EZEQUIEL 32:3 - Dios Rimashcata Quillcashcami

³ Chaimantami Mandac Diosca: Achca llactacunapac chaupipi cacpipish cambac jahuapi linchita shitashpami aisasha.

EZEQUIEL 32:3 ပူးပေါင်းရင်းမြစ်များ

JOB 7:12

Ñucata cuidachun churachunca, ¿Ñucaca mama cuchachu cani? ¿Mana cashpaca mama cuchapi tiyac manchana animalchu cani?

ECLESIASTÉS 9:12

Ashtahuanpish runaca ima horas ima tucunata mana yachanchu. Ima shinami challuacuna mallapi japi tucun, alasyuc animalcuna linchipi japi tucun. Chashnallatacmi runacunapish mana alli punzhapi japi tucun.

JEREMÍAS 16:16

Cunanca tauca challuata japiccunatami israelcunata japimuchun cachagrini. Chai quipaca achca runacunatami tucui urcucunamanta, lomacunamanta quingraicunamanta sacha animalcunata japic shina, israelcunata japichun cachagrini.

LAMENTACIONES 1:13

Mandac Diosca jahua pachamanta ninata cachashpami, ñuca tullucunacaman rupachirca. Ñuca purina ñanpi tucllata churashpami huashaman cutichirca. Tucuita tucuchishpa saquishpami, punzhanta llaquihuan saquirca.

EZEQUIEL 12:13

Ashtahuanpish paipac jahuapi linchita shitashpami, ñuca tucllapi urmachisha. Chaimantaca caldeocuna causana Babilonia llactaman apachunmi saquisha. Llactataca mana ricungachu. Chaipimi huañunga.

EZEQUIEL 17:20

Ñucaca paipac jahuapi linchita shitashpami japisha. Ñucata mana cazushpa millaita ruhuashcamantaca Babilonia llactaman apashpami taripashpa llaquichisha.

OSEAS 7:12

Paicuna chaiman ricpimi, paicunapac jahuapi ñuca linchita shitashpa japisha. Volac animalcunata shinami urmachisha. Paicuna bullashpa shamucucta uyashpami llaquichisha.