EZEQUIEL 26:17 - Dios Rimashcata Quillcashcami

¹⁷ Can llaqui tucushcamanta llaquipi cantana cantota cantashpaca: “¡Alli nishca llactalla, ima shinatac chingarircanguiyari! ¡Mama cucha muyundi pueblopi causac achca gentecuna causanami carcangui! Mama cucha muyundipi causaccunapac manchanami carcangui. Chaipi causaccunatapish, muyundipi causaccunatapish manchachishpami causarcangui” ningui.

EZEQUIEL 26:17 ပူးပေါင်းရင်းမြစ်များ

2 SAMUEL 1:19

«¡Aij, sumaimana Israel-lla, cambac urcu jahuallapitacmi huañushca! ¡Ima shinachari cai sinchi runacunaca huañurca!

ISAÍAS 14:12

¡Tutamanta llucshic lucero shina cashpapish, ima shinatac jahua pachamanta urmarcanguiyari! Canca llactacunata mandashpa irquiyachic cashpapish, allpaman shitashcami cangui.

ISAÍAS 23:4

Mama cucha patapi tiyac muyundita pircashca llactalla, Sidón llactalla pingaiyari. Mama cuchaca: «Ñucaca jaicapi mana sajuarina nanaita ricsinichu. Mana sajuarishcanichu. Shuc cari huahuallatapish, shuc huarmi huahuallatapish mana huiñachishcanichu» nircami.

ISAÍAS 23:8

Coronata churachic, catushpa, randishpa puriccuna causana Tiro llactataca, ¿pitac chashna llaquichinata yuyarishcayari? Paicunaca tucui catungapac, randingapac alli nishcami carca.

JEREMÍAS 48:39

¡Llaquirishpa huacaichicyari! ¡Moab llactapi causaccunaca yallita llaqui tucushcami! ¡Pingaihuanmi cutishpa callpancuna! Moabitacunaca tucui muyundipi causaccunapac burlashpa asina, tucuipac mancharinami tucushca.

JEREMÍAS 50:23

¡Tucui cai pacha llactacunata llaquichic martillo shina Babilonia llactamari tucurishca! ¡Chai llactaca shuctac llactacunapac chaupipica mancharina, shitashca pambami tucushca!

JEREMÍAS 6:26

Chaimantami ñucaca: «Ñuca llactapi causaccunalla, sharpa churanata churarishpa, uchupapi singüichicyari. Shuclla huahua huañushcamanta llaquiric shina, yana churanata churarishpa, caparishpa huacaichicyari. Ñucanchicta tucuchicca ñallami shamunga» nircani.

JEREMÍAS 7:29

Chaimanta cambac acchata pitishpa shitai. Lomacunaman rishpa caparishpa huacai. Mandac Diosta yallita piñachishcamantami huahua huahuacunataca mana ricunayachishpa shitashca.

JEREMÍAS 9:20

Shina nicpimi ñucaca: «Huarmicuna, Mandac Dios rimashcata cancunapac ringrihuan uyaichicyari. Cancunapac huarmi huahuacunatapish, tucui cancunahuan apanacuc huarmicunatapish llaquirishpa huacanata yachachichicyari.

LAMENTACIONES 1:1

¡Achca gentecuna causana Jerusalenca shitashcami saquirishca! Tucui llactamanta yalli jatun llactaca viuda huarmi shinami saquirishca. Sumac soltera shina llactaca impuestota pagacmi tucushca.

EZEQUIEL 19:1

Can Israel llactata mandaccunata llaquishpa cantana cantota

EZEQUIEL 19:14

Chai tarpushca yurapac ñahuimanta nina llucshishpami ramacunatapish, granocunatapish rupachirca. Chai yurapica jatun mandaccunapac mandana sinchi varapish ña mana tiyarcachu” ninmi ningui. Caicunaca llaqui cantana cantomi. Llaquipi cantangapacmi alli can» nirca.

EZEQUIEL 32:16

Caica, llaquipi cantana cantomi. Shuctac llactapi causac huarmicunami Egipto llactamantapish, chaipi causaccunamantapish cantanga. Chaitaca Mandac Dios ñucami nini” ninmi ningui» nirca.

EZEQUIEL 32:2

«Huañunalla runa, Egipto llactata jatun mandac Faraón llaqui tucunamanta llaquipi cantanata cantashpa: “Canca shuctac llactacunapacca león shinami cangui. Mama cuchapi causac dragón shinami cangui. Canca jatun yacucunatapish cuyuchircanguimi. Chaquihuanmi callpacuc yacucunata mapayachishpa, yacu patataca turuyachircangui.

EZEQUIEL 32:23

Tucui cai pacha llactacunata manchachishpa causac Asiriaca jatun macanacuipimi huañushca. Seolmanta ashtahuan ucupimi siricun. Chai enterrashca muyundipica paipac gentecunami siricun.

EZEQUIEL 32:27

Paicunaca mana circuncisionta ruhuashca sinchi runacunahuan pactachu Seolman rirca. Ashtahuanpish jatun macanacuipi macanacuna espadacunata apashpami Seolman rirca. Espadata saunashpami siricurca. Cai pachapi sinchi runacunata manchachishpa causashcamantami paicunapac tullucunataca llaquichinga.

JOEL 1:18

¡Quihua mana tiyashcamantami animalcunaca llaquinayaita huacacun! ¡Huagracunaca quihuata mashcashpami, caita chaita puricun! ¡Manada ovejacunapish yarcaimantami huañunalla tucun!

ABDÍAS 1:5

Shuhuaccuna tuta cambacman shamushpaca, ¿manachu apana pactallata shuhuanga? Uvasta pallaccuna pallashpapish, ¿manachu chalanata saquinga? ¡Canca llaquinayaitami tucuchishca cangui!

MIQUEAS 2:4

Chai punzhapica cancunata burlashpami rimanga. Chaimantami cancuna huacashpaca: “¡Yallita llaquichishpa tucuchishcami canchic! Ñucanchicman cushca allpacunataca shuccunami medishpa japicun. ¡Aij, mana llaquishpami, tucui ñucanchic llactacunata quichushca!” ninguichicmi.

SOFONÍAS 2:15

Riquichic, chai llactapica imata mana manchashpa cushicushpami causarca. Chaimantami chaipi causacca: “Ñucallami cani, pipish mana tiyanchu” nicmi carca. ¡Cunanca ima shinami shitashca saquirishca, sacha animalcuna causanami tucushca! Tucui chaita pasaccunaca maquita huactashpami burlashpa asinga.

JOSUÉ 19:29

Chaimantaca Ramá pueblo ladoman cutishpa, muyundi pircashca Tiro pueblocamanmi carca. Chai pueblomantaca Hosa pueblota muyushpa, mama cuchacamanmi carca. Shinallatac Mahaleb, Aczib,