EZEQUIEL 3:11 - Dios Rimashcata Quillcashcami

¹¹ Prezu tiyacuc cambac llacta gentecunaman uyachun, mana uyachun huillashpaca: “Mandac Diosca cashnami nin” ningui» nirca.

EZEQUIEL 3:11 ပူးပေါင်းရင်းမြစ်များ

ÉXODO 32:7

Chaimantami Mandac Diosca Moisestaca: —Cunanca utcashpa urai rilla. Egipto llactamanta can llucchimushca gentecunaca mana allitami ruhuacun.

JEREMÍAS 29:20

Jerusalenmanta Babilonia llactaman prezu cachashcacuna Mandac Dios rimashcata uyaichic.

EZEQUIEL 2:4

Ñucami cantaca piña ñahui, sinchi shungu runacunapacman cachani. Paicunataca: «Mandac Diosca cashnami nin» ningui.

EZEQUIEL 2:5

Paicunaca mana cazuc gentecunami. Shina cacpipish, tucui causaipi ñucamanta shuc huillac tiyashcata yachachunca, uyachunpish, mana uyachunpish paicunaman huillanguilla.

EZEQUIEL 2:7

Paicunaca mana cazuccunami, chaimanta uyachunpish, mana uyachunpish ñuca nishcataca huillacunguilla.

EZEQUIEL 20:27

Chaimanta huañunalla runa, israelcunataca: “Mandac Diosca: Shina ruhuacpipish, cancunapac taitacunaca mana cazushpami, yallita piñachirca.

EZEQUIEL 3:10

Quipata cutin rimashpaca: «Huañunalla runa, ñuca imata huillashcataca cambac ringrihuan alli uyashpa, cambac shungupi chasquingui.

EZEQUIEL 3:12

Diospac Espíritu ñucata sinchiyachishpa, ñuca huashapi rimashpaca: «Mandac Dios tiyana sumaimana achic nicuc pushtupi alli nichic» nirca.

EZEQUIEL 3:15

Chai quipaca Quebar jatun yacu cuchupi cac Tel-abib llactapi causacuc prezucunapacman chayashpami, paicuna causacushca pushtullapitac ñucapish tiyarircani. Chaipica canchis punzhatami, imatapish mana rimai pudishpa, manchaihuan tiyacurcani.

EZEQUIEL 3:27

Ashtahuanpish cambac shimica ñuca rimacpimi rimanga. Chaipimi canca: “Mandac Diosca: Maijanpish uyasha niccunaca uyachun, mana uyasha niccuna ama uyachun. Paicunaca mana cazuccunami” ninmi ningui.

EZEQUIEL 33:12

Huañunalla runa, cambac llacta gentecunataca: Cashcata ruhuac runa juchallishpaca huañungami. Pai ñaupaman cashcata ruhuashcaca mana quishpichingachu. Shinallatac ñucata mana manchac runa juchata ruhuanata saquishpa, ñucapacman cutimushpaca quishpiringami. Cutin cashcata ruhuac runa cashpapish juchata ruhuashpaca huañungami. Pai cashcata ruhuashcaca yangallami canga.

EZEQUIEL 33:17

Cambac llacta gentecunaca: ‘¡Mandac Diosta catishpa causanaca mana allichu!’ ningacunami. ¡Ashtahuanpish paicuna mana allita ruhuashpa causanami mana alli!

EZEQUIEL 33:2

«Huañunalla runa, cambac llacta gentecunataca: “Shuc llactaman jatun macanacuita cachacpica, chai llactapi causaccunapuramanta shuc cuidac runata churachun.

EZEQUIEL 33:30

Huañunalla runa, cambac llacta gentecunaca pirca ladocunapi, huasi pungucunapi shayarishpami cantaca burlashpa asinga. Paicunaca caishuc chaishucmi: “¡Mandac Dios imata huillashcata uyangapac shamuichic!” nincunami.

EZEQUIEL 37:18

Cambac llactapi causaccuna chaita ricushpaca: “Chashna ruhuashpaca, ¿imatatac nisha ningui? Chaitaca huillaiyari” nicpica canca:

DANIEL 12:1

Chai punzhacunaca cambac llactapi causaccunata ayudangapacca mandac Miguelmi shamunga. Chai punzhacunapica cai jatun llactacuna callarishcamanta pacha jaicapi mana tiyashca jatun llaquicunami tiyanga. Shina cacpipish, chai punzhacunapica tucui shuticunata libropi quillcachishca cambac llactamanta caccunaca quishpiringami.

DANIEL 6:13

Shina nicpimi, paicunaca jatun mandactaca: —Jatun mandaclla, Judá llactamanta prezu apamushcapuramanta Danielca cantapish, can mandashpa shutita churashcatapish mana cazushcachu. Chai mandashcata cazunapac randica, punzhapi quimsa cutinmi Diosta mañan— nirca.

DEUTERONOMIO 9:12

Chaita cushpami Mandac Diosca: “Jatari, caimanta utca urai ri. Egiptomanta can llucchimushca tucui gentecunami mana allita ruhuacun. Ñuca mandashcacunata saquishpami curita yacuyachishpa shuc diosta ruhuancun” nirca.