EZEQUIEL 2:5 - Dios Rimashcata Quillcashcami

⁵ Paicunaca mana cazuc gentecunami. Shina cacpipish, tucui causaipi ñucamanta shuc huillac tiyashcata yachachunca, uyachunpish, mana uyachunpish paicunaman huillanguilla.

EZEQUIEL 2:5 ပူးပေါင်းရင်းမြစ်များ

2 REYES 5:8

Diospac runa Eliseo, Israel llactata jatun mandac piñarishpa, paipac churanata lliquirishcata yachashpami, jatun mandactaca: «¿Ima nishpatac cambac churanata lliquircangui? ¡Israel llactapi Dios ima nishcata huillac runa tiyashcata yachachunca, chai runata ñucapacman cachai!» nichunmi cacharca.

JEREMÍAS 36:21

Shina huillacpimi, jatun mandacca Jehudica quillcashcata apachun cacharca. Paimi quillcac Elisamapac ucumanta apamushpa, jatun mandacmanpish, paihuan tiyacuc tucui mandaccunamanpish rezashpa uyachirca.

JEREMÍAS 42:19

Mandac Diosca Judá llactapi maijan saquirishcacunataca: Ama Egipto llactaman ringuichicchu nircami, Chaitaca cunanmi alli huillani.

EZEQUIEL 12:9

«Huañunalla runa, ¿manachu chai mana cazuc israelcunaca: “¿Imatatac ruhuacungui?” nishpa tapuncuna?

EZEQUIEL 17:12

«Chai mana cazuc gentecunataca: “Cai parlo imata nisha nishcataca, ¿manachu entendinguichic?” ningui. Paicunataca: “Riquichic, Babilonia llacta jatun mandac Jerusalenman shamushpami, jatun mandactapish, quipa mandaccunatapish Babilonia llactaman prezu aparca.

EZEQUIEL 2:7

Paicunaca mana cazuccunami, chaimanta uyachunpish, mana uyachunpish ñuca nishcataca huillacunguilla.

EZEQUIEL 24:3

Chai mana cazuc gentecunataca chimbapurashca parlohuan yachachishpa: “Mandac Diosca: Mangata nina jahuapi shayachishpa yacuta churai.

EZEQUIEL 3:19

Ashtahuanpish, ñucata mana manchac runa can rimashca jahua millaita ruhuanata mana saquishpa, mana alli causaitapish mana saquishpa, ñucaman mana tigrarishpaca, paipac juchamantami huañunga. Ashtahuanpish canca mana juchanchishcachu cangui.

EZEQUIEL 3:26

Cambac callutaca palancarapimi llutasha. Shina ruhuacpica, canca mana rimai pudishpami saquiringui. Chashnami paicuna mana cazucpipish, imata mana rimai pudingui. Paicunaca mana cazuccunami can.

EZEQUIEL 3:27

Ashtahuanpish cambac shimica ñuca rimacpimi rimanga. Chaipimi canca: “Mandac Diosca: Maijanpish uyasha niccunaca uyachun, mana uyasha niccuna ama uyachun. Paicunaca mana cazuccunami” ninmi ningui.

EZEQUIEL 33:33

Tucui cai huillashcami pactagrin. Shina pactacpimi, paicunapurapi Dios ima nishcata huillac tiyashcata yachangacuna» nirca.

EZEQUIEL 33:9

Can chai runata millaita ruhuanata saquichun rimacpipish, mana cazushpa huañushpaca, paipac juchamantami huañunga. Ashtahuanpish canca mana huañunguichu” ningui» nirca.

EZEQUIEL 44:6

Chai mana cazuc israelcunata rimashpa: “Mandac Diosca: ¡Israelcunalla, chai tucui millaicunata ruhuanata saquichic!

SAN JUAN 15:22

Ñuca mana shamushca cacpi, paicunata mana rimashca cacpica, mana juchayucchu canman carca. Ashtahuanpish cunanca paicunapac juchamantaca mana quishpiri pudincunachu.

HECHOS 13:46

Chashna rimacucpipish, Pabloca Bernabehuan manchashpami, cashna nishpa huillarca. Paicunaca: —Cancuna israelcunamanracmi, Diospac shimita huillana carcanchic. Chashna cacpipish, cancunaca mana uyashun nishpami, huiñai causaita mana chasquishun ninguichic. Chaimanta cunanllatacmi mana israelcunaman huillangapac rigrinchic.

ROMANOS 3:3

Paicunapuramanta maijancunaca mana cazurcachu. Paicuna chashna mana cazucpica, ¿Diosca pai nishcataca, mana pactachishpa saquingallachu?