EZEQUIEL 26:14 - Dios Rimashcata Quillcashcami

¹⁴ Llambuclla rumita shinami saquisha, linchicunata tendina pambata shinami saquisha. Jaicapi mana llacta tucunguichu. Chaitaca Mandac Dios ñucami nini.

EZEQUIEL 26:14 ပူးပေါင်းရင်းမြစ်များ

JOB 12:14

Pai urmachishcataca pi mana cutin allichinchu. Pai runata huichcashpa churashcataca pi mana cacharic pudinchu.

JOB 40:8

¿Ñuca nishcataca yangatachu ruhuasha ningui? ¿Canca jucha illacmi cani nishpachu, ñucatarac juchanchisha ningui?

ISAÍAS 14:27

Tucuita Mandac Diosmi chashna ruhuanata yuyarishca. Chaitaca, ¿pitac jarcai pudingayari? Paipac maqui alzashcataca, ¿pitac jarcangayari?

ISAÍAS 23:12

Cutinllatac paica: «Sidón llactapi llaquichishca carihuan mana chayarishca solteracunalla, ña mana ashtahuan cushicunguichu. Quitim llactaman pasangapac jatarichicyari. Chaipipish mana samaringuichu» nirca.

EZEQUIEL 21:32

Cancunaca nina japichina chaquishca cupa shinami tucunguichic. Cancunapac yahuarca allpa chaupipimi saquiringa. Cancunamantaca ima yuyarinapish mana tiyangachu. Chaitaca Mandac Dios ñucami nini” ninmi ningui» nirca.

EZEQUIEL 22:14

Ñuca llaquichi punzhapica, ¿cambac shungupish, maquipish fuerzata charinguichu? Mandac Dios ñucami nini. Chaitaca pactachishatacmi.

EZEQUIEL 26:12

Ima charishcacunatapish, ima catushcacunatapish quichushpami apanga. Pircacunatapish urmachishpami, sumac huasicunatapish tucuchinga. Rumicunatapish, caspicunatapish, ñuto allpatapish yacu chaupipimi shitanga.

EZEQUIEL 30:12

Nilo yacutapish chaquichishami. Chai llactataca mana allita ruhuac runacunapac maquipimi saquisha. Chaipi tiyashcacunataca caru llacta gentecunami tucuchinga. Chaitaca Mandac Dios ñucami nini.

EZEQUIEL 47:10

Shinallatac challuata japiccunapish chai yacu ladopimi canga. En-gadi llactamantaca En-eglaim llactacamanmi linchicunata tendinga. Mama cuchapi shinami tucuilaya achca challua tiyanga.

EZEQUIEL 5:13

Chashnami ñuca yallita piñarishcataca paicunata llaquichishpa pasachisha. Chashna llaquichishpa, shungupi cushicucpimi, Mandac Dios ñucaca ñucapaclla cachun munac cashcataca yachanga.

EZEQUIEL 5:15

Ñuca yallita piñarishpa, canta llaquichicpica, muyundi llactacunapi causaccunapac burlashpa asina, camishpa rimana, yuyarina, shinallatac yalli mancharinami tucungui. Caitaca Mandac Dios ñucami nini.

EZEQUIEL 5:17

Chashnami yarcaitapish, piña animalcunatapish cachashpa, cancunapac huahuacunata tucuchisha. Chaipica ungüipish, yarcaipish, jatun macanacuipishmi tiyanga nini» nirca.

MALAQUÍAS 1:4

Edom llactapi causac Esaú aillucunaca: “Ñucanchicca tucui tucuchishcami canchic. Chashna cashpapish, cutinllatac shayachishunmi” ningami. Chaimantami tucuita Mandac Diosca: «Paicuna cutin shayachicpipish, ñucami cutin urmachisha. Shina urmachicpica: “Diosta mana manchac llactami, huiñaita Mandac Dios piñashca gentecunami” nishpami shutichinga.

NÚMEROS 23:19

Diosca mana aichayuc runa shina llullacchu. Paica mana runapac churi shina, quipata pandarishcanimi nicchu. Paica imata ruhuasha nishpaca, ¿manachu ruhuangatac? Imata nishcataca, ¿manachu pactachinga?

SAN MATEO 24:35

Jahua pachapish, cai pachapish tucuringami. Ashtahuanpish ñuca huillashcaca pactacungallami.

DEUTERONOMIO 13:16

Tucui chaipi japishcacunataca plazapi tandachishpa, chai japishcacunandi, Mandac Diosman cuc shina rupachinguichic. Chashnami chai llactaca huiñaita rumi montón shina tucushpa, jaicapi mana cutin shayachishca saquiringa.