EZEQUIEL 28:7 - Dios Rimashcata Quillcashcami

⁷ shuctac llactamanta alli sinchi, millai runacunata cachasha. Paicunami espadata llucchishpa, can alli yachac cashcatapish, can sumac cashcatapish yangata ruhuashpa tucuchinga.

EZEQUIEL 28:7 ပူးပေါင်းရင်းမြစ်များ

SALMOS 89:44

Pai sumac cashcatapish tucuchircanguimi. Pai mandashpa tiyarinataca pambatami shitarcangui.

EZEQUIEL 28:17

Canca sumac cashpami, shungupi jatun tucurcangui. Achiclla shina sumac cashpami, alli yachaitapish yangallata ruhuarcangui. Cantaca jatun mandaccunapac ñaupapi pambaman shitashpami, tucuipac asinata ruhuasha.

EZEQUIEL 30:10

Cutinllatacmi Mandac Diosca: Egipto llactapi causaccunataca Babilonia llactata jatun mandac Nabucodonosorpac maquipi churashpami tucuchisha.

EZEQUIEL 30:11

Nabucodonosormi paipac gentecunahuan, paipac sinchi soldadocunahuan shamushpa, Egiptopi causaccunata espadacunahuan huañuchishpa, chai llactapi jundachinga.

EZEQUIEL 31:12

Caru llacta millai gentecunami pitishpa shitanga. Chai sumaimana ramacunaca urcucunapi, pambacunapi, tucui llactacunapi tiyac jatun yacucunapi urmanga. Shinallatac shuctac llacta gentecuna chai yura ucupi llandurishpa causacushpapish shitashpami ringa.

EZEQUIEL 32:12

Yallita sinchi runacunapac espadami huañuchinga. Chai runacunaca tucuimanta yalli ashtahuan sinchi millaicunami. Paicunami jatun tucushca Egipto llactatapish, chaipi causaccunatapish chingachinga.

EZEQUIEL 7:24

Paicunapac huasicunata quichuchunca, millai shuctac llacta gentecunatami pushamusha. Chashnami jatun tucushca gentecunataca chingachisha, paicunapac ruhuashcalla dioscunapac huasicunatapish yangatami ruhuasha.

DANIEL 7:7

Tuta camapi siricushpallatacmi chuscuniqui manchanaipac animalta muscuipi shina ricurcani. Chai animalca millai sinchi animalmi carca. Shinallatac jatun fierro quiruyucmi carca. Tucuita polvoshpa micushpami, puchutaca chaquihuan sarucurca. Chai animalca utcapi ricurishca animalcunamanta shuctaclaya, shinallatac chunga gachuyucmi carca.

AMÓS 3:6

Llactapi cornetapi manarac tocacpi, ¿gentecunaca mancharishpa caparingachu? Mandac Dios manarac llaquichicpi, ¿llactapi llaqui tiyangachu?