EZEQUIEL 20:34 - Dios Rimashcata Quillcashcami

³⁴ Ñuca yallita piñarishpami, ñuca poderhuan caimanta, chaimanta llucchimusha. Mai llacta chaupimanta, shuctac gentecunapac chaupimantami llucchimusha.

EZEQUIEL 20:34 ပူးပေါင်းရင်းမြစ်များ

SALMOS 107:3

Paicunataca tucui llactamanta, inti llucshina ladomanta, inti tigrana ladomanta, jahua ladomanta, ura ladomantami tandachimurca.

ISAÍAS 31:3

Egipto runacunaca mana dioscunachu. Paicunapac caballocunapish aichallami, mana espirituchu. Mandac Dios maquita alzacpica, ayudaccunapish, ayudachun mañaccunapish tucuimi urmashpa tucuringa.

JEREMÍAS 31:8

Ñucaca jahua lado llactamanta, shinallatac tucui cai pacha tucuri llactamantami tandachisha. Chashna tandachicpimi, ñahui mana ricuccunapish, suchucunapish, huicsayuc huarmicunapish, llullu huahuayuc huarmicunapish caiman cutin tandanacumunga.

JEREMÍAS 32:37

ñucami nina japiric shina yallita piñarishpa, mana ricusha nishpa, llucchishpa cacharcani. Cunanca paicunataca tucui llactacunamantami cutinllatac tandachimusha. Shina tandachishpami, cai llactapica imatapish mana manchashpa causachun churasha.

JEREMÍAS 42:18

Israelcunapac tucuita Mandac Diosca: Ima shinami ñuca nina japiric shina piñarishpa Jerusalenpi causaccunata yallita llaquichircani, chashnallatacmi Egipto llactaman riccunatapish llaquichisha. Chaipimi cancunaca mana alli nishcapish, pingaichishcapish, tucuipac mancharinapish causanguichic. Cai llactataca mana cutin ricunguichicchu ninmi.

JEREMÍAS 44:6

Chaimantami nina japiric shina piñarishpa, Judá llactacunapipish, Jerusalén callecunapipish rupachic shina llaquichircani. Chai llactacunaca cunan punzhacamanmi tucuchishca, shitashca pamba siricun» ninmi.

LAMENTACIONES 2:4

Piñac runa shinami, paipac arcocunata cacharirca. Sumac tiyashcacunataca paipac alli maquihuanmi mana ricunayachic runa shina tucuchirca. Nina japiric shina piñarishpami, Sionpi tiyac carpa huasicunataca llaquichirca.

EZEQUIEL 11:17

Chaimanta canca: “Mandac Diosca: Caita, chaita rishpa, causacucpimi, chai llactacunamanta tandachishpa, Israel llactata cusha.

EZEQUIEL 20:38

Chashnami cancunapuramantaca ñucata mana cazushpa cariyaccunata anchuchisha. Paicunaca mana Israel llactamanca yaicungacunachu. Shina ruhuacpimi, ñucataca Mandac Dios cashcata yachanguichic.

EZEQUIEL 34:16

Caita, chaita rishcacunatapish, chingarishca ovejacunatapish ñucallatacmi mashcashpa corralman cutichimusha. Chaqui paquicunataca huatachishami, irquiyashcacunataca sinchiyachishami. Ashtahuanpish huira ovejacunataca tucuchishami. Ñucaca cashcata ruhuashpami michisha.

EZEQUIEL 6:14

Ñucaca llaquichishpami paicuna causana llactatapish, ura ladopi cac shitashca pambamanta jahua Diblat llactacaman tucuchisha. Chashna ruhuacta ricushpami, ñucataca Mandac Dios cashcata yachangacuna» nirca.