EZEQUIEL 18:20 - Dios Rimashcata Quillcashcami

²⁰ Maijanpish quiquin juchamantami huañunga. Churica taitapac juchamantaca mana huañungachu. Shinallatac taitapish churipac juchamantaca mana huañungachu. Cashcata ruhuac runaca allitami japinga. Mana allita ruhuac runaca llaquitami apanga.

EZEQUIEL 18:20 ပူးပေါင်းရင်းမြစ်များ

1 REYES 14:13

Paitaca tucui israelcunami llaquirishpa, huacashpa enterrangacuna. Jeroboampac huahua huahuacunamantaca paillami israelcunata Mandac Diospac ñaupapica alli ricurishca. Chaimantami chai huasi ucupuramantaca paillatac enterrangacuna.

1 REYES 8:32

jahua pachapi uyashpa, canta serviccuna imata ruhuana cashcata ricuchingui. Canta mana manchactaca pai mana allita ruhuashca shinallatac paipac jahuapi llaquita churangui. Cashcata ruhuactaca imatapish cashcata ruhuashcamantami, allicunata japina cashcata cungui.

2 REYES 14:6

Ashtahuanpish Moisés mandashpa, quillcashca shinallatacmi chai huañuchiccunapac churicunataca mana huañuchirca. Mandac Diosca Moisestaca: «Churicunapac juchacunamantaca mana taitacuna huañungachu. Shinallatac taitacunapac juchacunamantapish mana churicuna huañungachu. Ashtahuanpish maijan cashpapish quiquin juchamantami huañunga» nishpa mandarca.

2 CRÓNICAS 25:4

Ashtahuanpish Moisés mandashpa quillcashca shinallatacmi paicunapac churicunataca mana huañuchirca. Chaipica, Mandac Dios Moisesta rimashpaca: «Taitacunaca mana churicunapac juchamanta huañungachu. Shinallatac churicunaca mana taitacunapac juchamanta huañungachu. Ashtahuanpish maijan cashpapish paipac quiquin juchamantami huañunga» nishcami carca.

2 CRÓNICAS 6:23

jahua pachapi uyashpa, canta serviccunataca imata ruhuana cashcata ruhuanguiyari. Canta mana manchactaca pai mana allita ruhuashca shinallatac, paimanca llaquita japina cashcata cungui. Cashcata ruhuactaca imatapish cashcata ruhuashcamantami, chashna allicunata japina cashcata cungui.

2 CRÓNICAS 6:30

Shina mañacpica, can causana jahua pachapi uyashpami, paicunapac juchacunata perdonangui. Shina Perdonashpaca, paicuna imata ruhuashpa causashca shinallatac cungui. Gentecunapac shungutaca canllami ricsingui.

ÉXODO 32:33

Shina nicpimi, Mandac Diosca Moisestaca: —Maijanpish juchallishpa piñachiccunatami ñuca libromantaca anchuchisha.

ISAÍAS 53:11

Paica, pai llaquita apashcaca mana yanga cashcata ricushpami, yallita cushicunga. Chai servicca allita yachac, cashcata ruhuac cashcamantami cashcata ruhuashpa, gentecunapac juchacunata aparinga.

EZEQUIEL 14:14

Noé, Daniel, Job cai llactapi causanman carca, cai quimsa runacunallami paicuna cashcata ruhuaccuna cashcamanta quishpirinman. Chaitaca Mandac Dios ñucami nini.

EZEQUIEL 14:16

Mandac Dios ñuca shutipimi nini: Chai quimsa runacuna cai llacta chaupipi causacucpica, paicunapac churicunapish, ushicunapish mana quishpiri pudinmanchu. Ashtahuanpish paicunallami quishpirinman. Cai llactaca llaquinayaitami shitashca saquirinman.

EZEQUIEL 18:13

cullquita mañachishpapish interesta japic runaca, ¿causangachu? ¡Paica mana causangachu! Cai tucui millaita ruhuashcamantaca huañungatacmi. Chashnami paipac juchamanta huañunga.

EZEQUIEL 18:30

Israelcunalla, tucui cancuna ruhuashcatami taripasha. Tucui millaita ruhuashcamanta llaquirishpa, ñucapacman cutimuichic. Chashna cutimucpica, cancunapac juchamantaca mana llaquichishachu.

EZEQUIEL 18:4

Riquichic, taitapish, churicunapish ñucapacmi. Maijanpish juchayuc runami huañunga.

