EZEQUIEL 19:5 - Dios Rimashcata Quillcashcami

⁵ Unai huatacunata shuyacushpallami mamaca mana cutingachu yuyashpa, huahua leoncunamanta shuc leonta huiñachirca

EZEQUIEL 19:5 ပူးပေါင်းရင်းမြစ်များ

GÉNESIS 49:9

Ñuca huahua Judalla, canca huahua león shinami cangui. Micushpaca jatun león shinami, aicha cuchullapitac sirirircangui. Chaipica, ¿pitac chayaringayari?

2 SAMUEL 17:8

Husaica caitapish nircami: —Cambac taitapish, paipac runacunapish sinchi cashcataca canllatac yachanguimi. Cunancarin huahuacunata quichucpi, mama oso piñaric shinami canga. Chai jahuapi cambac taitaca macanacunata alli yachacmi. Chaimanta mana cunan tutaca gentecunahuan chaipi pacaricungachu.

EZEQUIEL 19:3

Huahua leoncunamantaca shuctami jatun tucungacaman huiñachirca. Chai leonmi animalcunata japinata yachacushpa, gentecunatapish micurca.

EZEQUIEL 19:4

Llactacunapi causaccunapish pai ima shina cashcataca yacharcami. Chaimantami tucllahuan japishpa Egipto llactaman cadenahuan huatashpa aparca.

EZEQUIEL 19:6

Paica jatun leoncunapac chaupipi cashpami animalcunata japinata yachacushpa, gentecunatapish micurca.