EZEQUIEL 32:31 - Dios Rimashcata Quillcashcami

³¹ Faraonca cai tucui paipac gentecuna huañushcata ricushpami cushicunga. Faraonpish, paipac tucui soldadocunapish, jatun macanacuipimi huañunga.

EZEQUIEL 32:31 ပူးပေါင်းရင်းမြစ်များ

LAMENTACIONES 2:13

Jerusalenpi causaccunalla, ¿canmantaca imatatac nishayari? ¿Pihuantac cancunataca chimbapurashayari? Carihuan manarac chayarishca soltera shina, Sionpi causaccunalla, cancunata cushichingapacca, ¿imatatac ruhuashayari? Llaquica mama cucha shina jatunmi. Chaitaca, ¿pitac allichingayari?

EZEQUIEL 14:22

Chai pueblopica asha churicuna, ushicunallami saquiringa. Shina cacpipish, paicunataca llucchishpami apanga. Paicuna cancunapacman shamucpimi, paicuna ima shina causashcatapish, imata ruhuashcatapish ricunguichic. Chaita ricushpami, Jerusalenpi causaccunata ñuca ima shina llaquichishcamanta cushicunguichic.

EZEQUIEL 31:16

Chai yurata tigrachicpimi, tucui llactapi causaccunaca chucchunga. Huañushcacunahuan pacta Seolman cachacpica, Edén huertapi tiyac acllashca yuracunapish, Líbano urcupi tiyac tucuimanta yalli sumac yuracunapish, yacuta sungac yuracunapish cushicungami.

EZEQUIEL 32:32

Ñucami Faraontaca cai pachapi causaccunata manchachishpa causachun mandarcani. Shina cashpapish Faraonpish, paipac gentecunapish, jatun macanacuipi huañushcacunahuan, circuncisionta mana ruhuashcacunahuan pactami enterrashca canga» nirca.