EZEQUIEL 3:4 - Dios Rimashcata Quillcashcami

⁴ Chai quipaca: «Huañunalla runa, israelcunapacman rishpa, ñuca rimashcata huillai.

EZEQUIEL 3:4 ပူးပေါင်းရင်းမြစ်များ

EZEQUIEL 11:25

Chaiman rishpaca, Mandac Dios tucui imalla ricuchishcatami chaipi cac prezucunaman huillarcani.

EZEQUIEL 11:4

¡Chaimanta huañunalla runa, paicunata llaquichina cashcata huillai!» nirca.

EZEQUIEL 2:3

Chaipi rimarishpaca: «Huañunalla runa, ñucami cantaca israelcunapacman cachani. Paicunaca ñucata mana cazushpami cariyarcacuna. Paicunapish, paicunapac taitacunapish cunan punzhacamanmi mana cazushpa causancuna.

EZEQUIEL 2:4

Ñucami cantaca piña ñahui, sinchi shungu runacunapacman cachani. Paicunataca: «Mandac Diosca cashnami nin» ningui.

EZEQUIEL 2:7

Paicunaca mana cazuccunami, chaimanta uyachunpish, mana uyachunpish ñuca nishcataca huillacunguilla.

EZEQUIEL 20:27

Chaimanta huañunalla runa, israelcunataca: “Mandac Diosca: Shina ruhuacpipish, cancunapac taitacunaca mana cazushpami, yallita piñachirca.

EZEQUIEL 3:11

Prezu tiyacuc cambac llacta gentecunaman uyachun, mana uyachun huillashpaca: “Mandac Diosca cashnami nin” ningui» nirca.

EZEQUIEL 3:3

Chaimantaca: «Huañunalla runa, canman cushca cai pillushca quillcata micushpa, cambac huicsapi jundachi» nirca. Chaita micucpica, ñuca shimipica abeja mishqui shinami, mishqui carca.

EZEQUIEL 3:5

Cantaca mana, can mana ricsishca rimaita rimaccunapacmanchu cachani, ashtahuanpish israelcunapacmanmi cachani.

SAN MATEO 15:24

Chashna nicpimi Jesusca: —Diosca ñucataca, oveja chingarishca shina, israelcunapacmanllami cacharca— nirca.

HECHOS 1:8

Diospac Espíritu cancunapacman shamucpimi, poderta chasquinguichic. Chaimantami Jerusalén pueblopipish, tucui Judea llactapipish, Samaria llactapipish, tucui llactacunapipish ñucamanta huillanguichic— nirca.