EZEQUIEL 21:7 - Dios Rimashcata Quillcashcami

⁷ Chashna huacacpi: “¿Imamantatac huacacungui?” nicpica: “Jatun llaquimi tiyagrin. Chai llaqui shamucpica, maquicunapish fuerza illacmi saquiringa. Mucucunapish yacu shinami chucchunga. Pipish imata mana ruhuai pudingachu” ningui. ¡Chai llaquica ñami chayamugrin! Chaitaca Mandac Dios ñucami nini» nirca.

EZEQUIEL 21:7 ပူးပေါင်းရင်းမြစ်များ

2 SAMUEL 17:10

Chaita uyashpaca, león piñaric shina shunguta charic sinchi runapish yallita manchashpa, yuyai illac shinami saquiringa. Tucui israelcunami cambac taita alli sinchi cashcata, paipac runacunapish macanacunata alli yachac cashcata yachancuna.

2 REYES 21:12

Chaimantami israelcunata Mandac Diosca: “Ñucami Jerusalenpi, Judá llactapi causaccunaman jatun llaquita cachagrini. Maijanpish chaita uyacca ishcai ringritatacmi nanachinga.

SALMOS 58:7

Tallishca yacu shina chingarichun. Paicunapac flechacunata shitacpipish, caspi puntallapitac ñuturichun.

ÉXODO 15:15

Edom llactata mandaccunaca yuyai illacmi tucunga. Sinchi Moab gentecunapish manchaihuan chucchungami. Canaanpi causaccunaca mancharishpami imata mana ruhuai pudinga.

ISAÍAS 13:7

Chaimantami tucuipac maquicuna irquiyanga. Tucuipac shungucunami huañunalla tucunga.

ISAÍAS 28:19

Chai llaquicunami tucui tutamantacuna, chishicuna, tucui punzhacuna pasanga. Chai shamucta uyashpallami manchashpa urmanguichic.

ISAÍAS 35:3

Irquiyashca maquicunatapish, mucucunatapish sinchiyachichic.

ISAÍAS 7:2

Chaita Davidpac huahua huahuapura Acazman huillangapac shamushpaca: «Siria llactapi causaccunaca Efrainpac llactahuan tandanacushpami canhuan macanacungapac shamushca» nirca. Chashna nicpimi, jatun mandac Acazpac shungupish, Jerusalenpi causaccunapac shungupish huairahuan sachacuna caiman chaiman cuyuric shina chucchurca.

JEREMÍAS 26:12

Shina nicpi, Jeremías chai mandaccunata, tucui gentecunata rimashpaca: «Mandac Diosmi cai huasita, cai gentecunata llaquichinata huillachun cacharca. Pai huillachun cachashcatami cancunaman huillarcani.

JEREMÍAS 49:23

Mandac Dios Damascota llaquichinamanta huillashpaca: «Hamat, Arfad llactacunapi causaccunaca mana alli huillaita uyashpami yallita llaquirirca. Mama cucha chaupipi cac shinami, yalli llaquihuan shuc ratollapish mana samarincuna.

JEREMÍAS 50:43

Babilonia llactata jatun mandac chaita uyashpaca chucchushpami saquirirca. Yallita llaquirishpami, sajuarina nanai huarmita japic shina tucurca.

JEREMÍAS 8:18

Cai yalli llaquimi ñitimucun. Ñuca shungupish chiriyanmi.

LAMENTACIONES 5:17

Chaimantami ñucanchic shungupish chiriyashca. Ñucanchic ñahuipish amsayashcami.

EZEQUIEL 20:49

Shina nicpimi ñucaca: «¡Mandac Dioslla! Paicunaca ñucataca: “Cai runaca chimbapurashca parlocunallatami parlashpa purin” nincunami» nircani.

EZEQUIEL 21:15

Shungupi yallita mancharichun, huañuicunapish ashtahuan mirachunmi, chai manchana espadataca tucui paicunapac pungucunapi churarcani. ¡Tucuchingapacmi jagan nicun, huañuchingapacmi allichishca tiyacun!