EZEQUIEL 33:10

Shinallatac Mandac Diosca: «Huañunalla runa, israelcunataca: “Cancunaca: ‘Ñucanchic mana cazushcapish, ñucanchic juchacunapish ñitishcami causacunchic. Chaimantami ismuc shina tucuricunchic. Shina cashpaca, ¿ima shinatac causashunyari?’ nircanguichicmi.

EZEQUIEL 33:6

Jatun macanacui shamucta ricushpapish chai cuidac runa cornetapi mana tocashpa uyachicpi, maijan mana miticushpa, jatun macanacuipi huañuchicpica, paipac juchamantami huañunga. Shina cashpapish paipac yahuarmantaca cuidac runami juchanchishca canga.

EZEQUIEL 4:4

Canca lluqui ladoman siririshpa, israelcunapac juchacunata cambac jahuapi shina churangui. Mashna cutin lluqui ladoman sueñushpaca, paicunapac juchacunatami apangui.

LEVÍTICO 10:17

—Juchata pichachun Diosman cushca chivotaca, ¿ima nishpatac chicanyachishca pushtupi mana micurcanguichic? Chai aichaca Diospaclla chicanyachishcami. Chai aichaca israelcunapac juchacunata cancunaman apachishpa, Mandac Dios perdonachunmi curca.

LEVÍTICO 16:22

Israelcunapac juchata apachishpami, pi mana causana shitashca pambaman apanga. Chai pambapimi chivotaca cacharinga.

LEVÍTICO 19:8

Maijanpish chaita micushpa, ñucapaclla chicanyachishcata yangata ruhuac runaca mana alli nishcami canga. Israelcunapuramantapish anchuchishcami canga.

LEVÍTICO 5:1

Maijanpish imata ricushca cashpa, mana cashpaca uyashca cashpa, chaita mana huillashpaca juchayucmi tucun.

LEVÍTICO 5:17

Maijanpish mana yachashcamanta Dios ama ruhuachun nishcacunata ruhuashpa, chaita ruhuashcata mana yachac chayashpapish juchayucmi tucunga. Chaimanta llaquichishcami canga.

NÚMEROS 15:31

Ñuca rimashcata mana chasquishcamanta, mandashcacunata mana cazushcamantami chai runaca anchuchishca canga. Paipac juchamantaca paillatacmi llaquita apanga” ninmi ningui» nirca.

NÚMEROS 18:1

Mandac Diosca Aarontaca: «Ñucapaclla chicanyachishca ucuman cuchuyashpa juchallishcamantaca canpish, cambac churicunapish, cambac huasi ucupuracunapish juchayucmi tucunguichic. Cutin curacuna mana allita ruhuashcamantaca canpish, cambac churicunapish juchanchishcami canguichic.

SAN MATEO 16:27

Ashtahuanpish Runa Tucungapac shamushca ñucaca, ñuca Taitapac sumaimana achic nicuc-huan, paipac angelcunahuan cutimushpaca, tucuimanmi imata ruhuashca shina cusha.

DEUTERONOMIO 24:16

Taitacunaca mana churicunapac juchamantaca huañungachu. Churicunapish mana taitacunapac juchamanta huañungachu. Ashtahuanpish quiquin juchamantaca, quiquinllatacmi huañunga.

HEBREOS 9:28

Apunchic Jesusca achca gentecunapac juchacunata pichangapacmi, shuc cutinlla pai quiquinllatac huañurca. Quipataca ña mana juchacunata anchuchingapacchu shamunga, ashtahuanpish paita shuyacuccunata quishpichingapacmi shamunga.

1 PEDRO 2:24

Ñucanchic juchata mana ruhuangapac huañushca shina tucushpa, cashcata ruhuashpa causachunmi, Cristollatac paipac cuerpopi ñucanchic juchacunata apashpa, cruzpi huañurca. Cancuna alliyachunmi, Cristoca chugririshca carca.

APOCALIPSIS 2:23

Paipac huahuacunatapish huañuchishami. Chashna ruhuacpimi tucui tandanacushca criccunaca paicunapac yuyaitapish, shungutapish ñuca yachac cashcata yachac chayangacuna. Tucuimanmi imata ruhuacushca, shinallatac japina cashcata cusha.

APOCALIPSIS 20:12

Chaipica huañushcacunatami jatuncunatapish, uchillacunatapish mandashpa tiyarinapac ñaupapi shayacucta ricurcani. Shinallatac librocunapish pascashcami carca. Huiñaita causangapac rina libropi quillcashcatapish pascashcatami ricurcani. Chai huañushcacunaca paicuna imata ruhuashca librocunapi quillcashca cashca shinami taripashca carca.