EZEQUIEL 31:3 - Dios Rimashcata Quillcashcami

³ Riqui, Líbano llacta tucuita llanduc jatun cedro yura shinami cangui. Chai yura ñahuica puyucamanmi carca.

EZEQUIEL 31:3 ပူးပေါင်းရင်းမြစ်များ

SALMOS 92:12

Cashcata ruhuaccunaca palmera yura shinami sisacunga. Líbano urcupi tiyac cedro shinami huiñanga.

ISAÍAS 37:24

Canta serviccunatami Diosta camichishcangui. Chashna cachashpaca: ‘Ñucapac carretacunahuanmi urcu lomacunaman, Líbano urcu jahuaman rircani. Chaipimi cedro yuracunata, ashtahuan alli ciprés yuracunata tigrachircani. Ashtahuan jahua urcu lomaman, sumac quihua pambamanmi rircani.

JEREMÍAS 17:8

Paica yacu ladopi huiñashca, callpacuc yacu ladoman sapiyashca yura shinami canga. Usyai huatacunapipish, mana anguyashpami, punzhanta pucucungalla.

JEREMÍAS 50:18

Chaimantami israelcunapac tucuita Mandac Diosca: Babilonia llactata jatun mandactaca Asiria llactata jatun mandacta shinallatacmi paipac tucui llactandi llaquichigrini.

EZEQUIEL 17:22

Mandac Dios ñucaca: Ashtahuanpish paipac jahuapi linchita shitashpami, ñuca tucllapi urmachisha. Jatun cedro yura puntapi cac llullu retoñacuc ñahuita japishpami, sumac jatun urcu jahuapi tarpusha.

EZEQUIEL 19:11

Chai ramaca jatun mandaccunapac varacunapacmi alli carca. Chai yura yalli jatunta huiñashpami, achca ramacunahuan tucushpa, puyucaman chayashpa, ricunalla carca.

EZEQUIEL 31:10

Chaimantami Mandac Diosca: Chai yuraca tucui yuracunata yalli jatunyashpa, ñahuipish puyucaman cashpami shungupi jatun tucurca.

EZEQUIEL 31:16

Chai yurata tigrachicpimi, tucui llactapi causaccunaca chucchunga. Huañushcacunahuan pacta Seolman cachacpica, Edén huertapi tiyac acllashca yuracunapish, Líbano urcupi tiyac tucuimanta yalli sumac yuracunapish, yacuta sungac yuracunapish cushicungami.

EZEQUIEL 31:17

Chai yuracunapish, chai yurahuan pactami Seolman urai ringa. Jatun macanacuipi huañuchishcacunapish, paita ayudac, paihuan apanacuc shuctac llactacunapish, tucuimi urai ringa.

EZEQUIEL 31:5

Paica achca yacuhuan cashcamantami tucui yuracunata atishpa, yalli jatun tucurca.

EZEQUIEL 31:6

Chai ramapimi tucui volac animalcunapish cuzhata ruhuarca. Chai rama ucupica sacha animalcunami huacharca. Tauca llactacunami chai yura ucupi llandurirca.

EZEQUIEL 31:8

Chai yuraca Diospac huertapi tiyac cedro yuracunatapish, ciprés yuratapish yalli sumacmi carca. Castaño yuracunapish mana pai shina ramasapachu carca. Diospac huertapica maijan yurapish mana pai shina sumacca tiyarcachu.

EZEQUIEL 32:22

Enterrashca muyundipimi tucui Asiria llactapi causaccunaca shayacun. Tucui paicunatami espadahuan huañuchirca.

DANIEL 4:10

Ñuca camapi sueñucushpami ñucaca caita muscurcani: Cai pacha chaupi shuc jatun yura shayacuctami ricurcani.

DANIEL 4:12

Chai yuraca pangasapa, achca granocunahuanmi carca. Chaipi pucushca granoca tucuiman pactaipacmi carca. Tucui animalcunami chai pangasapa yura ucupi llanduricurca. Cutin volashpa ric animalcunaca ramacunapimi causacurca. Tucui causaita chariccunami chai yura pucushcata micushpa causacurca.

DANIEL 4:7

Chashna shamucpimi yachaccunaman, lucerota ricushpa yachacuccunaman, adivinocunaman muscushca imata nisha nicushcata huillarcani. Shina huillacpipish, paicunaca chai muscushca imata nisha nicushcataca mana huillai pudircachu.

SOFONÍAS 2:13

Mandac Diosca jahua lado llactaman maquita alzashpami Asiria llactata llaquichishpa tucuchinga. Nínive llactatapish llaquinayaita tucuchishcami, shitashca pambata saquinga.

ZACARÍAS 11:1

¡Líbano urculla, cambac cedro yuracunata nina tucuchichun, pungucunata pascaiyari!

ZACARÍAS 11:2

Ciprés yuralla, cedro yura urmashcamanta, jatun yuracuna urmashcamanta huacaiyari. Basán llactapi encina yuracunapish caparishpa huacaichicyari. Quichqui yuracunaca urmashcami.

JUECES 9:15

Shina nicpimi, zarza yuraca: “Cancuna ñucata jatun mandac cachun nicushpaca, ñuca cuchupi llanduringapac shamuichic. Mana ñucata mandac cachun nicpica, ñucamanta nina llucshishpami Líbano urcucunapi tiyac tucui cedro yuracunata rupachinga” nirca.