EZEQUIEL 3:15 - Dios Rimashcata Quillcashcami

¹⁵ Chai quipaca Quebar jatun yacu cuchupi cac Tel-abib llactapi causacuc prezucunapacman chayashpami, paicuna causacushca pushtullapitac ñucapish tiyarircani. Chaipica canchis punzhatami, imatapish mana rimai pudishpa, manchaihuan tiyacurcani.

EZEQUIEL 3:15 ပူးပေါင်းရင်းမြစ်များ

GÉNESIS 50:10

Jordán yacu chimba ladopi cac Atad nishca trillana pambaman chayashpaca tucuilla tandanacushpami, llaquilla huacarca. Joseca paipac taita huañushcamantami canchis punzhacaman churashca llaquilla carca.

JOB 2:13

Chashna jatun nanaihuan tiyacucta ricushpami, paicunaca imata mana rimarishpa, canchis punzhata, canchis tutata paipac ladopi tiyacurcacunalla.

SALMOS 137:1

Babilonia llacta yacu ladocunapi tiyarishpami, Sión pueblota yuyarishpa huacac carcanchic.

JEREMÍAS 23:9

Jeremiasca: «Llullashpa huillaccunamantaca shungu nanarishpa, yallita llaquirishpami tucui ñuca tullucunacaman chucchucuni. Jucha illac Mandac Dios rimashcata uyashpaca, paipac ñaupapi yuyai chingaricta vinota ubiashca runa shinami tucuni.

EZEQUIEL 1:1

Quimsa chunga huata, chuscu quilla, pichca punzha cacpimi ñucaca prezu rishcacunahuan Quebar yacu patapi carcani. Chaipi cashpami, jahua pacha pascaricpi, Dios ricuchishcata muscuipi shina ricurcani.

EZEQUIEL 1:3

Chaipimi Mandac Diosca caldeocunapac llactapi cac Quebar yacu patapi ñucaman huillarca. Ñucaca Buzipac churi Ezequielmi cani. Chaipimi Mandac Diosca ñucata rimarca.

EZEQUIEL 10:15

Chai querubincunaca Quebar jatun yacu cuchupi ñuca ricushca causaita chariccuna shinami carca. Chai querubincunaca jatarishpa rircami.

EZEQUIEL 3:23

Shina nicpimi, jatarishpa pugru pambaman rircani. Chaipimi Quebar jatun yacu cuchupi Mandac Diospac sumaimana achic nicucta ricushca shinallatac cutin ricurcani. Chashna ricushpami, ñucaca pambacaman cumurircani.

EZEQUIEL 43:3

Chai muscuipi shina ricushcaca Jerusalenta Mandac Dios llaquichicucta Quebar yacu patapi ñuca muscuipi ricushca shinami carca. Chaita ricushpaca, pambacamanmi cumurircani.

HABACUC 3:16

Chaita uyashpaca, ñuca shungu mancharcami. Rimacta uyashpaca, ñuca shimipish chucchurcami. Ñuca tullucunapish ismucuc shinami tucurca. Ñuca changacunapish chucchucurcami. Chashna cashpapish ñucanchicta llaquichiccunata llaquichi punzhatami ñucaca casilla shuyacuni.