EZEQUIEL 28:9 - Dios Rimashcata Quillcashcami

⁹ ¿Canca huañuchiccunapac ñaupapica: ‘Diosmi cani’ ni pudinguichu? ¡Canca huañuchiccunapac ñaupapica runallami cangui! ¡Mana dioschu cangui!

EZEQUIEL 28:9 ပူးပေါင်းရင်းမြစ်များ

SALMOS 82:7

Shina cashpapish huañuclla runacuna shinallatacmi huañunguichic. Maijan mandaccuna huañuc shinallatacmi huañunguichic» nircani.

ISAÍAS 31:3

Egipto runacunaca mana dioscunachu. Paicunapac caballocunapish aichallami, mana espirituchu. Mandac Dios maquita alzacpica, ayudaccunapish, ayudachun mañaccunapish tucuimi urmashpa tucuringa.

EZEQUIEL 16:49

Cambac ñaña Sodomaca yalli micunata charishpami, jatun tucushpa, llaquipi causaccunatapish, imata mana chariccunatapish mana ayudashpa juchallirca.

EZEQUIEL 28:10

Circuncisionta mana ruhuaccuna shinami, shuctac llacta gentecunapac maquipi huañungui. Chaitaca Mandac Dios ñucami nini” ninmi ningui» nirca.

EZEQUIEL 28:2

«Huañunalla runa, Tiro llactata mandactaca: “Mandac Diosca: Canca shungupi jatun tucushpami: ‘Ñucami dios cani. Chaimantami dioscunapac tiyarinapi tiyarishpa, mama cucha chaupipi tiyacuni’ nircangui. Canca runallami cangui. Mana dioschu cangui. Chashna cashpapish, cambac shungupi dios cashcatami yuyangui.

EZEQUIEL 28:8

Canca manchana jutcumanmi urai ringui. Chashnami mama cucha chaupipi huañuccuna shina huañungui.

SOFONÍAS 2:15

Riquichic, chai llactapica imata mana manchashpa cushicushpami causarca. Chaimantami chaipi causacca: “Ñucallami cani, pipish mana tiyanchu” nicmi carca. ¡Cunanca ima shinami shitashca saquirishca, sacha animalcuna causanami tucushca! Tucui chaita pasaccunaca maquita huactashpami burlashpa asinga.