EZEQUIEL 19:12 - Dios Rimashcata Quillcashcami

¹² Shina cacpipish, piñarishpami pitishpa pambaman shitarca. Inti llucshina ladomanta huaira shamushpami, granocunataca chaquichirca. Sinchi ramacunaca chaquichircami, shinallatac ninami rupachirca.

EZEQUIEL 19:12 ပူးပေါင်းရင်းမြစ်များ

2 REYES 23:29

Jatun mandac Josías mandacui punzhacunami Egipto llactata jatun mandac Necaoca Asiria llactata jatun mandac-huan Eufrates jatun yacu ladoman rirca. Shina ricpimi, jatun mandac Josiasca paihuan tupangapac rirca. Ashtahuanpish Necaoca paita ricushcahuanmi Meguido pambapi huañuchirca.

2 REYES 23:34

Chashna ruhuashpami, Egipto llactata jatun mandac Necaoca Eliaquimta paipac taita Josiaspac randi jatun mandac cachun churarca. Eliaquimtaca Joacimtami shutichirca. Joacaztaca Egiptomanmi prezu aparca. Chaipimi paica huañurca.

2 REYES 24:6

Joacim huañushpa, paipac ñaupa taitacunahuan tandanacugricpica, paipac churi Joaquinmi paipac randi mandai callarirca.

SALMOS 52:5

Chaimantami Diosca cantaca causaita quichushpa huiñaipac chingachishpa, cambac huasi ucupuramanta anchuchinga. Cai pachapi causaccunapuramanta sapimanta llucchic shinami cantaca chingachinga.

SALMOS 80:16

Cunanca tucui rupashpa, shitashca pambamari saquirishca.

ISAÍAS 27:11

Chai ramacuna chaquicpica, paquishpami saquinga. Chaicunataca huarmicunami yantashpa rupachinga. Cai gentecunaca mana entendincunachu. Chaimantami paicunata ruhuac Diosca manatac llaquinga. Paicunata ruhuac Diosca mana llaquishpami llaquichinga.

ISAÍAS 27:8

Paicunataca mana yallita llaquichingachu. Inti llucshina ladomanta sinchi huairahuanmi caruman apanga.

JEREMÍAS 22:30

Mandac Diosca: «Cai runa ima tucunata quillcaichic. Paica, paipac tucui causaipimi shuc huahuallatapish mana charinga. Paica mana alli causangachu. Paipac huahua huahuacunamantaca pipish David mandashpa tiyarinapica mana tiyaringachu. Judá llactatapish mana mandangachu» ninmi.

JEREMÍAS 31:28

Ima shinami paicunata sapimanta pilac shina anchuchinata, urmachinata, llaquichinata, tucui chingachinata munarcani. Chashnallatacmi allichishpa shayachinata, tarpuc shina cutin callarichinata munani.

LAMENTACIONES 2:1

¡Mandac Dios yallita piñarishpami Siontaca amsayachirca! Sumac israelcunataca jahua pachamantami cai pachaman urmachirca. Pai piñarishca punzhapica paipac chaqui saruna Siontaca mana yuyarircachu.

EZEQUIEL 15:2

«Huañunalla runa, ¿uvas ramaca shuctac ramata yallichu?

EZEQUIEL 15:4

Riquichic, chai ramaca ninapi rupachingapacllami alli. Chashna puntacuna rupacpica, caspi chaupipish rupangami. Chaica, ¿imapactac valinga?

EZEQUIEL 17:10

Riqui, caipi tarpushca yuraca, ¿allichu huiñanga? Inti llucshina ladomanta huaira shamushpa huactacpica, ¿manachu anguyashpa chaquinga? ¡Verdinlla yura cashpapish, tarpushca pamballapitacmi chaquinga!” ninmi ningui» nirca.

EZEQUIEL 19:11

Chai ramaca jatun mandaccunapac varacunapacmi alli carca. Chai yura yalli jatunta huiñashpami, achca ramacunahuan tucushpa, puyucaman chayashpa, ricunalla carca.

EZEQUIEL 28:17

Canca sumac cashpami, shungupi jatun tucurcangui. Achiclla shina sumac cashpami, alli yachaitapish yangallata ruhuarcangui. Cantaca jatun mandaccunapac ñaupapi pambaman shitashpami, tucuipac asinata ruhuasha.

OSEAS 13:15

Efraín aillupurapi yuracuna shina mirarimucucpipish, Mandac Dios ñuca shitashca pambamanta shamuc rupac huaira cachashpami tucuchisha. Shinallatac tucyacuc yacupish, jundu yacupish chaquingami. Paicunapac sumac charishcacunatapish quichungami.

JONÁS 4:8

Mandac Diosca inti llucshimucpimi, yallita rupac huairata cachashpa, Jonaspac umata yalli rupachirca. Shina rupachicpimi, huañunalla tucushpaca: —¡Causanapac randica huañuimi ñucamanca ashtahuan alli!— nirca.

SAN MATEO 3:10

Hachaca ñami yura chaquipi churashca. Diosca tucui mana pucuc yurataca, sapipi pitishpami ninapi rupachinga.

SAN JUAN 15:6

Maijanpish ñucahuan mana cactaca, mana pucuc ramata shinami pitinga. Ña chaquicpica, tandashpami ninapi rupachingami.

DEUTERONOMIO 29:28

Chashna yallita piñarishpa, mana ricunayachishpami paicunataca llactamanta sapindi aisac shina, Mandac Diosca shuctac llactacunaman catishpa cachashca. Chaitami cunanca ricunguichic” ninga.

DEUTERONOMIO 32:22

Nina japiric shinami, yallita piñarishca cani. Chashna piñarishpami ucu pacha seolcaman rupachinga. Cai allpataca chaipi pucushcandimi rupachinga. Urcucunatapish sapicamanmi rupachinga.