EZEQUIEL 31:9 - Dios Rimashcata Quillcashcami

⁹ Ñucami ramasapa sumac yurata ruhuarcani. Chaimantami Diospac Edén huertapi tiyac yuracunapish envidian.

EZEQUIEL 31:9 ပူးပေါင်းရင်းမြစ်များ

GÉNESIS 13:10

Shina nicpimi, Lotca huichailla ricushpaca, Jordán tucui pambata ricurca. Chai pambaca Edén huerta shina, parcuc yacuyuc, shinallatac Mandac Dios manarac Sodomata, Gomorrata tucuchicpi, Zoar llacta chimba ladopi cac Egipto llacta shinami carca.

GÉNESIS 26:14

Paica achca ovejacunata, achca huagracunata, achca tarpuna allpacunatami charirca. Chaimantami filisteocunaca pai charic cashcamanta piñarca.

GÉNESIS 37:11

Paipac huauquicunaca piñashpami, mana ricunayachirca. Cutin taitaca cai muscui imata nisha nishcatami yuyacurcalla.

ÉXODO 9:16

Ashtahuanpish ñuca imatapish ruhuai pudic cashcata ricuchingapac, cai pachapi causaccunaman ñuca pi cashcata ricuchingapacmi mana chashna tucuchircani.

PROVERBIOS 27:4

Yallita piñarishca runaca pitapish mana llaquishpa tucuchina yuyaillami. Imatapish charina yuyaihuan puric runapac ñaupapica ¿pitac shayari pudingayari?

ECLESIASTÉS 4:4

Shinallatac achcata trabajashpa tucui imatapish alli ruhuacpica, shuccunaca envidiashpa piñac cashcatapish ricurcanimi. Shinaca alli canapish, huairata caticushca shina yangallami.

ISAÍAS 51:3

Mandac Dios ñucaca Sión llactapi causaccunata cushichishatacmi. Tucui llaquilla caccunatami cushichisha. Shitashca pambataca sumac sisa huerta shinata, chaquishca pambataca Mandac Dios ñucapac huertata shinatami ruhuasha. Chaipica yallita cushicushpami, ñucata alli nishpa cantangacuna.

ISAÍAS 55:12

Cushillami Babiloniamantaca llucshinguichic. Ima mana tucushpami, allilla cutinguichic. Urcucunapish, lomacunapish cancunapac ñaupapimi cantanga. Pambapi tiyac yuracunapish cushicushpami maquita huactanga.

EZEQUIEL 16:14

Cantaca ñucami sumacta allichircani, chaimantami shuctac llactacunapacpish alli nishca carcangui. Chaitaca Mandac Dios ñucami nini.

EZEQUIEL 17:22

Mandac Dios ñucaca: Ashtahuanpish paipac jahuapi linchita shitashpami, ñuca tucllapi urmachisha. Jatun cedro yura puntapi cac llullu retoñacuc ñahuita japishpami, sumac jatun urcu jahuapi tarpusha.

EZEQUIEL 17:24

Mandac Dios ñuca jatun yurata urmachishpa, uchilla yurata jatunyachic cashcatapish, verdinlla yuracunata chaquichishpa, chaquishca yurata verdiyachic cashcatapishmi shuctac yuracunaca yachanga. Chaitaca Mandac Dios ñucami nini. Chaitaca pactachishatacmi” ninmi ningui» nirca.

EZEQUIEL 28:13

Canca ñucapac Edén huertapimi carcangui. Canca cornerina, topacio, diamante, crisólito, ónice, jaspe, zafiro, turquesa, berilo tucuilaya sumac rumicunahuan allichishca churanahuami carcangui. Cambac churana esquinacunapi tiyac zarcillocunaca curimi carca. Can callarishca punzhamanta pachami chashna allichishca carcangui.

EZEQUIEL 31:16

Chai yurata tigrachicpimi, tucui llactapi causaccunaca chucchunga. Huañushcacunahuan pacta Seolman cachacpica, Edén huertapi tiyac acllashca yuracunapish, Líbano urcupi tiyac tucuimanta yalli sumac yuracunapish, yacuta sungac yuracunapish cushicungami.

EZEQUIEL 31:18

Can sumac cashcatapish, jatun tucushca cashcatapish, ¿Edén huertapi tiyac yuracunamantaca maijan yurahuantac chimbapurashayari? Ashtahuanpish Edén huertapi tiyac yuracunandimi allpa ucupi shitashca cangui. Circuncisionta mana ruhuashca gentecunahuan, jatun macanacuipi huañushcacunahuan pactami ucuman ringa. Cai yuraca Faraonmantapish, chaipi causac gentecunamantapishmi nisha nin” ninmi ningui» nirca.

EZEQUIEL 36:35

Chashna cacpimi paicunaca: ‘Llaquinayaita shitashca pambaca Edén huerta shinami tucushca. Urmachishca llactacunapish cunanca allichishca muyundita pircashcami’ nincuna.

DANIEL 2:21

Canmi huatacunatapish, punzhacunatapish shuctaclayata ruhuangui. Canmi jatun mandaccunatapish churangui, shinallatac llucchingui. Alli yachaccunamanca alli yachaita, yuyaisapacunamanca alli yuyaitami cungui.

ZACARÍAS 11:2

Ciprés yuralla, cedro yura urmashcamanta, jatun yuracuna urmashcamanta huacaiyari. Basán llactapi encina yuracunapish caparishpa huacaichicyari. Quichqui yuracunaca urmashcami.

1 SAMUEL 18:15

David imata ruhuashpapish allita ruhuacpimi, Saúl ashtahuan mancharca.