18 Paipac taitaca millaita ruhuac, shucpac charishcata quichuc, tucuipac ñaupapi imapish mana allita ruhuac cashcamantaca huañungami. Chaica, paipac juchamantami huañunga.
Maijan llactapi huacchacunata llaquichicucta, paicunaman cuna cashcata mana cushpa, mana allita ruhuacucta ricushpaca, ama mancharinguichu. Shuc mandactaca paita yalli mandacmi ricucun. Shinallatac chai mandacta ashtahuan yalli jatun mandacpish tiyanmi.
¡Aij, Diosta mana manchac runalla! Yalli llaquimi tucunga. Paicunapac maquihuan mana allita ruhuashca shinallatacmi mana allita japinga.
huacchata llaquishpa, cullquita mañachishpapish, mana interesta japishpa, ñuca quillcachishcacunata huacaichishpa, ñuca mandashcacuna nishca shina causashpaca paipac taitapac juchacunamantaca mana huañungachu, ashtahuanpish causangami.
Cancunaca: “¿Imamantatac churica taitapac juchamanta llaquita mana apan?” nishpa tapunguichicchari. Shina cashpapish churica cashcata ruhuac cashcamantami allita ruhuarca. Chaimantami ñuca quillcachishcacunatapish tucuita cazurca. Chaimantami paica causanga.
Maijanpish quiquin juchamantami huañunga. Churica taitapac juchamantaca mana huañungachu. Shinallatac taitapish churipac juchamantaca mana huañungachu. Cashcata ruhuac runaca allitami japinga. Mana allita ruhuac runaca llaquitami apanga.
Ashtahuanpish cashcata ruhuac runa, allita ruhuanata saquishpa millaita ruhuaccuna shina causashpaca, ¿causangachu? Pai cashcata ruhuac cashcataca mana yuyarishachu. Ashtahuanpish pai ñucata mana cazushpa, millaita ruhuashcamantaca huañungami.
Cashcata ruhuac runa allita ruhuanata saquishpa, millaita ruhuashpaca huañungami. Paica mana allita ruhuashcamantami huañunga.
Riquichic, taitapish, churicunapish ñucapacmi. Maijanpish juchayuc runami huañunga.
Ñuca, ñucata mana manchac runata: “Huañunguitacmi” nicpipish, can chai runa millai ruhuanata saquishpa, causaita charichun mana rimacpica, chai runaca paipac juchamantami huañunga. Ashtahuanpish pai huañushcamantaca cantami juchanchisha.
Cutinllatac Jesusca: —Ñucaca rigrinimi. Cancunaca mashcanguichicmi. Ñuca ricushcamanca mana ri pudinguichicchu Cancunapac juchallapitacmi huañunguichic— nirca.
Chaimantami “cancunapac juchallapitacmi huañunguichic” nircani. Ñucata cancuna mana crishpaca, cancunapac juchallapitacmi huañunguichic— nirca.