EZEQUIEL 21:6 - Dios Rimashcata Quillcashcami

⁶ Huañunalla runa, shungupi llaquirishpa, paicunapac ñaupapi llaquillata huacai.

EZEQUIEL 21:6 ပူးပေါင်းရင်းမြစ်များ

ISAÍAS 16:11

Moab llactapi causaccunamantaca ñuca shunguca arpa huacac shinami llaquilla tucun. Kir-haresetpi causaccunamantaca tucui shunguhuanmi huacani.

ISAÍAS 21:3

Chaimantami ñuca huashaca nanacun. Shuc huarmita sajuarina nanai japic shinami llaqui japirca. Yallita llaquilla cashpami, mana uyai pudini. Yallita manchaihuan cashpami mana ricui pudini.

ISAÍAS 22:4

Chaimantami ñucaca: «Yallita caparishpa huacangapac ñucamanta caruyai. Ñuca llactapi causaccunapac llaquimanta huacacpi, ama cushichinguichicchu» nircani.

JEREMÍAS 19:10

Chai quipaca canhuan ric yuyaccuna ricucucpi, chai puñutaca paquingui.

JEREMÍAS 30:6

Tapunacuichic. ¿Shuc carica huahuata sajuarinchu? Ñucaca, ¿imamantatac caricuna sajuarina nanaihuan cac huarmi shina, cinturata maquihuan japirishpa, ñahuicunapish yuracyashpa, shayacucta ricurcani?

JEREMÍAS 4:19

Shina nicpimi Jeremiasca: «¡Aij, ñuca shungulla, ñuca shungulla! Ñuca shunguca nanaihuan pitirigrinmi. Ñuca shunguca yallitami saltacun. Jatun macanacuita huillac cornetapi tocashcatapish, yallita caparishcatapish uyashpaca, ¡ima shinatac upalla cashayari!

EZEQUIEL 21:12

Huañunalla runa, yallita caparishpa huacaiyari. Chai espadaca ñuca acllashcacunatapish, Tucui Israel llactata mandaccunatapish llaquichingapacmi tiyacun. Chaihuanmi mandaccunatapish, ñuca acllashcacunatapish espadahuanmi huañuchinga. Chaimanta cambac changata huactariyari.

EZEQUIEL 21:5

Chaimantami tucui gentecunaca ñucallatac espada llucchishcata yachangacuna. Chai espadataca mana cutin huacaichishachu” ninmi ningui.

EZEQUIEL 21:7

Chashna huacacpi: “¿Imamantatac huacacungui?” nicpica: “Jatun llaquimi tiyagrin. Chai llaqui shamucpica, maquicunapish fuerza illacmi saquiringa. Mucucunapish yacu shinami chucchunga. Pipish imata mana ruhuai pudingachu” ningui. ¡Chai llaquica ñami chayamugrin! Chaitaca Mandac Dios ñucami nini» nirca.

EZEQUIEL 32:18

«Huañunalla runa, ¡Egipto llactapi causaccuna llaqui tucunamanta llaquipi cantana cantota cantai! Paicunatapish, sinchi llactacunapi causac huarmicunatapish, huañushcacunahuan pacta Seolman cachai.

EZEQUIEL 37:20

Can quillcashca caspicunata paicunapac ñaupapi cambac maquihuan japishpa:

EZEQUIEL 4:12

Chai cebada tandataca tucuipac ricuipi mapata rupachishpa, cusashpa micungui» nirca.

EZEQUIEL 6:11

Mandac Diosca: «Maquicunahuan huactarishpa, chaquihuanca tacarishpa: “Cai tucui millaita ruhuac israelcunaca, ¡Aij, imachari tucunga! ¡Paicunaca jatun macanacuipi yarcaihuan, ungüicunahuanmi huañunga!

EZEQUIEL 9:4

Mandac Diosca chai runataca: «Jerusalén chaupita rishpa, millaita ruhuashcamanta llaquirishpa, caparishpa huacacuccunapac frentepi shuc señalta churai» nirca.

DANIEL 5:6

Chaita ricushpami, jatun mandacca yallita mancharishpa ñahuipish irquiyashpa musparishca saquirirca. Paipac siqui tullucunapish chururic shina tucushpami, mucucunapish paicunapura huactarinacucurca.

DANIEL 8:27

Daniel ñucaca yallita irquiyashpami, maijan punzhacunata ungushca carcani. Ña alliyashpaca jatun mandacpac ima ruhuaicunatami ruhuashpa catircani. Ñuca muscuipi shina ricurishcata yuyarishpa manchaihuanmi carcani, pi chaimanta huillacca mana tiyarcachu.

NAHÚM 2:10

¡Tucuita tucuchishca, shitashca pamba shinami saquirishca! Shungupipish huañunalla shinami tucushca. Changacunapish chucchunmi, lomotapish nanachinmi, ñahuipish quilluyashcami.

HABACUC 3:16

Chaita uyashpaca, ñuca shungu mancharcami. Rimacta uyashpaca, ñuca shimipish chucchurcami. Ñuca tullucunapish ismucuc shinami tucurca. Ñuca changacunapish chucchucurcami. Chashna cashpapish ñucanchicta llaquichiccunata llaquichi punzhatami ñucaca casilla shuyacuni.