EZEQUIEL 26:3 - Dios Rimashcata Quillcashcami

³ Chaimantami Mandac Dios ñucaca: Tiro llactahuanca piñarishcami cani. Ñucami canta llaquichichun llactacunata cachagrini. Paicunaca mama cucha jatarishpa shamuc shinami tucuchinga.

EZEQUIEL 26:3 ပူးပေါင်းရင်းမြစ်များ

SALMOS 107:25

Pai rimashpami jatun huairata cachashpa, yacutaca jahuata jatarichirca.

ISAÍAS 5:30

Chai punzhapica mama cucha huacashpa jataric shinami, yallita caparinga. Shina caparinacucpi, chai llactata ricpica, manchana puyu tapashca jatun llaquimi ricuringa. Jahua pacha achicpish ricuringami.

JEREMÍAS 21:13

Pugru pamba chaupipi tiyac jatun rumi jahuapi causaccunalla, ñucallatacmi cancunataca llaquichingapac shayarini. Cancunaca: ‘¿Pitac ñucanchic-huan macanacungapac shamui pudinga? Ñucanchic causacuc pushtumanca, ¿pitac yaicui pudinga?’ ninguichicmi.

JEREMÍAS 25:22

Tiro, Sidón llactacunata jatun mandaccunamanpish, mama cucha ladopi tiyac tucui llactacunata jatun mandaccunamanpish curcanimi.

JEREMÍAS 50:31

Jatun tucushca llactalla, ñucami canhuanca piñarircani. Ñuca canta ñacachishpa, llaquichina punzhami chayamun. Tucuita Mandac Dios ñucami nini.

JEREMÍAS 50:42

Babilonia llactapi causaccunalla, sinchi gentecunami arcohuanpish lanzahuanpish shamun. Paicunaca mana llaquishpami huañuchinga. Mama cucha yacu jatarishpa huacac nic shinami manchanayaita shamunga. Cancunahuan macanacungapac allichirishpami caballocunapi shamunga.

JEREMÍAS 51:42

Mama cucha yacumi Babilonia llactata tapashca. Manchana yacu jatarishpami tucuchishca.

JEREMÍAS 6:23

Paicunaca flechacunahuan, lanzacunahuanmi shayaringa. Paicunaca mana llaquic, yalli millai gentecunami. Mama cucha manchanayaita jataric shinami, tulun nishpa shamun. Sión llactapi causaccunalla, cancunahuan macanacungapacca caballocunapimi shamun» ninmi.

EZEQUIEL 21:3

huillashpa: “Mandac Diosca: Riquichic, cancunahuan yallita piñarishpami espadata llucchishpa, cashcata ruhuaccunatapish, ñucata mana manchaccunatapish huañuchigrini.

EZEQUIEL 26:19

Mandac Dios ñucaca: Canca pipish mana causana llactacuna shinami, llaquinayaita shitashca saquiringui. Mama cuchamanta yacuta cachashpami cantaca tucuchisha.

EZEQUIEL 27:26

Barcota purichiccunami cantaca jatun yacu chaupiman aparca. Inti llucshina ladomanta huaira shamushpami, mama cucha chaupipi cantaca paquirca.

EZEQUIEL 28:22

“Mandac Diosca: Sidón llactalla, canhuanca piñarishcami cani. Canta llaquichishpami jatunyachishca casha. Chashnami ñucaca jucha illac cashcata ricuchisha. Shina ruhuacpimi, ñucataca Mandac Dios cashcata yachangacuna.

EZEQUIEL 29:10

Chaimantami ñucaca canhuanpish, tucui jatun yacucunahuanpish yallita piñarishca cani. Egipto llactataca Migdolmanta, Asuán llactacaman, Etiopía llacta linderocamanmi llaquinayai shitashca pambata saquisha.

EZEQUIEL 38:3

huillashpa: “Mandac Diosca: Mesec, Tubal llactacunata jatun mandac Goglla, canhuanca piñarishcami cani.

EZEQUIEL 5:8

Chaimantami Mandac Dios ñucaca cancunahuan piñarircani. Ñucallatacmi cancunataca tucui llactacunapi causaccunapac ñaupapi llaquichisha.

MIQUEAS 4:11

Cunanca, achca llactacunami canta llaquichingapac tandanacushpa: «¡Sionta sarushpa yangallata ruhuashpa, tucuchishcataca ñucanchic ñahuihuantacmi ricusha ninchic!» nincuna.

NAHÚM 2:12

Cari leonca paipac huahuacunamanpish, huarmi leonmanpish carangapacmi huañuchishpa achca aichata apamurca. Jutcucunapica aichacunatami jundachirca.

NAHÚM 3:5

Tucuita Mandac Diosca: «¡Ñucami canta llaquichigrini! Cambac churanacunata cambac ñahuicaman llatanashpami shuctac llactacunaman ricuchisha. Chashnami jatun mandaccunapac ñaupapi shayachishpa pingaichisha.

ZACARÍAS 14:2

Mandac Diosmi Jerusalenpi causaccunahuan macanacuchun, shuctac llactacunamanta tandachimunga. Paicunami cai llactata quichushpa, huasicunapi ima charishcacunatapish quichuga. Huarmicunatapish, japirishpa llaquichingami. Cai llactapi causacpuramanta chaupica prezumi ringa. Ashtahuanpish chai puchushca gentecunallami caipica saquiringa.

ZACARÍAS 9:4

Shina cacpipish, Mandac Diosca paicuna charishcacunataca quichungami. Shina quichushpami, paicuna alli nishcataca mana cuchapi chingachinga. Cutin chai llactataca ninami tucuchinga.

SAN LUCAS 21:25

Intipipish, quillapipish, lucerocunapipish jaicapi mana ricushcacunami ricuringa. Cutin cai pachapica mama cucha yallita cuyurishpa huajiacta ricushpami yallita mancharishpa, yuyaita chingachinga.