EZEQUIEL 22:22 - Dios Rimashcata Quillcashcami

²² Cullquita hornopi yacuyachic shinami cancunataca ninapi yacuyachisha. Shina ruhuacpimi, Mandac Dios ñuca piñarishpa, cancunata llaquichishcata yachanguichic nini” ninmi ningui» nirca.

EZEQUIEL 22:22 ပူးပေါင်းရင်းမြစ်များ

EZEQUIEL 20:33

Mandac Dios ñuca shutipimi nini: Ñucaca yallita piñarishpami, ñuca poderhuan cancunataca mandasha.

EZEQUIEL 20:8

Ashtahuanpish paicunaca ñucata mana cazushpami piñachirca. Ruhuashcalla dioscunataca paicunapac ñaupamanta mana anchuchisha nircachu. Egiptopi tiyac ruhuashcalla dioscunatapish mana saquircachu. Chaimantami Egipto llactapi paicunata llaquichishpa, ñuca piñarishcataca pasachinata munarcani.

EZEQUIEL 22:16

Shuctac llactacunapac mana alli nishcami cangui. Shina cashpami, ñucataca Mandac Dios cashcata yachangui” ninmi ningui» nirca.

EZEQUIEL 22:21

Chashnami tandachishpa, ñuca yallita piñarishpa ninata cancunapac jahuapi japichisha. Tucuimi chai nina ucupi yacuyanguichic.

EZEQUIEL 22:23

Mandac Dios ñucata rimashpaca:

EZEQUIEL 22:31

Chaimantami ñucaca nina japiric shina yallita piñarishpa, paicunataca tucuchisha. Chashnami paicuna mana allita ruhuashca shinallatac llaquichisha. Chaitaca Mandac Dios ñucami nini” ninmi ningui» nirca.

EZEQUIEL 36:18

Huañuchishcamanta, ruhuashcalla dioscunata adorashpa mapayashcamantami ñucaca yallita piñarishpa llaquichircani.

EZEQUIEL 7:9

Ñucaca manatac perdonashachu, manatac llaquishachu. Ashtahuanpish cancuna millaita ruhuashcata taripashpami cancunaman ricuchisha. Shina ruhuacpimi, ñucataca Mandac Dios cashcata yachanguichic.

OSEAS 5:10

Judá llactata mandaccunaca linderota yaicuric shinami cancuna. Ñuca yallita piñarishcataca yacuta tallic shinami paicunapac jahuata cachasha.

APOCALIPSIS 16:1

Chai quipaca Diosta mañana huasi ucumantami canchis angelman sinchita rimashpaca: «¡Richic, Dios piñarishpa cachashca canchis copacunapi tiyac llaquichinata allpapi talligrichic!» nishcata uyarcani.