EZEQUIEL 20:30 - Dios Rimashcata Quillcashcami

³⁰ Canca israelcunataca: “Mandac Diosca: ¿Cancunapish cancunapac taitacuna shinachu, mana allita ruhuashpa, ruhuashcalla dioscunata catishpa huainayanguichic?

EZEQUIEL 20:30 ပူးပေါင်းရင်းမြစ်များ

2 CRÓNICAS 30:7

Ama cancunapac taitacuna, huauquicuna shina caichicchu. Paicunaca paicunapac ñaupa taitacunata Mandac Diosta mana cazushcamantami paicunataca cancuna ricushca shinallatac llaquinayaita tucuchirca.

SALMOS 106:39

Chashnami paicunaca mana allita ruhuashpa mapayarcacuna. Chai ruhuashcacunahuanmi huainayashca shina tucurcacuna.

JEREMÍAS 16:12

Cancunacarin ñaupa taitacunatapish yalli ashtahuan mana allicunatami ruhuashcanguichic. Tucui cancunami ñuca nishcata mana uyashpa, cancunapac shungu munashcata ruhuashpa causacunguichic.

JEREMÍAS 7:26

Shina cachacpipish, mana uyarcacunachu. Ashtahuanpish paicunapac taitacunata yalli sinchi shungu tucushpami, mana allita ruhuarca.

JEREMÍAS 7:9

Cancunaca huañuchishpa, shuhuashpa, huainayashpa, yanga ari nishpa, Baal dioscunaman inciensota cushnichishpa, mana ricsishca shuctac dioscunata catishpami causanguichic.

JEREMÍAS 9:14

Chaipac randica, paicunapac taitacuna yachachishca shinallatacmi Baal dioscunata catishpa, shungu munashcata ruhuashpa causarca.

EZEQUIEL 2:3

Chaipi rimarishpaca: «Huañunalla runa, ñucami cantaca israelcunapacman cachani. Paicunaca ñucata mana cazushpami cariyarcacuna. Paicunapish, paicunapac taitacunapish cunan punzhacamanmi mana cazushpa causancuna.

EZEQUIEL 20:26

Tucui punta churicunata yanga dioscunaman rupachichun saquishpami, chai rupachishcacunatapish, paicunatapish mapayachircani. Ñucaca Mandac Dios cashcata yachachunmi chashna ruhuarcani” ninmi.

EZEQUIEL 20:29

Chaimantami ñucaca: ¿Imapactac lomacunapi tiyac altarcunaman ringuichic? nircani. Chai altarcunataca cunan punzhacamanmi ‘Bamah’ nishpa, cayancuna” ninmi ningui.

NÚMEROS 32:14

Cunan cancunapish millaita ruhuac juchayuc taitacunapac churicuna cashpami, ashtahuan Dios-huan israelcunahuan piñanacuchishcanguichic.

SAN MATEO 23:32

¡Cancunapac ñaupa taitacuna ruhuai callarishcataca tucuchichicyari!

HECHOS 7:51

Rumi shungu gentecuna, Dios ima nishcata mana cazuccunami canguichic. Cancunapac ñaupa taitacuna shinami, Diospac Espiritutapish mana cazunguichic.

JUECES 2:19

Shina cacpipish, juezcuna huañucpica shucta dioscunata adorangapac rishpami paicunapac ñaupa taitacunata atishpa ashtahuan millai tucurca. Chashna mana allita ruhuanapi yacharishca cashcamantami millaita ruhuanata manatac saquirca.