EZEQUIEL 23:4 - Dios Rimashcata Quillcashcami

⁴ Punta ñañaca Ohola, quipa ñañaca Oholibami carca. Paicunaca ñuca huarmicunami carca. Chaimantami churicunatapish, ushicunatapish ñucaman curcacuna. Oholaca Samariatami ricuchin, Oholibaca Jerusalentami ricuchin.

EZEQUIEL 23:4 ပူးပေါင်းရင်းမြစ်များ

1 REYES 12:20

Chai quipami Jeroboam Egiptomanta cutimushcata tucui israelcuna yachac chayashpaca, paicuna tandanacushcaman cayachishpa, tucui israelcunata jatun mandac cachun churarca. Davidpac huahua huahuapura mandacuc-huanca Judá aillullami saquirirca. Caishuc Israel aillucunaca tucuimi chicanyarcacuna.

1 REYES 8:29

Canhuan tupana cai huasitaca tutapish, punzhapish chapacunguilla. Canllatacmi: “Cai huasipimi ñucaca causasha” nircangui. Chaimanta canta servic ñuca caipi mañacuctaca uyaiyari.

SALMOS 76:2

Paihuan tupana huasica Salem pueblopimi tiyacun. Pai causana huasica Sionpimi can.

JEREMÍAS 3:6

Jatun mandac Josías mandacui punzhacunapi Mandac Dios rimashpaca: «Mana cazuc israelcuna, ¿imata ruhuashcataca ricushcanguichu? Paicunaca lomacunapi, jatun yura ucucunapimi cullquimanta huainayac huarmi shina juchallirca.

JEREMÍAS 3:7

Ñucaca: “Chai tucuita ruhuashca quipaca, ñucapacman cutimungami” yuyarcanimi. Ashtahuanpish mana cutimurcachu. Chaitami mana cazuc paipac ñaña Judapish ricurca.

EZEQUIEL 16:20

Chaipac jahuapica, ñucaman can cushca churicunatapish, ushicunatapish, chai dioscunaman cushpami, huañuchishpa tucuchircangui. ¿Huainayashca ashalla cacpichu,

EZEQUIEL 16:40

Achca gentecunata cachacpimi, cantaca rumicunahuan shitashpa, espadahuan huañuchinga.

EZEQUIEL 16:46

Cambac punta ñañaca Samariami. Paica huahuacunandimi jahua ladopi causacun. Cambac quipa ñañaca Sodomami. Paipish huahuacunandimi ura ladopi causacun.

EZEQUIEL 16:8

Cutinllatac cambac ladota pasacushpami, cantaca ña cuyanalla huarmi cashcata ricurcani. Ñuca churanahuanmi cambac lluchulla cuerpota tapachircani. Chashna ruhuashpami, canhuanca ari ninacurcani. Canca ñucapacllami tucurcangui. Chaitaca Mandac Dios ñucami nini.

EZEQUIEL 23:3

Paicunaca huambramanta pachami Egipto llactapi huainayarca. Chaipimi pi mana japirishca chuchutapish japirichun saquirca.

EZEQUIEL 23:36

Cutinllatac Mandac Dios ñucata rimashpaca: «Huañunalla runa, ¿manachu Ohola huarmitapish, Oholiba huarmitapish, paicuna mana allita ruhuashcata taripashpa ricuchigringui? Millanayai mana allita ruhuashcata huillaiyari.

EZEQUIEL 23:44

Cullquimanta huainayac huarmipacman shamuc shinami, chai mana pingac Ohola, Oholiba huarmicunapacmanca shamurcacuna” nircani.

EZEQUIEL 23:5

Oholaca ñucapac cashpapish ñucata shitashpami asiriocunata yallita cuyai callarirca.

OSEAS 1:3

Shina nicpimi, Oseasca Diblaimpac ushi Gomerhuan cazararca. Chai huarmica huicsayuc tucushpami, shuc cari huahuata charirca.

OSEAS 2:7

Paica cuyashcacunata cati rishpapish mana japingachu. Mashcashpapish mana taringachu. Chaimantami paica: «Ñaupa cusapacman cutisha. Paihuanca allimi causarcani, mana cunan punzhapi shinachu carcani» ningami.

SAN JUAN 4:22

Cancunaca pita mañacushcata mana yachanguichicchu. Ñucanchicca pita mañacushcataca yachanchicmi. Diosca israelcunapuramantami Quishpichicta cachasha nishca.

ROMANOS 7:4

Cuyashca criccuna, chai shinallatacmi mana mandashcacuna mandashca causangapac Cristohuan pacta huañushca canguichic. Cunanca Diospacta ruhuangapacmi, huañushcacunapuramanta causaric Jesucristopac canguichic.