EZEQUIEL 20:7 - Dios Rimashcata Quillcashcami

⁷ Chai ruhuashcalla dioscunata cancunapac ñaupamanta anchuchichic. Egiptopi tiyac ruhuashcalla dioscunahuan ama mapayaichicchu. Ñucami cancunata Mandac Dios cani nircani.

EZEQUIEL 20:7 ပူးပေါင်းရင်းမြစ်များ

2 CRÓNICAS 15:8

Obedpac churi Azarías Dios ima nishcata huillashcata Asa uyashpaca, ashtahuan sinchi tucushpami, millana yanga dioscunata tucui Judá llactamanta, Benjamín llactamanta anchuchirca. Shinallatac Efraín urcucunapi tiyac pai quichushca pueblocunamantapish chingachircami. Shina ruhuashpami Mandac Diospac pungu ñaupapi tiyac Diospac altartapish allichirca.

ÉXODO 16:12

—Ñucaca israelcuna rimarishcata uyarcanimi. Chaimanta paicunataca: “Cunan chishica aichata, tutamantaca tandatami huicsa pactata micunguichic. Chashnami ñucataca cancunata Mandac Dios cashcata yachanguichic” ninmi ningui— nirca.

ÉXODO 20:2

«Ñucaca Mandac Diosmi cani. Ñucami cancunataca Egipto llactapi huatashca shina llaquita causacushcamanta llucchircani.

ÉXODO 20:4

Jahua pachapi, cai pachapi, yacu ucupi, allpa ucupi tiyaccunaman ricchacunatapish ama ruhuanguichu.

ÉXODO 20:5

Chaicunapac ñaupapica ama cumuringuichu, ama servinguichu. Ñucaca cancunata Mandac Diosmi cani. Shuctac diosta charichunca manatac munanichu. Taitacuna ñucata piñashpa, millaita ruhuashcamantaca paicunapac huahuacunacaman, nietocunacaman shinallatac bisnietocunacamanmi llaquichisha.

ÉXODO 22:20

Maijanpish Mandac Diosman animalcunata huañuchishpa, mana cushpa, shuctac dioscunaman cucca huañunami can.

ISAÍAS 31:7

Chai punzhapica cullquimanta, curimanta ruhuashca dioscunatapish yanga shitangami. Chaicunataca cancunami juchayuc quiquin maquihuan ruhuarcanguichic.

EZEQUIEL 14:6

Chaimanta canca: “Israelcunata Mandac Diosca: Cancunapac ruhuashcalla dioscunata saquishpa, ñucapacman cutimuichic. Cai tucui millanacunata ruhuashcataca ama ashtahuan ricuichicchu.

EZEQUIEL 18:15

lomacunapi tiyac altarcunapi mana micushpa, israelcuna ruhuashca dioscunata mana adorashpa, shucpac huarmita mana japirishpa,

EZEQUIEL 18:31

Juchacunata ruhuashpa, ñucata llaquichishcata yuyarishpa shungutapish, yuyaitapish mushucyachichic. Israelcunalla, ¿imamantatac huañunguichicyari?

EZEQUIEL 18:6

lomacunapi tiyac altar ladopi mana micun. Israelcuna ruhuashca dioscunatapish mana mañanchu, shucpac huarmita mana japirinchu, quilla ungüihuan cac huarmipipish mana chayarinchu.

EZEQUIEL 20:19

Ñucami Mandac Dios cani. Cancunaca, ñuca mandashcacunatapish, imata ruhuachun nishcacunatapish pactachishpa causaichic.

EZEQUIEL 20:8

Ashtahuanpish paicunaca ñucata mana cazushpami piñachirca. Ruhuashcalla dioscunataca paicunapac ñaupamanta mana anchuchisha nircachu. Egiptopi tiyac ruhuashcalla dioscunatapish mana saquircachu. Chaimantami Egipto llactapi paicunata llaquichishpa, ñuca piñarishcataca pasachinata munarcani.

EZEQUIEL 23:3

Paicunaca huambramanta pachami Egipto llactapi huainayarca. Chaipimi pi mana japirishca chuchutapish japirichun saquirca.

EZEQUIEL 23:7

Paicunahuanmi huainayashpa, mana allita ruhuarca. Paicunaca Asiria llactamanta ashtahuan acllashca runacunami carca. Shinallatac paicunapac ruhuashcalla dioscunata adorashpami mapayarca.

EZEQUIEL 23:8

Egiptopi huainayanata callarishcataca manatac saquircachu. Paihuanca huambramanta pachami huainayarca. Paipac chuchuta japirishpami yallita munarirca.

EZEQUIEL 34:24

Ñucaca paicunapac Diosmi casha. Ñucata servic Davidca paicunata mandacmi canga. Chaitaca Mandac Dios ñucami nini.

EZEQUIEL 6:9

Cancunapuramanta mana huañushpa saquiriccunaca shuctac llactacunapi prezu causacushpami, paicunapac shungupi huainayac shina, ruhuashcalla dioscunata paicunapac shungupi munashpa, ñucamanta anchuringa. Chaimantami ñuca ima shina llaquichishcata yuyaringa. Paicuna millana juchacunata ruhuashcata yuyarishpaca, yallita pingangami.

LEVÍTICO 11:44

Ñucaca cancunata Mandac, jucha illac Diosmi cani. Chaimanta cancunapish jucha illac caichic. Pambata aisarishpa puric animalcunata micushpa ama mapayanguichicchu.

LEVÍTICO 17:7

Chashnami mana ashtahuan chivoman riccha dioscunaman animalta cunga. Chai dioscunata servishpami huainayarca. Israelcunaca cai mandashcacunatami huiñaita huahua huahuacunapish pactachishpa causana can” ningui.

LEVÍTICO 18:2

«Israelcunataca: “Ñucami cancunata Mandac Dios cani.

LEVÍTICO 18:3

Cancuna causashca Egiptopi causaccuna shina, shinallatac cancuna causagricushca Canaán llactapi causaccuna shina, ama ruhuanguichicchu. Ama paicunapac mandashcacunata catinguichicchu.

LEVÍTICO 20:7

Ñucaca cancunata Mandac jucha illac Diosmi cani. Chaimanta cancunapish ñucapaclla tucushpa, jucha illac caichic.

JOSUÉ 24:14

Shinallatac Josueca: «Cancunaca Mandac Diosta manchaichic, ima mana allitapish ama ruhuanguichicchu. Tucui munaihuan paita servishpa causanguichic. Cancunapac chaupimanta, cancunapac ñaupa taitacuna jatun yacu chimba ladopi causashpa servishca dioscunata, Egiptopi causashpa servishca dioscunata anchuchinguichic. Shina anchuchishpami, Mandac Diosta servishpa causana canguichic.