EZEQUIEL 28:2 - Dios Rimashcata Quillcashcami

² «Huañunalla runa, Tiro llactata mandactaca: “Mandac Diosca: Canca shungupi jatun tucushpami: ‘Ñucami dios cani. Chaimantami dioscunapac tiyarinapi tiyarishpa, mama cucha chaupipi tiyacuni’ nircangui. Canca runallami cangui. Mana dioschu cangui. Chashna cashpapish, cambac shungupi dios cashcatami yuyangui.

EZEQUIEL 28:2 ပူးပေါင်းရင်းမြစ်များ

GÉNESIS 3:5

ima punzhami chai yuramanta micunguichic, chai punzhami ñahui pascaricpi, Dios shina tucunguichic, shinallatac allitapish, mana allitapish yachanguichicmi. Chaitaca Diosca yachanmi— nirca.

2 CRÓNICAS 26:16

Uzías ña tucuita mandai callarishpaca, jatun tucushpami llaquipi urmarca. Paica Mandac Diosta mana cazushpami, inciensota rupachina altarpi inciensota rupachingapac Diospac huasi ucuman yaicurca.

SALMOS 9:20

Mandac Dioslla, paicunapica manchaita churaiyari. Paicunaca runallami. Chaitaca paicunaman ricuchiyari.

PROVERBIOS 16:18

Manarac llaqui tucushpaca jatun tucushcami can. Manarac urmashpaca, jatun tucushpami causancuna.

PROVERBIOS 18:12

Manarac llaqui tucushpaca, jatun tucushcami runaca ricurin. Ima allicunata japingapacca Yangalla canami alli.

ISAÍAS 2:12

Mandac Dios, jatun tucushpa puriccunata, cari tucushcacunata, jatun tucushcacunata llaquichina punzhami chayamugrin. Chaipimi paicunaca cumuringa.

ISAÍAS 23:8

Coronata churachic, catushpa, randishpa puriccuna causana Tiro llactataca, ¿pitac chashna llaquichinata yuyarishcayari? Paicunaca tucui catungapac, randingapac alli nishcami carca.

ISAÍAS 31:3

Egipto runacunaca mana dioscunachu. Paicunapac caballocunapish aichallami, mana espirituchu. Mandac Dios maquita alzacpica, ayudaccunapish, ayudachun mañaccunapish tucuimi urmashpa tucuringa.

ISAÍAS 47:8

Sumac churanata churarishca, ima llaqui japinata mana yuyarishpa causac huarmilla, cunanca caita alli uyai. Canca cambac shungupica: “Ñucallami mandac cani, shuctac mandacca mana tiyanchu. Viudapish, huahuacuna illacpish mana tucushachu” yuyarcanguimi.

EZEQUIEL 16:49

Cambac ñaña Sodomaca yalli micunata charishpami, jatun tucushpa, llaquipi causaccunatapish, imata mana chariccunatapish mana ayudashpa juchallirca.

EZEQUIEL 26:17

Can llaqui tucushcamanta llaquipi cantana cantota cantashpaca: “¡Alli nishca llactalla, ima shinatac chingarircanguiyari! ¡Mama cucha muyundi pueblopi causac achca gentecuna causanami carcangui! Mama cucha muyundipi causaccunapac manchanami carcangui. Chaipi causaccunatapish, muyundipi causaccunatapish manchachishpami causarcangui” ningui.

EZEQUIEL 28:1

Mandac Dios ñucata rimashpaca:

EZEQUIEL 28:17

Canca sumac cashpami, shungupi jatun tucurcangui. Achiclla shina sumac cashpami, alli yachaitapish yangallata ruhuarcangui. Cantaca jatun mandaccunapac ñaupapi pambaman shitashpami, tucuipac asinata ruhuasha.

EZEQUIEL 28:9

¿Canca huañuchiccunapac ñaupapica: ‘Diosmi cani’ ni pudinguichu? ¡Canca huañuchiccunapac ñaupapica runallami cangui! ¡Mana dioschu cangui!

EZEQUIEL 29:3

“Mandac Diosca: Egipto llactata jatun mandac Faraonlla, canhuanca piñarishcami cani. Canca yacu chaupipi tiyacuc dragón shinami cangui. Canca: ‘Nilo yacuca ñucapacmi, ñucami ruhuarcani’ ninguimi.

