EZEQUIEL 27:18 - Dios Rimashcata Quillcashcami

¹⁸ Can tucuilayata charishcamantami Damasco gentecunapish canhuan randishpa, catushpa causac carca. Paicunaca Helbón llactamanta vinohuan, yurac millmahuanmi randic carca.

EZEQUIEL 27:18 ပူးပေါင်းရင်းမြစ်များ

GÉNESIS 14:15

Ña tuta cacpimi, Abrampish, paipac serviccunapish cungailla japishpa macarca. Cashna macashpami, Damascomanta jahuaman saquiric Hoba llactacaman catirca.

GÉNESIS 15:2

Shina nicpimi Abramca: —Mandac Dioslla, ¿ñucamanca imatatac cugringuiyari? Ñucaca huahua illacllamari cani. Ñuca charishcacunataca Damasco llactamanta ñucata servic Eliezermi japinga.

ISAÍAS 7:8

Chaica, Siria llactata mandacca Damascomi. Damascopac mandacca Rezinmi. Sucta chunga pichca huatapica Efrainpac llactaca ña mana llacta saquiringachu.

JEREMÍAS 49:23

Mandac Dios Damascota llaquichinamanta huillashpaca: «Hamat, Arfad llactacunapi causaccunaca mana alli huillaita uyashpami yallita llaquirirca. Mama cucha chaupipi cac shinami, yalli llaquihuan shuc ratollapish mana samarincuna.

EZEQUIEL 27:19

Dan llacta gentecunapish, Grecia gentecunapish Uzal llactamantami cambac charishcacunahuan cambiangapac sumacta allichishca fierrohuan, canelahuan, mishqui ashnacuc huiruhuan shamuc carca.

EZEQUIEL 27:33

Cambac jatun barcocunapi apashca catunacunaca achca gentecunatami cushichirca. Jatun mandaccunapish, cambac charishcahuan, can catushcacunahuanmi yallita charicyarca.

HECHOS 9:2

Chaica, Damasco pueblo tandanacuna huasicunapi yaicushpa, Jesusta catic caricunatapish, huarmicunatapish Jerusalenman prezu apamungapacmi quillcata mañangapac rirca.