EZEQUIEL 27:3 - Dios Rimashcata Quillcashcami

³ Can chai mama cucha ladopi tiyac llactacunahuan catushpa, randishpa causac Tiro llactamanta cantashpaca: “Mandac Diosca: Tiro llactalla, canca: ‘Tucuimanta yalli sumacmi cani’ nishpami yuyangui.

EZEQUIEL 27:3 ပူးပေါင်းရင်းမြစ်များ

SALMOS 50:2

Tucuita yalli sumac Sión urcumantami Diosca achicyachishca.

SALMOS 83:7

shinallatac Gebalpi causaccunapish, amonitacunapish, amalecitacunapish, filisteocunapish, Tiro llactapi causaccunapish shuc shinallami tandanacushca.

PROVERBIOS 31:14

Jatun barco catunahuan shamuc shinami micunata apashpa carumanta chayamun.

ISAÍAS 23:11

Mandac Diosmi paipac maquita mama cucha jahuata chutashpa, llactacunataca chucchuchishca. Paillatacmi Canaán llacta muyundi pircata tucuchichun mandarca.

EZEQUIEL 16:15

Ashtahuanpish canca sumac cashcata yuyashpami, pipish chaita pasaccunahuan huainayarcangui. Chashnami paicunapaclla tucurcangui.

EZEQUIEL 26:12

Ima charishcacunatapish, ima catushcacunatapish quichushpami apanga. Pircacunatapish urmachishpami, sumac huasicunatapish tucuchinga. Rumicunatapish, caspicunatapish, ñuto allpatapish yacu chaupipimi shitanga.

EZEQUIEL 26:17

Can llaqui tucushcamanta llaquipi cantana cantota cantashpaca: “¡Alli nishca llactalla, ima shinatac chingarircanguiyari! ¡Mama cucha muyundi pueblopi causac achca gentecuna causanami carcangui! Mama cucha muyundipi causaccunapac manchanami carcangui. Chaipi causaccunatapish, muyundipi causaccunatapish manchachishpami causarcangui” ningui.

EZEQUIEL 27:4

Canca tucui mama cuchatami mandangui. Canta callarichiccunaca shuc sumac barcota apac pañota shinatami ruhuarca.

APOCALIPSIS 18:3

Tucui llactacunapi causaccunami vinota ubiashpa machac shina, chai pueblota catishpa huacllirishcacuna. Cai pachapi tiyac jatun mandaccunapish paihuanmi huainayarcacuna. Shinallatac chai pueblo yallita chayucyanata munashcamantami, tucui llactacunamanta catushpa randishpa causaccunaca yallita chayucyashcacuna» nirca.