EZEQUIEL 29:9

Egipto llactaca llaquinayaita tucuchishca, shitashcami saquiringa. Shina ruhuacpimi, ñucataca Mandac Dios cashcata yachangacuna. Canca: ‘Nilo yacuca ñucapacmi, ñucami ruhuarcani’ nircanguimi.

EZEQUIEL 31:10

Chaimantami Mandac Diosca: Chai yuraca tucui yuracunata yalli jatunyashpa, ñahuipish puyucaman cashpami shungupi jatun tucurca.

DANIEL 11:12

Chashna achca soldadocunata atishpami, ura llactata jatun mandacca shungupi jatun tucushpa, huaranga huaranga soldadocunata huañuchinga. Chashna cashpapish asha huatacunatami chashna canga.

DANIEL 11:36

Chai jatun mandacca pai munashcata ruhuashpami, jatun tucushpa tucui dioscunata yalli jatun tucunga. Tucui dioscunapac Diostapish millaitami rimanga. Dios piñarishpa llaquichingacamanmi paica imata ruhuashpapish alli canga. Chaica, paita llaquichina cashcaca pactangami.

DANIEL 11:37

Chai mandacca paipac taitacunapac dioscunatapish, huarmicuna cuyana dioscunatapish mana cazungachu. Tucui imatapish yalli jatun cashcamantami maijan dioscunatapish mana cazunga.

HABACUC 2:4

Millai shungu runaca jatun tucunllami. Ashtahuanpish cashcata ruhuac runaca crishcamantami causanga” nirca.

SOFONÍAS 2:15

Riquichic, chai llactapica imata mana manchashpa cushicushpami causarca. Chaimantami chaipi causacca: “Ñucallami cani, pipish mana tiyanchu” nicmi carca. ¡Cunanca ima shinami shitashca saquirishca, sacha animalcuna causanami tucushca! Tucui chaita pasaccunaca maquita huactashpami burlashpa asinga.

ZACARÍAS 9:2

Shinallatac Israel llacta cuchullapi cac Hamat llactatapish, Tiro, Sidón llactacunatapish chaipi causaccuna yallita yachaccuna cacpipish chaparacunmi.

SAN LUCAS 14:9

bodayuc shamushpa: “Caimanta anchuri, paitami caipica tiyachigrini” ninman. Chashna nicpica, pingaihuanmi yangalla tiyarinapi tiyaringui.

DEUTERONOMIO 8:14

Shungupi jatun tucushpa, Mandac Diosta pacta cungaringuichicman. Paimi Egipto llactapi huatashca shina causacucmanta llucchirca.

2 TESALONICENSES 2:4

Chai runami Diospac shutita apaccunatapish, chashnallatac Diosman tucui imata cushcacunatapish piñanga. Chaipac jahuapica Diosta mañana huasipipish “ñucami Dios cani” nishpami tiyaringa.

1 TIMOTEO 3:6

Chai pushacca unai cricmi cana can. Pacta jatun tucushpa diablo urmashca shina llaquichishca cangapac urmanman.

1 PEDRO 5:5

Chai shinallatac quipa huiñaicunapish, pushaccuna ima nishcata cazuichic. Mana jatun tucushpami tucuillatac caishuc chaishuc-huan cazunacuna canguichic. Diosca: «Jatun tucushcacunataca piñanimi. Mana jatun tucushcacunataca cuyanimi» ninmi.

APOCALIPSIS 17:3

Chai quipaca Diospac Espíritu ñucata japicpi shitashca pambaman ángel pushacpimi, shuc huarmi chai manchana puca animalpi montashca tiyacucta ricurcani. Chai animalca canchis umayuc, chunga gachuyuc, shinallatac cuerpopica Diosta camishpa quillcashcami carca.

APOCALIPSIS 18:7

Pai jatun tucushpa munashcata ruhuashpa, cushicushpa causashcamantaca, ¡chai shinallatac llaquichichic! Paica paipac shungupica: ‘Jatun mandac huarmi shinami tiyacuni. Cusa illacpish mana canichu, shinallatac llaquillapish mana canichu’ nishpami niricun.