EZEQUIEL 22:20 - Dios Rimashcata Quillcashcami

²⁰ Ima shinami cullquita, bronceta, fierrota, plomota, estañota tandachishpa, hornopi churashpa, yacuyachic shinami ruhuasha. Chashnami ñucaca yallita piñarishpa, chai pueblollapitac tandachishpa tucuchisha.

EZEQUIEL 22:20 ပူးပေါင်းရင်းမြစ်များ

ISAÍAS 1:25

Ñucaca canhuan yallita piñarishpami, lejiahuan cambac juchacunata jahuashpa, tucui millaicunata anchuchisha.

ISAÍAS 54:16

Riqui, ninata pucushpa fierrota rupacyachishpa, trabajana fierrota ruhuac runataca ñucami ruhuarcani. Tucuchishpa llaquichic runatapish ñucallatacmi ruhuarcani.

JEREMÍAS 4:20

Yalli llaquicuna shamucushcataca catintami huillan. Tucui llactacunami tucuchishca. ¡Cungaillami ñuca carpa huasicunatapish, cortinatapish lliquishpami tucuchincuna!

JEREMÍAS 8:13

Mandac Diosca: «¡Ñucaca tucuimi tucuchigrini! Uvas chagrapi shuc uvasllatapish, higo yurapi shuc granollatapish mana saquic shinami tucuchisha. Yuracunapish pangacuna chaquishpa urmangami. Paicunaman ñuca cushcatapish shuccunamanmi cugrini» ninmi.

EZEQUIEL 22:19

Chaimantami Mandac Dios ñucaca: “Tucui cancunami cullquimanta chicanyachishca mapa shina tucurcanguichic. Cancunataca Jerusalén chaupipimi tandachisha.

EZEQUIEL 22:21

Chashnami tandachishpa, ñuca yallita piñarishpa ninata cancunapac jahuapi japichisha. Tucuimi chai nina ucupi yacuyanguichic.

EZEQUIEL 22:31

Chaimantami ñucaca nina japiric shina yallita piñarishpa, paicunataca tucuchisha. Chashnami paicuna mana allita ruhuashca shinallatac llaquichisha. Chaitaca Mandac Dios ñucami nini” ninmi ningui» nirca.

EZEQUIEL 24:13

Canca millaita ruhuashpami mapayarcangui. Ñuca cambac mapata pichasha nicpipish, canca manatac munarcanguichu. Canta llaquichishpa, ñuca yallita piñarishcata pasachingacaman manatac chuyayanguichu.

EZEQUIEL 36:18

Huañuchishcamanta, ruhuashcalla dioscunata adorashpa mapayashcamantami ñucaca yallita piñarishpa llaquichircani.

OSEAS 8:10

Chashna alquilashca cacpipish, ñucami tandachisha. Asha huatacunallatami jatun mandacca llashac cargata apachic shina llaquichinga.