EZEQUIEL 30:4 - Dios Rimashcata Quillcashcami

⁴ Egipto llactaman jatun macanacui chayamushpa, taucata huañuchicpica, Etiopía llactapica yalli manchaimi tiyanga. Paicuna charishcacunatapish quichungami. Huasicunatapish callari rumicamanmi tucuchinga.

EZEQUIEL 30:4 ပူးပေါင်းရင်းမြစ်များ

ISAÍAS 16:7

Chaimanta tucui Moab llactapi causaccunami yallita caparishpa huacan. Kir-hareset llactapi tiyac chaquishca uvasmanta tortata yuyarishpami llaquirishpa, yallita huacan.

ISAÍAS 18:1

¡Aij, Etiopía llacta jatun yacu chimba ladopi, alascuna huaj nicuc llactalla!

ISAÍAS 19:2

Egiptopi causaccunataca paicunapurallatacmi macanacuchisha. Huauquipurallatac, apanacucpurallatacmi macanacunga. Shuc llactaca caishuc llactahuan, shuc jatun mandacca caishuc jatun mandac-huanmi macanacunga.

ISAÍAS 20:3

Chai quipami, Mandac Diosca: «Ñucata servic Isaiasca quimsa huatatami churana illac, lluchu chaquilla purirca. Shina puricushpami, Egipto llactapi, Etiopía llactapi causaccuna llaqui tucunata ricuchirca.

JEREMÍAS 46:9

Caballopi, Carretapi tiyarishpa callpaichic. Alli sinchi soldadocunaca escudota apaichic. Etiopía llacta, Put llacta soldadocunapish llucshichic. Arcohuan macanacuc Lud llactamanta soldadocunapish llucchichic.

JEREMÍAS 50:15

Paicunapac muyundipi caparichic. ¡Ñamari Babilonia llactaca cumurishca! Muyundi jatun pircapish tuñirinmi. Callari rumicunapish urmanmi. Mandac Dios ñuca llaquichina punzhami chayamushca. Paicuna shuccunata llaquichishca shinallatac paicunatapish llaquichichiclla.

EZEQUIEL 28:23

Canta llaquichichunmi ungüita cachasha. Cutin ñancunapica yahuarmi siricunga. Tucui ladopimi espadahuan huañuchishca siricunga. Chaita ricushpami, ñucataca Mandac Dios cashcata yachangacuna.

EZEQUIEL 29:12

Egipto llactataca tucui llactamanta yalli llaquichishpami shitashca pambata saquisha. Llactacunatapish tucui llactamanta yallitami llaquichisha. Chashnami chuscu chunga huatacaman shitashca saquiringa. Egipto llactapi causaccunataca shuctac llactacunamanmi shic-huashpa cachasha.

EZEQUIEL 29:19

Chaimantami Mandac Dios ñucaca: “Egipto llactataca Babilonia llactata jatun mandac Nabucodonosorpac maquipimi churani. Paimi chai llactapi imalla tiyashcacunatapish, macanacushpa quichumushcacunatapish tucuita japishpa, paipac soldadocunaman cunga.

EZEQUIEL 29:8

Chaimantami Mandac Dios ñucaca: Ñucaca canta llaquichichunmi espadata apamuni. Chaihuanmi gentecunatapish, animalcunatapish tucuchisha.

EZEQUIEL 38:5

Shinallatac Persia, Etiopía, Libia llactacunapi causaccunapish canhuanmi ringa. Paicunapish escudocunahuan, cascocunahuanmi cancuna.

DANIEL 11:43

Egiptomantaca curimanta, cullquimanta ruhuashca sumaccunata, tucui ima valishcacunatami apanga. Libia llactapi, Etiopía llactapi causaccunaca paitami catinga.

SOFONÍAS 2:12

Etiopía llactapi causac cancunapish Mandac Diospac jatun macanacuipimi huañunguichic.