EZEQUIEL 30:5 - Dios Rimashcata Quillcashcami

⁵ Etiopía, Libia, Lidia llactapi causaccunapish, Arabia, Cub llactacunapi causaccunapish, Egipto llactahuan apanacuc llactacunapish jatun macanacuipimi huañunga.

EZEQUIEL 30:5 ပူးပေါင်းရင်းမြစ်များ

2 CRÓNICAS 12:3

Sisacca huaranga ishcai patsac carretahuan, caballopi ric sucta chunga huaranga soldadocunahuanmi shamurca. Paihuan shamuc gentecunaca Libia llactamanta, Etiopía llactamanta shinallatac suquienocunatami mana yupaipac achca gentecuna shamurca.

ISAÍAS 18:1

¡Aij, Etiopía llacta jatun yacu chimba ladopi, alascuna huaj nicuc llactalla!

ISAÍAS 20:4

Chashnami Asiria llactata jatun mandacca Egipto llactapi, Etiopía llactapi causac quipa huiñaicunatapish, yuyaccunatapish churana illac, lluchu chaquillata prezu apanga. Egiptopi causaccuna pingai tucuchunmi, lluchu siquillata apanga.

JEREMÍAS 25:20

Shinami chaipi causac shuctac llacta gentecunamanpish, Uz llactata jatun mandaccunamanpish, Filistea llactapi tiyac Ascalón, Gaza, Ecrón llactacunata jatun mandaccunamanpish, Asdod llactapi saquirishca maijan gentecunamanpish,

JEREMÍAS 25:24

Arabia llactata jatun mandaccunamanpish, shitashca pambapi causac chican chican runacunata jatun mandaccunamanpish curcanimi.

JEREMÍAS 44:27

Ñuca paicunaman ima allita ruhuanapac randica, llaquichingapacmi chaparacuni. Egipto llactapi causac Judá gentecunami jatun macanacuipi yarcaihuan huañushpa tucuringa.

JEREMÍAS 46:9

Caballopi, Carretapi tiyarishpa callpaichic. Alli sinchi soldadocunaca escudota apaichic. Etiopía llacta, Put llacta soldadocunapish llucshichic. Arcohuan macanacuc Lud llactamanta soldadocunapish llucchichic.

JEREMÍAS 50:37

Espadahuan shamushpami, paicunapac caballotapish, carretacunatapish tucuchinga. Chaimantami huarmicuna shina manchanga. Espadahuan shamushpami, paicuna charishcacunatapish quichushpa apanga.

EZEQUIEL 27:10

Cambac macanacunata alli yachac soldadocunaca Persas, Lidia llactacunamantami carca. Escudocunatapish, cascocunatapish pircapimi huarcurca. Chaicunami cantaca sumacta allichirca.

EZEQUIEL 38:5

Shinallatac Persia, Etiopía, Libia llactacunapi causaccunapish canhuanmi ringa. Paicunapish escudocunahuan, cascocunahuanmi cancuna.

DANIEL 11:43

Egiptomantaca curimanta, cullquimanta ruhuashca sumaccunata, tucui ima valishcacunatami apanga. Libia llactapi, Etiopía llactapi causaccunaca paitami catinga.

SOFONÍAS 2:12

Etiopía llactapi causac cancunapish Mandac Diospac jatun macanacuipimi huañunguichic.