tullucuna siricuc muyunditami caiman chaiman purichirca. Chaipica chaquishca achca tullucunami carca.

EZEQUIEL 40:1

Babiloniapi ishcai chunga pichca huatata prezu cacpi, huata callari quilla, chunga punzhapimi Mandac Diosca ñucata sinchiyachishpa, israelcunapac llactaman pusharca. Jerusalenta quichushcapish, ñami chunga chuscu huata carca.

EZEQUIEL 43:5

Chaimantaca Diospac Espiritumi chai huasi ucuman pusharca. Chaipimi Mandac Diospac sumaimana achic nicuc paipac huasi ucupi jundashcata ricurcani.

EZEQUIEL 8:1

Sucta huata, sucta quilla, pichca punzhapimi ñucaca huasipi tiyacurcani. Judá llactamanta pushac yuyaccunapish ñuca ñaupapimi tiyacurca. Chaipi tiyacucpimi, Mandac Diosca cungailla rimarca.

EZEQUIEL 8:3

Chai runaca maquita chutashpami, ñuca uma accha jahuapi churarca. Chaipimi Diospac Espirituca muscuipi shina, cai pachamanta jahuaman alzashpa, ñucataca Jerusalenman aparca. Chashna pushashpaca, jahua ladoman cac ucu yaicunallapimi shayachirca. Chaipimi Mandac Dios mana ricunayachishca ruhuashcalla dios tiyacushca carca.

SAN LUCAS 4:1

Jesusca Jordán yacumantaca Diospac Espíritu jundami cutirca. Diospac Espiritumi shitashca pambaman pusharca.

HECHOS 8:39

Yacumanta llucshicpica, Diospac Espiritumi Felipeta aparca. Chaimantami eunuco runaca Felipetaca mana ricurca. Chashna cacpipish, cushicushpami rirca.

APOCALIPSIS 1:10

Chaipimi, Apunchic Jesuspac punzhapi Diospac Espíritu ñucata japicpi, ñuca huashamantaca shuc cornetapi tocac shina sinchita rimashca uyarishpaca: