EZEQUIEL 32:23 - Dios Rimashcata Quillcashcami

²³ Tucui cai pacha llactacunata manchachishpa causac Asiriaca jatun macanacuipimi huañushca. Seolmanta ashtahuan ucupimi siricun. Chai enterrashca muyundipica paipac gentecunami siricun.

EZEQUIEL 32:23 ပူးပေါင်းရင်းမြစ်များ

JOB 28:13

Chai mashna valishcataca runaca mana yachanchu. Cai pachapipish mana tiyanchu.

SALMOS 116:9

Mandac Diospac ñaupapimi, cai pachapi causaccunapac chaupipi purisha.

SALMOS 142:5

Chaimantami Mandac Dios canta mañashpaca: «Canmi ñuca shungu churanaca cangui. Canllami cai pachapica ñuca japina cangui» nircani.

SALMOS 27:13

¡Gentecuna causana cai pachapi Mandac Diospac cuyaita mana crishpaca, musparishpa huañuimanmi carcani!

ISAÍAS 14:17

¿Paichu tucui llactacunata shitashca pambata shina saquishpa, tucui llactacunata tucuchishpa, carcelcunatapish mana pascac runaca?” ninga.

ISAÍAS 38:11

Ñucaca: “Runacuna causana cai pachapica Mandac Diostaca mana ashtahuan ricushachu. Cai pachapica shuc runallatapish mana ashtahuan ricushachu.

JEREMÍAS 11:19

Ñucaca, ñucata huañuchinata yuyaricushcata mana yachashpami, huañuchina ucuman ric llaquilla oveja shina carcani. Piñaccuna: «Paipac shutita pipish ama ashtahuan yuyarichun, yurataca pucushca granondi pitishpa, cai pachapi causaccunapuramanta tucuchishunchic» ninacushcami carca.

EZEQUIEL 26:17

Can llaqui tucushcamanta llaquipi cantana cantota cantashpaca: “¡Alli nishca llactalla, ima shinatac chingarircanguiyari! ¡Mama cucha muyundi pueblopi causac achca gentecuna causanami carcangui! Mama cucha muyundipi causaccunapac manchanami carcangui. Chaipi causaccunatapish, muyundipi causaccunatapish manchachishpami causarcangui” ningui.

EZEQUIEL 26:20

Shinami huañushcacunahuan pacta ucuman cachasha. Ñaupa huata gentecunahuan pactami enterrashca cangui. Ñaupa punzhacunapi enterrashca shinami, allpa ucupi cangui. Chashna ruhuacpimi, cai allpapica pipish ña mana causanga.

EZEQUIEL 32:32

Ñucami Faraontaca cai pachapi causaccunata manchachishpa causachun mandarcani. Shina cashpapish Faraonpish, paipac gentecunapish, jatun macanacuipi huañushcacunahuan, circuncisionta mana ruhuashcacunahuan pactami enterrashca canga» nirca.

NAHÚM 1:14

Nínive llactalla, Mandac Dios mandashpaca: “Cambac shutita jaicapi ama yuyarishca cachun. Cambac diospac huasipi tiyac dioscunatapish imaman riccha dioscunatapish ñutuchishami. Can imapac mana valic cashcamantami chaillapitac enterrana jutcuta ruhuasha” ninmi.