EZEQUIEL 21:12 - Dios Rimashcata Quillcashcami

¹² Huañunalla runa, yallita caparishpa huacaiyari. Chai espadaca ñuca acllashcacunatapish, Tucui Israel llactata mandaccunatapish llaquichingapacmi tiyacun. Chaihuanmi mandaccunatapish, ñuca acllashcacunatapish espadahuanmi huañuchinga. Chaimanta cambac changata huactariyari.

EZEQUIEL 21:12 ပူးပေါင်းရင်းမြစ်များ

ISAÍAS 13:7

Chaimantami tucuipac maquicuna irquiyanga. Tucuipac shungucunami huañunalla tucunga.

JEREMÍAS 25:34

¡Michiccuna yallita llaquirishpa huacaichicyari! ¡Achca ovejacunata shina, sinchita mandaccuna, llaquirishpa ñuto allpapi singüichicyari! Chaica, cunan punzhami cancunapac cungata pitinapish, caita chaita cachanapish pactashca. Sumac vasota paquic shinami tucuchinga.

JEREMÍAS 31:12

Paicunaca Sión urcuman rishpami, yallita cushicushpa cantanga. Ñuca bendiciashca micunata, vinota, aceiteta, ovejacunata japingapacmi callpamunga. Paicunaca parcurishca huerta shinami cushilla causanga. Jaicapi ima llaqui mana tucungachu.

JEREMÍAS 31:19

Canmanta caruyashca quipaca yallitami llaquirini. Ñucaca mana allita ruhuashcata yuyarishpami shungupi huactarircani. Huambrarac cashpa juchata ruhuashcamantami yallita pingaihuan cani. Chaitaca manatac cungarishachu” nishpa, huacactami uyarcani.

EZEQUIEL 21:11

Chai espadataca huañuchicpac maquipi churangapacmi alli mulashpa, jagan nicucta ruhuarca” ninmi ningui.

EZEQUIEL 21:13

Ñucami chai llactapi causaccuna ima shina cashcata ricuni. ¿Chai espadachu mandana varata mana ricunayachin? Chaitaca Mandac Dios ñucami nini.

EZEQUIEL 21:14

Huañunalla runa, chai espadaca ishcai cutin, quimsa cutincamanmi llaquichinga. Chai espadami tucuita huañuchishpa pasanga. Chaimanta maquita huactashpa huillaiyari.

EZEQUIEL 21:25

Israel llactata mandaclla, canca millai runami cangui. Canta llaquichishpa tucuchina punzhaca ñami pactashca.

EZEQUIEL 21:6

Huañunalla runa, shungupi llaquirishpa, paicunapac ñaupapi llaquillata huacai.

EZEQUIEL 22:6

Riquichic, Israel llacta mandaccunaca ‘mandacmi cani’ nishpami huañuchishpa, yahuarta jichancuna.

EZEQUIEL 30:2

«Huañunalla runa, ñuca rimashcata huillashpa: “Mandac Diosca: Llaquirishpa: ‘¡Mandac Dios llaquichi punzhapica, imachari tucushun’ nishpa huacaichicyari!

EZEQUIEL 6:11

Mandac Diosca: «Maquicunahuan huactarishpa, chaquihuanca tacarishpa: “Cai tucui millaita ruhuac israelcunaca, ¡Aij, imachari tucunga! ¡Paicunaca jatun macanacuipi yarcaihuan, ungüicunahuanmi huañunga!

EZEQUIEL 7:17

Tucuipac maquimi fuerza illac tucunga. Changa mucucunapish yacu shina chucchunga.

EZEQUIEL 9:8

Chai runacuna tucuita huañuchicucpica, ñucallami saquirircani. Chaimantami ñucaca pambacaman cumurishpa: «Ñucata Mandac Dioslla, can yallita piñarishpa, Jerusalenta llaquichicushpaca, chaipi causac saquirishca israelcunatapish, ¿tucuitachu chingachigringui?» nishpa mañarcani.

JOEL 1:13

¡Curacunalla, sharpa churanata churarishpa huacaichicyari! ¡Altarpi serviccunalla, llaquillata huacaichicyari! Mandac Diosta serviccunalla, sharpa churanata churarishpa, sueñungapac shamuichicyari. Mandac Diospac huasimantaca ofrendatapish, tallina vinotapish anchuchishcami.

JOEL 2:1

Mandac Diosca: «¡Sión urcupi cornetapi tocashpa, caparishpa huillaichicyari!» ninmi. Mandac Dios llaquichina punzhami pactamun. ¡Tucui cai pachapi causaccunapish chucchuichicyari!

MIQUEAS 1:8

Chai tucui llaquicunamantami huacashpa churanacuna illac, lluchu chaquilla purisha. Chacal, avestruz animal shinami, caparishpa huacasha.