EZEQUIEL 21:6

Huañunalla runa, shungupi llaquirishpa, paicunapac ñaupapi llaquillata huacai.

EZEQUIEL 21:8

Mandac Dios ñucata rimashpaca:

EZEQUIEL 22:14

Ñuca llaquichi punzhapica, ¿cambac shungupish, maquipish fuerzata charinguichu? Mandac Dios ñucami nini. Chaitaca pactachishatacmi.

EZEQUIEL 24:19

Chaimantami gentecunaca: —Can chashna ruhuashpaca, ¿imatatac ningui? Chaita ñucanchicman huillai— nirca.

EZEQUIEL 6:2

«Huañunalla runa, Israel llacta urcucunata ricushpa, llaquichina cashcata huillai.

EZEQUIEL 7:17

Tucuipac maquimi fuerza illac tucunga. Changa mucucunapish yacu shina chucchunga.

EZEQUIEL 7:26

Jatun llaquicunaca catipi, catipimi shamunga. Llaqui huillaccunapish catipi catipimi uyaringa. Ñuca ima nishcata huillactapish yangami mashcanga. Curacunapish mandashcacunata ña mana yachachingachu. Pushac yuyaccunapish mana cunangachu.

DANIEL 5:6

Chaita ricushpami, jatun mandacca yallita mancharishpa ñahuipish irquiyashpa musparishca saquirirca. Paipac siqui tullucunapish chururic shina tucushpami, mucucunapish paicunapura huactarinacucurca.

LEVÍTICO 26:36

Cancunapuramanta saquiriccunaca piñaccunapac llactapimi causanga. Paicunapac shungupi ñuca manchaita churacpimi, shuc yurapi panga huairahuan cuyuricllapipish manchaihuan callpanga. Espadahuan huañuchingapac caticucpi shinami, manapish pi caticucpi, callpashpa urmanga.

NAHÚM 2:10

¡Tucuita tucuchishca, shitashca pamba shinami saquirishca! Shungupipish huañunalla shinami tucushca. Changacunapish chucchunmi, lomotapish nanachinmi, ñahuipish quilluyashcami.

SAN LUCAS 21:26

Cai pachapi yalli llaquicuna catipi shamucpi, jahua cielopi tiyaccunapish chucchucpimi, gentecunaca yallita mancharishpa, yuyaita chingachinga.

DEUTERONOMIO 20:8

Cutinllatac quipa mandaccuna israelcunata rimashpaca: “¿Cancunapurapi maijantac manchaihuan, mana cashpaca shaicushca shina canguichic? Chashna cashpaca, huasiman cutichiclla. Pacta shuccunatapish manchaipi churanman” nirca.

HEBREOS 12:12

Chaimanta shaicushca rigracunatapish, mucucunatapish cuyuchic shina sinchiyaichic.

JOSUÉ 5:1

Jordán yacu chimba lado, inti tigrana ladoman causac amorreocunata jatun mandaccunapish, mama cucha ladopi causacuc cananeocunata jatun mandaccunapish, Jordán yacuta israelcuna pasachun Mandac Dios ima shina chaquichishcata yacharcacunami. Chaimantami paicunapac shungupi yallita manchaihuan israelcunapac ñaupapica shaicushca shina tucurcacuna.

JOSUÉ 7:5

Hai pueblopi causaccunaca israelcunataca quimsa chunga sucta runacunatami huañuchirca. Chashnami chai pueblo pungumanta Sebarím pambacaman catishpa, chai urai rina ñanpi macashpa atirca. Chaimantami israelcunaca chucchushpa, yallita mancharca.

1 PEDRO 4:7

Tucui ima tiyashcacuna tucurina punzhaca ña chayamucunmi. Chaimanta cancunaca alli yuyaihuan mana shaicushpa, Diosta mañaracuichiclla.