EZEQUIEL 26:16 - Dios Rimashcata Quillcashcami

¹⁶ Jatun llaquita uyashpaca, mama cucha patapi causac jatun mandaccunapish mandashpa tiyanamanta anchurishpami, jahualla churanatapish, bordashca churanatapish llucchinga. Chaimantaca duelo churanata churarishpami, allpa jahuapi tiyarishpa chucchucunga. Chashnami can llaqui tucushcamantaca tucunga.

EZEQUIEL 26:16 ပူးပေါင်းရင်းမြစ်များ

JOB 8:22

Canta piñaccunaca yallitami pingaichishca canga. Diosta mana manchaccunapac huasicunaca chingaringami» nirca.

SALMOS 109:18

Churanata churarishca shina maldicionca cachun. Paipac huicsamanca yacu shina, tullumanca aceite shina yaicuchun.

SALMOS 109:29

Ñucata yanga juchanchiccunaca churanata churaric shina pingaihuan cachun. Shinallatac jahuallata churarishca shina pandarishca cachun.

SALMOS 132:18

Paita piñaccunamanca churanata churachic shinami pingaichisha. Ashtahuanpish paipac umapica, jagan nicuc coronatami churachisha» nirca.

SALMOS 35:26

Ñuca llaquihuan cacpi, cushicuccunaca pingaichishca, muspachishca cachun. Ñucata piñashpa jatun tucuccunaca pinganayaipac churanata churarishca shina musparichun.

ÉXODO 15:15

Edom llactata mandaccunaca yuyai illacmi tucunga. Sinchi Moab gentecunapish manchaihuan chucchungami. Canaanpi causaccunaca mancharishpami imata mana ruhuai pudinga.

ISAÍAS 3:26

Llacta pungucunapipish duelo churanahuanmi llaquilla tiyacunga. Shitashca saquirishcamantami yallita llaquirishpa, allpallapi tiyacunga.

ISAÍAS 41:5

Mama cucha patapi causaccunapish, tucui cai pacha causaccunapish chaita ricushpami mancharishpa, tandanacushpa shamurca.

ISAÍAS 47:1

Mandac Diosca: «Carihuan manarac chayarishca soltera shina Babilonia llactalla, mandanamanta uricushpa, ñuto allpapi tiyariyari. Caldeocunapac ushilla, cantaca mana cutin: “Sumacmi, allimi cangui” ningacunachu. Can mandanamanta uricushpa, allpapi tiyariyari.

ISAÍAS 52:2

Jerusalén llactalla, jatarishpa allpata chaspiriyari. Sión llactamanta prezu rishcacunalla, cungapi huatashcataca pascarichicyari.

JEREMÍAS 48:39

¡Llaquirishpa huacaichicyari! ¡Moab llactapi causaccunaca yallita llaqui tucushcami! ¡Pingaihuanmi cutishpa callpancuna! Moabitacunaca tucui muyundipi causaccunapac burlashpa asina, tucuipac mancharinami tucushca.

LAMENTACIONES 2:10

Sionpi causaccunata pushac yuyaccunaca pambapi tiyarishpami upalla saquirirca. Llaquirishpa umapi uchupata churashpami, sharpa churanata churarirca. Jerusalenpi causac solteracunapish allpacamanmi cumurirca.

EZEQUIEL 16:10

Sumac churanata churachishpami, chaquipipish tejón caramanta ruhuashca ushutata churachircani. Linomanta, sedamanta ruhuashca churanatami churachircani.

EZEQUIEL 26:21

Cantaca jatun mancharinatami ruhuasha. Ña mana causanguichu. Canta mashcashpapish jaicapi mana taringacunachu. Chaitaca Mandac Dios ñucami nini» nirca.

EZEQUIEL 28:17

Canca sumac cashpami, shungupi jatun tucurcangui. Achiclla shina sumac cashpami, alli yachaitapish yangallata ruhuarcangui. Cantaca jatun mandaccunapac ñaupapi pambaman shitashpami, tucuipac asinata ruhuasha.

EZEQUIEL 31:15

Cutinllatac Mandac Diosca: Chai yura Seolman ri punzhami allpa ucupi tiyac yacutaca chaquichisha. Uchilla yacucunatapish, jatun yacucunatapish jarcashami. Líbano urcutapish pura tutahuanmi tapasha. Pambapi shayacuc yuracunapish chaquishpami urmanga.

EZEQUIEL 32:10

Can urmacpica, achca gentecunami mancharishpa, yuyai illac saquiringa. Ñuca espadata paicunapac ñaupapi llucchicpica, jatun mandaccunapish yallita mancharingami. Chai llaquichi punzhapica mancharishpa, ñalla ñallami chucchunga.

EZEQUIEL 7:27

Jatun mandacpish duelo churanatami churaringa. Pai churashca mandacpish, llaqui churanatami churaringa. Cai llactapi causaccunapac maquicunaca chucchungami. Paicuna imata ruhuashcata taripashpami llaquichisha. Chashna ruhuacpimi, ñucataca Mandac Dios cashcata yachangacuna» nirca.

EZEQUIEL 7:8

Cunanllatacmi cancunata yallita llaquichishpa, ñuca piñarishcata pasachisha. Cancuna imata ruhuashcata taripashpami, cancuna millaita ruhuashcataca ricuchisha.

DANIEL 5:6

Chaita ricushpami, jatun mandacca yallita mancharishpa ñahuipish irquiyashpa musparishca saquirirca. Paipac siqui tullucunapish chururic shina tucushpami, mucucunapish paicunapura huactarinacucurca.

OSEAS 11:10

Paicunaca Mandac Dios ñucata catishpami puringa. Ñuca león huacac shina, rimashcata uyashpami, paicunapac huahuacunaca inti tigrana ladomanta chucchushpa shamunga.

JONÁS 3:6

Nínive llactata jatun mandacpish, chashna huillacpica, pai mandashpa tiyarinamanta jatarishpa, paipac churanata llucchishpa, sharpa churanata churarishpami uchupapi tiyarirca.

HAGEO 2:22

Jatun mandaccuna mandashpa tiyanatapish urmachishami. Tucui jatun mandaccuna mandana llactacunatapish tucuchishami. Carretacunatapish, chai carretapi puriccunatapish urmachishami. Shina urmachicpimi, caballocunapish, caballopi ric soldadocunapish huañunga. Paicunapac espadallahuantacmi caishuc, chaishuc huañunacunga.

1 PEDRO 5:5

Chai shinallatac quipa huiñaicunapish, pushaccuna ima nishcata cazuichic. Mana jatun tucushpami tucuillatac caishuc chaishuc-huan cazunacuna canguichic. Diosca: «Jatun tucushcacunataca piñanimi. Mana jatun tucushcacunataca cuyanimi» ninmi.

APOCALIPSIS 18:9

Paihuan huainayashpa, munashcata ruhuashpa cushicuc cai pachapi tiyac jatun mandaccunaca, chai pueblo rupashpa cushni llucshicucta ricushpami chai pueblomanta llaquirishpa yallita huacangacuna.