EZEQUIEL 20:1 - Dios Rimashcata Quillcashcami

¹ Canchis huata, pichca quilla, chunga punzhapimi israelcunata pushac yuyaccuna Mandac Diosman tapungapac shamushpa, ñuca ñaupapi tiyarirca.

EZEQUIEL 20:1 ပူးပေါင်းရင်းမြစ်များ

2 REYES 3:13

Chaipimi Eliseoca Israel llactata jatun mandactaca: —¿Ñucaca canhuanca imatatac ricuna charini? ¡Cambac taita mamapac huillaccunapacman rilla!— nirca. Shina nicpipish, Israel llactata jatun mandacca: —Mana rishachu. Mandac Diosmi cai quimsa jatun mandaccunataca moabitacunapac maquipi churangapac tandachishca— nirca.

2 REYES 6:32

Jatun mandac shuc runata Eliseopacman cachacpica, paica paipac huasipimi yuyac runacunahuan carca. Ashtahuanpish, huillangapac shamuc runa manarac chayamucpimi, Eliseoca yuyac runacunataca: —Huañuchic runaca ñuca umata pitichunmi cachashca. Chai huillangapac shamuc runa shamucpica, punguta huichcashpa, ama yaicuchinguichu. Paipac amopish paipac huashatami sarushca uyarishpa shamucun— nirca.

ISAÍAS 29:13

Chaimantami Mandac Diosca: «Cai gentecunaca shimillahuanmi ñucataca mañan. Jahua shimillahuanmi alli nincuna. Ashtahuanpish paicunapac shunguca ñucamanta carupimi. Shinallatac runacuna yachachishcata catishcallamantami ñucataca manchan.

ISAÍAS 58:2

Paicunaca cashcata ruhuashpa causac shina, ñuca mandashcacunata cazushpa causac shinami, punzhanta ñucata mashcashpa, ñucamanta yachanata munan. Paicunaca cashcata ruhuashpa ricuchichunmi mañan. Shinallatac Diospacmanmi cuchuyanata munan.

JEREMÍAS 21:2

«Babilonia llactata jatun mandac Nabuconodosormi ñucanchic-huan macanacungapac shamushca. Chaimanta cunan, Mandac Diosta ñucanchicmanta tapuiyari. Chai jatun mandac ñucanchicmanta anchurichun, Diosca jatun poderta charishcamanta imapish mancharinacunata ruhuangapishchari» nirca. Chashna cachacpimi, Mandac Diosca Jeremiasta rimarca.

JEREMÍAS 37:17

Jatun mandac Sedequías Jeremiasta carcelmanta llucchimushpa, paipac huasipi pacalla tapushpaca: —¿Mandac Dios ima nishcata chasquircanguichu?— nirca. Shina tapucpimi Jeremiasca: —Ari, chasquircanimi. Babilonia llactata jatun mandacpac maquipimi churashca cagringui— nirca.

EZEQUIEL 1:2

Jatun mandac Joaquinta prezu apashcaca ñami pichca huata, pichca quilla tucurca.

EZEQUIEL 20:2

Chaipimi Mandac Dios ñucata rimashpaca:

EZEQUIEL 24:1

Iscun huata, chunga quilla, chunga punzhapi Mandac Dios ñucata rimashpaca:

EZEQUIEL 26:1

Chunga shuc huata, callari quilla, punta punzhapi Mandac Dios ñucata rimashpaca:

EZEQUIEL 29:1

Chunga huata, chunga quilla, chunga ishcai punzhapi Mandac Dios ñucata rimashpaca:

EZEQUIEL 29:17

Ishcai chunga canchis huata, callari quilla, callari punzhapi Mandac Dios ñucata rimashpaca:

EZEQUIEL 30:20

Chunga shuc huata, callari quilla, canchis punzhapi Mandac Dios ñucata rimashpaca:

EZEQUIEL 31:1

Chunga shuc huata, quimsa quilla, punta punzhapi Mandac Dios ñucata rimashpaca:

EZEQUIEL 32:1

Chunga ishcai huata, chunga ishcai quilla, callari punzhapi Mandac Dios ñucata rimashpaca:

EZEQUIEL 40:1

Babiloniapi ishcai chunga pichca huatata prezu cacpi, huata callari quilla, chunga punzhapimi Mandac Diosca ñucata sinchiyachishpa, israelcunapac llactaman pusharca. Jerusalenta quichushcapish, ñami chunga chuscu huata carca.

EZEQUIEL 8:1

Sucta huata, sucta quilla, pichca punzhapimi ñucaca huasipi tiyacurcani. Judá llactamanta pushac yuyaccunapish ñuca ñaupapimi tiyacurca. Chaipi tiyacucpimi, Mandac Diosca cungailla rimarca.

EZEQUIEL 8:11

Chaicunapac ñaupapica israelcunapuramanta canchis chunga pushac yuyaccunami carca. Chai pushac yuyaccunapac chaupipica Safanpac churi Jazaniasmi shayacurca. Tucui paicunami quiquin maquipi inciensota rupachinata charicurca. Shinallatac incienso cushnica puyu shinami jahuata ricurca.

SAN MATEO 22:16

Chashna yuyarishpami, paicunapac yachacuccunatapish, mandac Herodespac runacunatapish tapuchun cacharca. Shina cachacpi, paicuna rishpaca: —Yachachic, canca imapish cashcallatami yachachingui. Dios munashca shina causachunmi allita yachachingui. Canca mana manchashpa, mana piman tucushpami yachachingui.

SAN LUCAS 10:39

Martaca María shuti ñañatami charirca. Mariaca Jesuspac ñaupapimi yachachishcata uyashpa tiyacurca.

SAN LUCAS 2:46

Ña quimsa punzhapimi, Diosta mañana huasipi mandashcacunata yachachiccunahuan, paicunata uyashpa, tapushpa tiyacucta tarircacuna.

SAN LUCAS 8:35

Achca gentecunami ima tucushcata ricungapac Jesuspacman rirca. Paicuna chayashpaca, supaicunata llucchishca runa, alliyashpa yuyaipi Jesuspac ñaupapi tiyacuctami ricurca. Chaita ricushpaca, yallitami mancharirca.

HECHOS 22:3

«Ñucaca Cilicia llacta Tarso pueblopi huacharishca, Israel runami cani. Shina cashpapish, cai Jerusalén pueblopimi huiñarcani. Ñucataca Gamalielmi allita yachachirca. Ñaupa taitacunaman mandashcacunata tucuita pactachicmi cani. Ima shinami cunan punzhacunapi cancuna tucui shunguhuan Diosta servicunguichic, chashnatacmi ñucapish servini.