EZEQUIEL 3:18 - Dios Rimashcata Quillcashcami

¹⁸ Ñuca, ñucata mana manchac runata: “Huañunguitacmi” nicpipish, can chai runa millai ruhuanata saquishpa, causaita charichun mana rimacpica, chai runaca paipac juchamantami huañunga. Ashtahuanpish pai huañushcamantaca cantami juchanchisha.

EZEQUIEL 3:18 ပူးပေါင်းရင်းမြစ်များ

GÉNESIS 2:17

Ashtahuanpish alli cashcata, mana alli cashcata yachachic yuramantaca ama micunguichu. Ima punzhami chai yuramanta micungui huañunguitacmi» nirca.

GÉNESIS 42:22

Shina nicpimi Rubenca: —¿Manachu ñucaca, huambrata ama imata ruhuaichicchu nircani? Shina nicpipish, mana uyarcanguichicchu. Paita huañuchishcamantami llaquipi canchic— nirca.

2 SAMUEL 4:11

¡Manapish millaita ruhuac runata paipac camapi huañuchic millai runacunatacarin! ¿Manachu paicunatapish huañuchishpa cai pachamanta chingachina cani?— nirca.

2 REYES 1:4

Chaimantami Mandac Diosca: “Can siricuc camamantaca mana uricunguichu, ashtahuanpish huañunguitacmi” ninmi nigri» nirca. Chaimantami Eliasca tupangapac rirca.

PROVERBIOS 14:32

Diosta mana manchacca pai millaita ruhuashcamantami chingaringa. Ashtahuanpish cashcata ruhuacca huañugricushpapish cuidashcami canga.

ISAÍAS 3:11

¡Aij, Diosta mana manchac runalla! Yalli llaquimi tucunga. Paicunapac maquihuan mana allita ruhuashca shinallatacmi mana allita japinga.

EZEQUIEL 18:13

cullquita mañachishpapish interesta japic runaca, ¿causangachu? ¡Paica mana causangachu! Cai tucui millaita ruhuashcamantaca huañungatacmi. Chashnami paipac juchamanta huañunga.

EZEQUIEL 18:20

Maijanpish quiquin juchamantami huañunga. Churica taitapac juchamantaca mana huañungachu. Shinallatac taitapish churipac juchamantaca mana huañungachu. Cashcata ruhuac runaca allitami japinga. Mana allita ruhuac runaca llaquitami apanga.

EZEQUIEL 18:4

Riquichic, taitapish, churicunapish ñucapacmi. Maijanpish juchayuc runami huañunga.

EZEQUIEL 3:20

Shinallatac cashcata ruhuac runa cashcata ruhuanata saquishpa, millaita ruhuangapac cuticpica, mitcarishpa urmanatami churasha. Pai alli tucuchun, can mana rimacpica, paipac juchamantami huañunga. Pai cashcata ruhuashcataca mana yuyarishachu. Ashtahuanpish pai huañushcamantaca cantami juchanchisha.

EZEQUIEL 33:12

Huañunalla runa, cambac llacta gentecunataca: Cashcata ruhuac runa juchallishpaca huañungami. Pai ñaupaman cashcata ruhuashcaca mana quishpichingachu. Shinallatac ñucata mana manchac runa juchata ruhuanata saquishpa, ñucapacman cutimushpaca quishpiringami. Cutin cashcata ruhuac runa cashpapish juchata ruhuashpaca huañungami. Pai cashcata ruhuashcaca yangallami canga.

EZEQUIEL 33:6

Jatun macanacui shamucta ricushpapish chai cuidac runa cornetapi mana tocashpa uyachicpi, maijan mana miticushpa, jatun macanacuipi huañuchicpica, paipac juchamantami huañunga. Shina cashpapish paipac yahuarmantaca cuidac runami juchanchishca canga.

EZEQUIEL 34:10

Mandac Dios ñucaca: ¡Riquichic, michiccunahuanca yallitami piñarishca cani! ¡Ñuca ovejacuna ima tucushcataca ñucami tapusha! Ña mana paicunata michichun saquishachu. Shina ruhuacpimi, paicunalla cuidarinataca saquinga. Ashtahuanpish ñuca ovejacunataca paicunapac shimimanta quichushpami, paicuna micuchunca, mana ashtahuan saquisha.

NÚMEROS 26:65

Paicunataca Mandac Diosllatacmi: «Shitashca pambapi huañungacuna» nishca carca. Chashnami tucui huañushca carca. Ashtahuanpish Jefonepac churi Caleb, Nunpac churi Josuellami saquirishca carca.

SAN LUCAS 13:3

Mana, mana yalli juchayuccuna cashcamantachu chashnaca tucurca. Cancunapish juchayuc cashcamanta llaquirishpa, Diosman mana cutirishpaca, tucuimi huañunguichic.

SAN LUCAS 13:5

Mana chaimantachu chashna tucushca. Cancunapish juchayuc cashcamanta llaquirishpa, Diosman mana cutirishpaca, tucuimi huañunguichic— nirca.

SAN JUAN 8:21

Cutinllatac Jesusca: —Ñucaca rigrinimi. Cancunaca mashcanguichicmi. Ñuca ricushcamanca mana ri pudinguichicchu Cancunapac juchallapitacmi huañunguichic— nirca.

SAN JUAN 8:24

Chaimantami “cancunapac juchallapitacmi huañunguichic” nircani. Ñucata cancuna mana crishpaca, cancunapac juchallapitacmi huañunguichic— nirca.

HECHOS 2:40

Pedro cutin cutin cunashpaca: —Cunan millaita ruhuaccunataca, Diosca llaquichingami. ¡Chai llaquimanta quishpirichic!— nircami.

HECHOS 3:19

Cancunapac juchacunata perdonachunca, llaquirishpa, Diosman cutirichic. Chashna ruhuacpimi, Diosca cushi causaita cushpa samachinga.

1 TIMOTEO 4:16

Can ima shina yachachicushcamanta, shinallatac ima shina causacushcamantapish alli cuidaringui. Chashna ruhuashpami canpish quishpiringui, shinallatac can huillashcata uyaccunapish quishpiringacuna.

1 TIMOTEO 5:22

Diospacta ruhuac cachun manarac alli yuyarishpaca maijanpac umapipish ama utca maquita churaichu. Pacta shuccunapac juchapi chapuringuiman. Tucui mana allimanta huacaichiringui.

1 SAMUEL 8:9

Cunanca paicuna ima mañashcata ruhuailla. Ashtahuanpish shuc jatun mandac yaicushpa paicunata ima shina mandashpa charina cashcata allita yapachishpa huillangui» nirca.