EZEQUIEL 2:3 - Dios Rimashcata Quillcashcami

³ Chaipi rimarishpaca: «Huañunalla runa, ñucami cantaca israelcunapacman cachani. Paicunaca ñucata mana cazushpami cariyarcacuna. Paicunapish, paicunapac taitacunapish cunan punzhacamanmi mana cazushpa causancuna.

EZEQUIEL 2:3 ပူးပေါင်းရင်းမြစ်များ

2 REYES 17:14

Ashtahuanpish paicunaca, paicunapac ñaupa taitacuna shinallatacmi sinchi shungu tucushpa mana cazurcacuna. Chai taitacunaca paicunata Mandac Diostaca mana crircacunachu.

2 REYES 17:15

Chaimantami pactachichun cushca shimicunatapish, paicunapac ñaupa taitacunahuan ari nishcatapish, ima shina causanata yachachishcatapish, cazuchun pai mandashcatapish mana cazushpa, imapish yanga dioscunata catishpa, yanga tucurcacuna. Paicunapac llacta cuchupi causaccuna ruhuashcatami catircacuna. Mandac Diosca chai gentecunataca ama catinguichicchu nishpami mandarca.

ESDRAS 9:7

Ñucanchic ñaupa taitacuna causai punzhamanta cunan punzhacamanmi yallita juchata ruhuashpa causashcanchic. Chashna mana allita ruhuashcamantami ñucanchicpish, jatun mandaccunapish, curacunapish shuctac llacta mandaccunapac maquipi causashcanchic. Prezu apashca, espadahuan llaquichishca, ima charishcacunatapish quichushca, pingaichishcami cunan punzhacaman causanchic.

NEHEMÍAS 9:26

Ashtahuanpish paicunaca, cantaca mana cazurcacunachu, can mandashcatapish, yangata ruhuashpami, yallita piñachircacuna. Canman cuti richun nishpa, can ima nishcata huillaccunatapish huañuchircacunami, yallitami llaquichircacuna.

SALMOS 106:28

Paicunaca Baal-peor yanga diosta caticcunahuan tandanacushpami, huañushcacunaman rupachishpa cushca animal aichata micurcacuna.

ISAÍAS 30:1

Mandac Diosca: «¡Aij, ñuca yuyaita cushcata mana chasquishpa, ñucamanta anchuriccunalla! Paicunaca manapish ñuca Espíritu yuyaita cucpimi, paicunallatac ari nincuna. Chashnami yallita juchallishpa catincuna.

JEREMÍAS 1:7

Shina nicpimi, Mandac Diosca: «Ama: “Cunan huiñaillami cani” nichu. Maiman ñuca cachacpipish rilla. Ñuca imata nichun nicpipish ninguilla.

JEREMÍAS 3:25

Ñucanchicpish, ñucanchic taitacunapish, huambramanta pachami cunan punzhacaman ñucanchicta Mandac Diosta piñachishcanchic. Ashtahuanpish Mandac Diosta mana cazushpami juchata ruhuashcanchic. Chaimantami yallita llaqui tapashca shina tucushpa, yallita pingai tucushcanchic» nincunami.

JEREMÍAS 36:2

«Quillcana carata japishpa, chaipi Josías causacui punzhacunamanta cunan punzhacaman israelcunata, Judá llactapi causaccunata, shuctac llactapi causaccunata ima shina llaquichinata tucui quillcai.

JEREMÍAS 44:20

Chaimantami chaipi cac caricunatapish, huarmicunatapish, paita rimac gentecunatapish Jeremiasca:

JEREMÍAS 44:21

«Cancunapac ñaupa taitacunapish, cancunata jatun mandaccunapish, shuctac mandaccunapish, Judá llacta llactacunapi, Jerusalén ñancunapi shuctac dioscunaman inciensota rupachishcataca, ¿mandac Diosca cungarishcangachu? Mana cashpaca chaicunata ruhuashcataca, ¿manachu ricushca canga?

JEREMÍAS 7:2

«Ñucapac huasi pungupi shayarishpa: “Tucui Judá llactapi causaccuna, Mandac Diosta alli ningapac yaicuccuna pai rimashcata uyaichic.

EZEQUIEL 17:12

«Chai mana cazuc gentecunataca: “Cai parlo imata nisha nishcataca, ¿manachu entendinguichic?” ningui. Paicunataca: “Riquichic, Babilonia llacta jatun mandac Jerusalenman shamushpami, jatun mandactapish, quipa mandaccunatapish Babilonia llactaman prezu aparca.

EZEQUIEL 24:3

Chai mana cazuc gentecunataca chimbapurashca parlohuan yachachishpa: “Mandac Diosca: Mangata nina jahuapi shayachishpa yacuta churai.

EZEQUIEL 40:4

Chai runaca: «Huañunalla runa, allita ricui, shinallatac allita uyai. Ñuca imata ricuchishcataca allita yuyaringui. Cantaca ñuca ricuchishcata ricuchingapacmi caiman pushamurcani. Cai ricuchishcataca tucui israelcunaman huillangui» nirca.

AMÓS 7:15

Shina cacpipish, Mandac Diosmi ñuca huagrata michicucpi cayashpaca: “Ñuca ima nishcata ñuca acllashca israelcunaman huillagri” nirca.

MALAQUÍAS 3:7

Cancunapac ñaupa taitacuna causacui punzhamanta pachami ñuca mandashcacunata saquishpa, mana cazurcanguichic. ¡Ñucapacman cutirichic! Chashna cutiricpica, ñucapish cancunapacman cutirishami nicpipish, cancunaca: “¿Imapactac cambacman cutirishun?” nircanguichic.

NÚMEROS 20:10

Chaimantaca Moisespish, Aaronpish tucui israelcunata ñaupapi tandachishpaca: «¡Mana cazuc israelcuna uyaichic! Cancuna ubiachunca cai rumi quingraimantami yacuta llucchigrinchic» nirca.

HECHOS 7:51

Rumi shungu gentecuna, Dios ima nishcata mana cazuccunami canguichic. Cancunapac ñaupa taitacuna shinami, Diospac Espiritutapish mana cazunguichic.

ROMANOS 10:15

¿Ima shinatac mana pi cachacpica huillangacuna? Dios quillcachishcapica: «Alli huillaita huillashpa purinaca, ¡mai sumacmi!» ninmi.

DEUTERONOMIO 9:24

Ñuca ricsishca punzhamanta pachami Mandac Diosta piñachircanguichic.

DEUTERONOMIO 9:27

Canta servic Abrahamta, Isaacta, Jacobota yuyariyari. Cai gentecunapac sinchi shungutapish, canta mana cazushpa juchata ruhuashcatapish ama ricuichuyari” nirca.